#قصة #حلا
#
طلعنا للسوك نشتري ونجهز للعرس جانت امي ورنا فرحانات
اني ارتاحيت بهاي الايام اتونسنا
مر اسبوع وسامر متحمس .. واني مرتبكه حيل
...
اجه يوم الحنه لبسوني فستان احمر وتسريحه يبووو ارتبكت حيل
كعدنا حفله وركص واني بصراحه ادوخ من الاغاني ههههه
اجه سامر لابس اسود قميص وبنطلون بس طالع فد شي
جابو الحنه سوولي نقش يجنن فرحت حيل اووف والله مرتاحه ياربي الف الحمدالله والشكر
ركصنا وفرحنا وكلمن راح البيته رحت لغرفتي تعبانه
احس بثكل .. دخلت سبحت وطلعت ... كبل غفيت بدون مااحس
فزيت علئ صوت الموبايل يدك جاوبت الو .. كلي ها صوتج نعسان .. كتله ولك غافيه وكعدتني كلي هاا كدرتي تنامين وباجر عرسنا ولج .. كتله شتريد اسوي اليوم تعبت حيل
كال اي عيني ليش لا نامي نامي ههههه
كتله عابت ههههه كلي ولج احبج والله .. باجر تتحقق امنيتي
واتصيرين مرتي .. كتله سامر ان شاء الله ننسعد اني وياك
كلي ان شاء الله يلا نامي حبيبي ازعجتج .. كتله عادي
بس لتعيدها ضحك وكال احبج تصبحين ع خير
وانت من اهله ... بعدها دخلت بنوم عميييق
صار الصبح كعدت سبحت واتريكت وطلعنا للصالون
واحنه بصالون اجتني امي كلتلي حلا هذا اياد اخو سامر اعزب مو .. كتلها اي كالت اول متزوجين سامر خططي الاختج تجي وياج ... كتلها شلون يعني .. كلتلي يعني حاولي ادخليها ابال اياد .. كتلها ماما شنو هلحجي كالت شبيج ؟؟
متريدين الخير الاختج .. لو تفكرين بس بنفسج
اختج حبته للولد وهاي اول مرة تحب ساعديها
كتلها ماما والله كل شب قسمه ونصيب قابل بيدي هلشي
كلتلي اي بيدج كل شي افهمي ولتصيرين غبيه
نادتلي ام الصالون وبدت تمكيجني وتسريحه وتاج وبدله
كملت من الصالون دكينا ع سامر كال اني بلطريق جايكم
كلت بداخلي شنو رح يكول سامر لمن يشوفني ههههه
والله كلامه مينمل منه كله حلو حتئ بعصبيته
ضلينا ننتضر مااجه دكيت عليه مغلق .. كتلها ماما دكي انتي
دكت مغلق كالت وينه اتاخر .. اني بديت اخاف واقلق
وين صار اكيد هسه يجي ويكلي خلص شحن الموبايل
انتضرنا وهم ماكو .. دكينا علئ ام سامر كالت شنو بعدة مااجاكم ؟؟؟ كنالها لا كالت شلون دكيت عليه كال رايح اخذهم من الصالون .. هنا اني بديت اتوسل ب الله واكول ربي اترجاك خلي يجي كبالي ويكلي خلص شحن
اخذنا تكسي ورجعنا للبيت ولكيت عمتي ام سامر تبجي
كتلها شكوو ؟؟ متجاوب ولااحد يجاوبني بس كلها تبجي
عمه شكو احجي سامر وين .. كالت رايحين هسه عليه
كتلها ليش وينه كالت بلمستشفئ سوة حادث
اني مااتحملت وركضت بساع للشارع اخذت تكسي ورحت للمستشفئ الي هو بيها ... دخلت اركض اني وبدلة العرس كالو بلعمليات .. كعدت ابجي دموعي تجرح خدي وادعي ربي واتوسل
ربي ليش اتعذبني والله ممسويه شي يارب اخذ من عمري
وخلي علئ عمره يارب
ضليت انتضر واجو اهل سامر واهلي
طلع الدكتور كال رح ننقله ع العناية المركزة الشاب داخل غيبوبه
وماندري شوكت يصحه كتله دكتور اريد اشوفه
كلي ممكن تفضلي .. دخلت بساع ولزمت ايدة
سامر احجي ليش ساكت انت مو لمن اشوفني متكدر تسكت
جاوب فدوة حياتي .. اليوم عرسنا
شوفني لابستلك ابيض اني عروستك حلا .. يلا ناديني مرتي
كوم سامر ليش نايم دخلو عليه والدموع بعيونهم
اني انهاريت بلبجي بعدها فقدت ومحسيت بشي
كعدت لكيت نفسي ابيت اهلي كمت كتلهم ليش جبتوني
رجعوني واصرخ وابجي امي صاحت عليه عساااج بموت يلفكر انتي فكرتي الولد ودخلتي مستشفئ يوم عرسه
امشي ولي لغرفتج ولطلعين ولانفس اسمع يلا ولي
اني كتلها كله بسببج يمه انتي اقرب الناس الي مااتمنيتي الخير الي وحسدتيني كامت ضربتني واجه منير كمل عليه ضرب وقفل عليه باب غرفتي واني ضليت ابجي واصرخ
سامرر وينك مو كتلي مااعوفج ارجع والله رح اموت
اوووف يا الله اخذني وخلصني من هلعذاب
اريد اطلع طلعوني اريد اشووفه الله يخليكم ودوني اله
مرت ايام واني مااكل ولااخلي شي بحلكي
ولا حتئ اطلع من غرفتي عيوني انتفخت بسبب السهر والبجي
لحد مافقدت كعدت لكيت نفسي مستشفئ وشاديلي مغذي
دايخه ومااكدر احجي اجت امي تدعي فوك راسي الله ياخذج ويخلصنا ابتلينا بيج بلوة يلفكر
واني تفكيري كله بسامر ودموعي متوكف
طلعت من المستشفئ كلت املي بالله مينتهي
ضليت اصلي ليل نهار وادعي واروح ازور سامر
ضليت ادعيله ... لحد مااجاني تلفون من امه كلتلي سامر اتحرك ...طرت من الفرحه وكلت شكرا ياربي لبست اريد اطلع
وكفني منير كال وين ... ؟؟
يتبع ...
قصص عراقية واقعية
