#قصة #حلا
#
غفيت جان افز علئ صوت الباب انفتح كمت بساع
كلت منير ؟؟ شكو صاير شي
....
ضل يتقرب وميحجي كتله منير صاير شي
ترا دتخوفني احجي بداعت امي
كلي شبيج حلا ماكو شي
بس ضايج واريد احجي وياج شويه
كتله احجي اكعد
كعد كبالي ع جربايه وسحب نفس
كتله شبيك احجيلي .. كال
حلا مااعرف شلون ابدا بس لمن شفتيني اليوم ادخن
هلشي موبيدي لان كلبي محترك ويجبرني
كتله سلامة كلبك ليش شنو مضايقك
كلي انتي .. كتله شلون يعني مفهمت اني بشنو ضايقتك
كال حلااا .... كتله شكو منير .. كال احبج
كتله اني هم احبك كال لا حب من غير نوع
كتله شنوو منير شدتحجي انت ؟؟ اني اختك لتنسئ
كال شنو اختي منين اجيتي اختي ؟؟
كتله كافي منير صح اني مو بنت امك وابوك بس ربينا سوة علئ انو احنه اخوان ونفس الام والاب
كال هههه ليش شوكت عاملناج ك اخت شوكت حسيتي هلشي
كتله مو مهم الي حسيته اني اعتبرك اخويه منير رجاءا لتحجي هلحجي اترجاك
عصب حيل ولزم وجهي بيدة وقرب وجهه كلي اششش كافي
لتجبريني اتصرف غير تصرف افتهمتي راد يبوسني ودفعته
كتله وخر منيير اترجاك ابوس ايدك
لزمني من شعري وسحلني ع الكاع وبدا يدفرني وضربني
ضليت اصرخ اكله منير اترجاك عوفني الله يخليك منير ارحمني كلي تبيعين شرف عليه
انتي مو اختي يابنت الشوارع انتي مجرد خدامه اذكري
ورح اجيج مرة ثانيه بس ياويلج اتسوين الي سويتي هسه
افتهمتي ؟؟؟!!!
ضليت ابجي وراسي للكاع لمن طلع ركضت قفلت الباب وكعدت اصرخ وابجي يااربي ليش هيجي تعاقبني اني شنو غلطت عمري مسويت شي يغضبك ارحمني ياربي
امسح بدموعي اختلطت بلدم الي نزل من خشمي وحلكي
غفيت بدون مااحس من الالم .. كعدت لكيت نفسي نايمه عد الباب كمت اباوع النفسي بلمرايه واشوف خدي ازرك ومتورم
شلون رح اروح للمعهد احسن شي مااروح بس اخاف ابقئ ويجيني منير ... ليش منير مو انت اخويه واني اختك استغفر الله ياربي
لبست بسرعه وطلعت من غير مااحد يشوفني وصلت للمعهد اريد اشوف دعاء لان مااكدر اطب غطيت وجهي بلشال وطبيت ادورلها سالت عليها بنيه كالت ممداومه
كلت احسن حتئ اروحلها للبيت واني امشي بشارع اذكرت الصار بيه ونزلت دموعي علئ خدي احسها تنزل مثل النار
فجأة سحبني شخص باوعت بخوف وصرخت
كلي اش اهدي اهدي هاي شصاير بيج
كتله استاذ سامر خوفتني الله يخليك عوفني
كلي ما رح اعوفج افتهمتي اني جنت شاك انج تعانين من مشكله وهسه ثبتلي هلشي اكيد اكو شخص ضاغط عليج وميخليج تحجين لتخافين واحجي لتصيرين جبانه
كتله رجاءا لتدخل مابيه شي كال وهذا وجهج وعيونج
كتله وكعدت من الدرج كال حلو وليش مرتبكه
اسمعي يبنيه جاوبي الصراحه احسن كتله مالك شغل ومشيت
لزمني من ايدي وسحبني السيارته كتله وين ماخذني عوفني
كال غصب عنج اليوم تحجين صعدني السيارته وبدا يسوق
كتله نزلني كال ولا حرف كتله بس كلي وين ماخذني
كال للشرطه هناك رح تحجين كل شي غصب
كتله الله يخليك نزلني مااريد احجي شي
مااكدر والله ابوس ايدك نزلني ودموعي تنزل وكف السيارة ع جانب الطريق كلي حلا .. والله مرايد منج شي بس الصراحه
احجيلي .. كتله استاذ انت ليش تدخل بيه شنو السبب
كال شوفي احجيلي واعتبريني اخ وصديق واوعدج اكلج ليش ادخل بيج .. اخذت نفس وبديت احجيله كل شي وشهكات البجي تقاطعني
