#قصة #حلا
"#البارت_2"
احلامي ضاعت واذا مااسوي الي يريدو رح يطردوني بشارع
اووف ياربي ماالي غيرك
اصبر واكول اتهون
مرت شهور علئ هلحاله
واني حياتي صارت عبارة عن غسل طبخ تنضيف ونوم
اتعودت علئ هلعيشة
طبيت الغرفتي جانت غرفة بيها خزانه وحدة وجرباية صغيرة
صح قديمة بس متبين لاني جنت ازينها ورد وارسم فراشات
بس رنا جانت كلش حلوة غرفتها رغم اني ماادخلها بس
امر من الباب واشوفها
المهم نزلت اسوي غدا فمريت من غرفة رنا وسمعت صوت خفيف طالع من غرفتها
حاولت اتقرب
اتقربت سمعتها تكول اني هم احبك موت اشوفك باجر
باي حبيبي
اني انصدمت من الي سمعته كلت شلون رنا هيجي تحجي ويه منو شلون هيه بعدها صغيرة
مكدرت احاجيها خاف تكول الماما وتطردني
رحت اسوي غدا
وجان تجي رنا للمطبخ تدور شي بلثلاجة حتئ تاكله
باوعتلها كالت شبيج بعصبيه
كتلها مابيه شي
رادت تطلع ناديتلها رنااا
كالت خير
كتلها اريد اسالج سؤال
كالت شنو
كتلها منو الي جنتي تحجين ويا بتلفون وتكليله احبك
كالت وانتي منين عرفتي تجسسين عليه مو
كتلها لا سمعت بلغلط
كالت شوفي والله اسحلج واطردج بلشارع بس اسمعج حاجيه الاي بشر وخاصة امي
وجرتني من شعري وراحت
اني بجيت وضجت علئ اي شي يهددوني بلطرد
اجه بابا وشافني ابجي كلي شبيج كتله مابيه شي جنت اسوي بصل
كال اغسلي ايديج بمي بارد يخف
كتله ماشي وطلع
طبعا هو عصبي بس لطيف وحنون علئ البنات
كملت الغدا واتغدو غسلت المواعين صعدت الغرفتي
اباوع من الشباك والهوا بوجهي اووف رغم كل التعب
انسئ كل شي واروح العالم احلامي
فجأة اسمع صوت ماما تنادي حلاااا .. ولج حلا اليوم اموتج طبت وسحبتني من شعري كتلها شسويت
كالت وتسالين مو ؟؟ اليوم اذبحج
شلون تطولين السانج علئ رنا وتكولين شعرها وسخ وتدور شباب
وتتهميها تخابر شباب
كتلها والله ماما ماحجيت هلشي طبت رنا تبجي وكالت بلي ماما حجت هواي بعد وغلطت
ضربتني راشديات وكتل وكلتلي اني اعلمج
لزمت المقص وقصت شعري الي جنت اعتني بي واحبه شعري الطويل
ضربتني وطلعت ورنا تفلت عليه وطلعت وراها
سمعتني ماما حجي وغلط بنت الشوارع اني جبتج وذبيت فلوسي عليج
اتمنيت الموت ولا يصير هلشي بيه مااتحمل بعد كعدت لزمت شعري وابجي
رحت للمراية شفت شعري فوك رقبتي بجيت دم من قهري
اوووف ياربي بعدني صغيرة ع القهر ساعدني يارب
ضليت ابجي الحد مورمت عيوني
نزلت اسوي عشا شافني بابا كال شبيها هاي ليش هيجي تبجي محد جاوب
كال جاوبي شبيج هم جنتي اتسوين بصل
كتله لا
لعد شبيج ؟؟؟
منير كال عوفها خلي تولي متريد تحجي
خل اتسويلنا سم جوعان
كالتله ماما خليها تتادب السانها طولان وهيجي حجت وهيجي علئ رنا وقصيت شعرها هاي كرصة اذن
كال صح هلحجي ؟؟؟
مكدرت اجاوب اي او لا بس ابجي اخاف يطردوني
كال اذا هلحجي صح معناها تستاهلين ولازم محد ينطيج عين واذكري مكانج قبل لتحجين افتهمتي
