#قصة_حلا
اني حلا 20 سنة من العراق
تربيت بميتم ولمن صرت 15 سنه تبنتني عائلة
العائلة من 4 اشخاص بنت ولد وام واب
يعني اني صرت الخامسة
بصراحة لمن اجت المرة واتبنتي فرحت انو رح يكون الي
عائله تحبني رح يكون عندي ام واب
بس صار عكس الي بنيته من احلام
اول شهرين الي وياهم مرت علئ خير
بعد هل شهرين
جنت نايمه ورايحه ب احلامي الطفولية الورديه
فزيت علئ راشدي من امي
كعدت وشعري مفتوح ومغطي جسمي
شعري جان طويل بشكل وناعم
جنت لازمه خدي ومستغربة ليش ضربتني امي
سالتها ليش ماما ضربتيني ؟؟!!
كالتلي وتسالين فوكاها
كومي يلا ... كومي مااتبنيتج وذبيت عليج فلوس علمود اجيبج تاكلين وتنامين
بسرعه ع المطبخ حضري ريوك لرنا ومنير
وراهم مدرسة
كلت بداخلي يجوز كل ام هيجي تصرف ويه بنتها
اني لازم اسمع كلامها
كتلها حاضر ماما وكمت اسوي ريوك الرنا ومنير
رنا عمرها 16 سنه جانت اكبر مني بسنه
بس دائمة تباوعلي بنضرات حادة وحقد
جنت دائما ابتسملها بس جانت تتجاهلني وحتئ كلامها
قليل وياي جانت حنطاويه ونحيفه وطويله شعرها حلو وقصير ملامحها حلوة بس دمها ثكيل
ومنير جان عمرة 17 اكبر من رنا بسنه ومني بسنتين
اسمر وجان يحب يمارس الرياضه جسمه رياضي شعرة حيل ناعم بس محد اله سلطة عليه يعني يتصرف بكيفه
ويغلط وميحترم ابو او امه
طبيت للمطبخ سويت الجاي وحضرت الريوك وناديتلهم كعدو يتريكون
طلعت اتمشا بلحديقة البيت جان جبير وكلمن اله غرفة جان طابقين حلو وبي حديقة بس جان هادئ
كلششش
جانت اكو بزونه صغيرة اوكلها والعب وياها بلحديقة
فجأة طلعت امي وصاحت حلاااا تعالي يلا بسرعه اغسلي المواعين وسوي غدا
معرفت شحجي المهم واني جاي ادخل شفت منير ورنا طلعو للمدرسه
طبيت للمطبخ لكيت ماما كاعدة تجهز الدجاجه حتئ اطبخها
كتلها ماما اني مااعرف اطبخ
كالتلي : وشنو يعني ؟؟
اعلمج لو تريدين اضلين بس اكل ونوم
تعالي يلا كدامي
بدت اتعلمني واني اطبق الي تكوله واذا اغلط بشي بسيط اتسمعني كلام يجرحني
جانت الدمعه بعيوني واتحملت كل شي
المهم كعدنا نستنئ الغدا يستوي
كعدت وياها وهيه جاي اتسوي زلاطة
كتلها ماما
كالت نعم
كتلها اني جنت اتعلم بلميتم واتعلمت اقرا واكتب
وكلولي بس احد يتبناج تكدرين يقدرون عمرج كونج جنتي يتيمه ويخلوج بصف مناسب
كالت والمطلوب ؟؟
كتلها اريد ادرس 😔
جاوبتني بعصبية شنوو ؟؟ لا والله وتريدني اصرف عليها
اني جبتج وذبيت عليج فلوس حتئ ادرسج مو
جبتج تشتغلين واشيلين البيت افتهمتي لو لا
يعني حالج حال الخدامه واذا اضلين هيج
اشمرج بلشارع
اني كمت ورحت الغرفتي
معرفت شسوي بس ضليت ابجي ومخنوكه
انجرحت من كلامها وافكر شلون اصير خدامه واطبخ واغسل واني بس 15 سنه
ودراسه ماكو
احلامي ضاعت واذا مااسوي الي يريدو رح يطردوني بشارع
اووف ياربي ماالي غيرك
اصبر واكول اتهون
مرت شهور علئ هلحاله ......... يتبع
اذا عجبتكم القصة شاركوها ويه اصدقائكم
وشجعوني حتئ استمر