كال حلا صدك تحجين ؟؟؟ انتي شلون متحمله هلشي
كتله شسوي راضيه بامر الله كال لا حلا ونعم بالله بس الله انطانه عقل نفكر وبعد الي سوا اخوج بيج ملازم اضلين عنده لان رح يجاوز حدودة اكثر كتله اشوف شلون احلها
كلي لا تروحين تشتكين عليه احسن كتله لا هذا اخويه
كال شنو اخوج هو ممعتبرج اخته هذا واحد نذل ميخاف الله
سكتت ... وهو ملامحه تغيرت وعصب
كتله استاذ كال نعم .. كتله ليش مهتم ؟؟
كال حلا رح احجيلج بس لتفهميني غلط كتله تفضل
كال اني جنت احب انسانه حلوة وراقيه اخلاقها مثل جمالها واسمها
جانت نفس نضراتج نفس تصرفاتج ههه ونفس اسمج
اني معرفت شحجي كتله وشصار ؟
كال شصار جنه مخطوبين وطايرين من الفرحه الحد مااجه اليوم الي انحرمت منها بي
كتله ليش استاذ كال راحت بانفجار
كتله اووووف الله يعينك ويعين كلبك
كلي حسيتي بوجعي كتله اكيد استاذ محد بكدي يعرف
شعور الحرمان والفقد كلي حلا اني مكدرت انساها صار 3 سنوات وهاي السنه بسبب ضغط امي واصرارها
قررت اشوف حياتي واتناساها وطلعتي انتي كبالي !!
رجعتيني للصفر كتله اسفة كال ع شنوو
انتي مالج ذنب بس اريدج تعرفين شي واحد
كتله شنو كال اني مااريد اي شي منج ولا الي غير نضرة وياج
نيتي وياج صافيه كونج تذكريني بلغاليه مااحب اشوف دمعه بعينج واذا تقبلين يكون بيناتنه علاقة صداقه اكون حيل ممنون
كتله استاذ مااكدر وانسئ كل شي حجيته الك
كال ليش متكدرين
سكتت
كال جربي كتله ماشي استاذ كال اممم اول قاعدة بلصداقه ماكو رسميات يعني كلمة استاذ شيليها كتله شنو اناديلك
كال بس سامر هههه
كتله احاول كال ع راحتج يلا اخذج الاي صيدليه قريبه اجيبلج كريم الوجهج
كتله لا لا كال ممنوع لا
واحنه ماشين بلسيارة كال اساليني كتله شنو كال اي شي ابالج
كتله شكد عمرك كلي 25 كتله العمر كله كال والج يارب وانتي
كتله 20 كال هاا كتكوته يعني اني جدو ههههه
ضحكت كتله لا بعدك صغير كال اريدج دوم تضحكين
كتله ان شاء الله وصلنا الصيدليه كال رح اطب اجيبلج واجي كتله ماشي وهو جاي يطب اصطدم بشخص انصدمت لمن شفته اصطدم بمنير اووف ربي شلون هسه رفعت جامة السيارة لانها مضلله وشفت الاستاذ سامر يعتذر منه ومنير يكله ولا يهمك
اجه الاستاذ صعد كال شبيج منزله راسج كتله ولا شي
كال متاكدة كتله اي
كال زين اخذي العلاج وهاي لفه وببسي هم
ويلا اوصلج للبيت لو وين كتله لا بس وصلني عد بيت صديقتي مااكدر اروح للبيت هسه كال ماشي
وصلني البيت دعاء كتله شكرا الك تعبتك كال ها مو كلنه بلا رسميات ضحكت وكال يلا مع السلامه كتله الله وياك
دكيت الباب طلع ولد كتله دعاء موجودة كال منو حضرتج كتله صديقتها حلا كال تفضلي طبيت انتضرتها بلصاله
نزلت دعاء ..... كالت شبيج حجيتلها كل شي
كالت ياحقير يا منير اني اعلمه كتلها انسي
منو هذا الولد اخوج
كالت اي اخويه احمد كتلهاا اهاا
اجه احمد كلها دعاوي صديقي رح يجي اذا هلشي يضايقج انتي وصديقتج اعتذر منه كلتله لا عادي واني كتله عادي كالت دعاء رح نروح الغرفتي كال ماشي
صعدنا للغرفه واسمع صوت احمد وصديقه بس صوته مالوف
باوعت من فوك جان اشوف منير ..... يتبع