من هسه والسانج يذب سم من تكبرين شلون
يلا انكلعي سوي اكل
ضليت ابجي واسوي عشا اوووف ربي كلها ضدي تعبت
كملت عشا صعدت الغرفتي خليت راسي ع المخدة وغركتها بدموعي اريد انام مااكدر كمت صليت ركعتين ودعيت ونمت
كعدت الصبح فتحت الشباك اباوع للشارع والناس تمشي والمدارس كلت شوكت اصير مثل هلبشر واطلع اشوف الدنيا ليش اضل مسجونه ياربي
وكفت كبال المراية واباوع الشعري بقهر
ضليت اباوع العيوني شلون كلها حزن ودموع
كلت بداخلي ليش ابجي ؟؟ علمود منو
علمود شعري ؟؟ عادي يطول
حتئ الشعر القصير عليه حلو ويجنن
عيوني حلوة متستاهل ابجيها
ابتسمت وكلت لازم اصبر مادام والله وياي
نزلت بنشاط وكلعادة نفس الروتين
مرت علئ هلحاله 5 سنوات الحد ماصرت بعمر ال 20
واني نفس الروتين
بس بعد هل 5 سنوات مااتغير شي نفس العائلة واطباعها
نفسها رنا وكرها الي ومنير وقساوته وياي
وبابا وعصبيته وماما الي محد يعارضها
الفرق الوحيد الي صار هو سمحولي انو اداوم
معهد رسم وجنت فرحانه بي كلش وصارتلي صديقه
اكعد كل يوم الصبح حتئ اروح بساع وارسم كل شي يخطر ابالي
صديقتي اسمها دعاء جانت تحبني حيل واني نفس الشي
كل شي تحجيلي واني احجيلها
المهم فد يوم طلعت الصبح حتئ اروح للمعهد
مشيت بلشارع جان كله اشجار احب امشي بي هادئ
اوراق الاشجار بلكاع تطاير ويه الهوا
اوووف شي روعه فجأة اسمع صوت اقدام ورايه خفت وسرعت شويه بلمشي
واسمع خطواته تتسارع هديت المشي حتئ يصير كبالي
وفعلا صار كبالي جان شاب طويل ولابس تراكسود رمادي بي ازرك وشفقة زركه ويتمشئ وسماعات ب اذانه
مكدرت اشوف وجهه بس شكله من وره
المهم راح من غير طريق واني من غير طريق
وكلت النفسي شكد غبيه وجبانه اخاف من غير داعي
واني احاجي نفسي دخلت باب المعهد واصطدمت بشخص وطلع نفس الشاب عيونه سود حواجبه ع طول عيونه نضرتها حادة
ملامحها تسحر
بس رغم هلشي جنت خايفة ودفعته كتله ليش تلاحكني ؟؟؟
كال شنو بتعجب ؟؟؟
كتله احجي لااشتكي عليك
كال صوتج شويه لو سمحتي خليني افهمج
كتله وخر عني ورحت للادارة وكلت للمدير اكو شخص يلاحكني راد يطلع المدير يشوفه جان يدخل للادارة
كتله استاذ هو هذا الي لاحكني
المدير مستغرب والولد واكف بثبات
كاله المدير : هلا استاذ سامر الحمدالله علئ سلامتك وسلم عليه
اني انصدمت شنوو استاذ سامر ؟؟!!
كال المدير اي هذا استاذ سامر وهو الادارة مال المعهد بيدة
بس مفهمت شنو كلتي يلاحكج
صفنت بمكاني شسوي
كال الاستاذ سامر : هيه استعجلت مخلتني افهم منها
انتي وين شايفتني
كتله بشارع واني جايه
كال بس اني مشفتج وانتي فاهمتني غلط عيوني
صفنت وكوة يطلع الاعتذار من عندي
كالي ولا يهمج حسابج بعدين وضحك
اني اعتذرت من الكل وطلعت بساع
حضرت الدرس جاي اطلع للبيت واسمع شخص يناديلي يا بنيه وينج الووو التفتت ....... يتبع
ادعموو الصفحه حبايب وانتضرو التكمله باجر ♡
