#قصة #حلا
#
كلت شلون جنت انام ودموعي بعيوني وهسه لمن دخل سامر الحياتي مااكدر اتحكم بابتسامتي
ياربي كملها علئ خير واوكف وياي لتحرمني من الفرح
اجه يوم الاثنين ....
كعدتني امي من الصبح كلتلي كومي اجتج ام سامر
كتلها شنوو ؟؟ غسلت وبدلت ونزلت كلتلي يلا حبيبتي
امشي وياي انتي وامج واختج كتلها وين كالت هسه تعرفين
صعدنا وياها بلسيارة وكفت السيارة كبال بيت جبيرر يعني مثل القصر 3 طوابق دخلنا الحديقة جبييرة
امي طبعا شفتها انكلب وجها وتبوس برنا
المهم دخلنا للصاله كعدنا نسولف جان يجيبولنا ريوك
بس اشكااال ماشاء الله ناس مناقصها شي
بس كل هذا مجان بعيني جانت امنيتي الوحيدة انو احصل علئ اهل وحنان مو ضرب وتعذيب ولا حتئ فلوس
المهم اتريكنا كالت يلا خل اخذكم للصالون امي كلتلها ليش
اتعذبين نفسج هيه خطوبه يعني احنه نجهزها
كلتلها لا هاي خطيبة ابني واني رح اجهزها علئ كيفي
اني ابتسمت الها ونزلت راسي من الخجل
كلت اووف شيصير لو هاي امي
رحنا للصالون جهزوني لبست فستان ازرق نيلي بس طلع يخبل لان لون عيوني زرق وبيضه وشعري مفتوح ولبست تاج وكعب
صعدنا رحنا البيت سامر وبدو الناس يجون ويباركون
اووف حفله وزينه تخبل شنو هاي معقوله هاي خطوبتي
اباوع فرحانه الامي ورنا بس جنت احس نضراتهم حقد
المهم اجه سامر ولابس نفس لون فستاني سلم ع الكل واجه كعد يمي وبدت الناس تركص وتغني
جابو الحلقات ولبسني ولبسته
الناس كلها فرحانه كلي سامر تعبتي كتله اي والله دخت من الهوسه
كال اني هم يلا امشي اوصلكم البيتكم ترتاحون كتله ماشي
اترخصنا من الكل وصعدنا ويه سامر بسيارته وصلنا للبيت
نزلت امي ورنا كبالي كلي حلا كتله عيوني
كال فديت هلعيون ضحكت كال نامي زين كتله انت هم
كال يلا روحي يا خطيبتي ضحكنا ونزلت وراح
دخلت سبحت وطلعت مشطت ردت انام
جان دخلت امي كالتلي اسمعي ولج ديري بالج تحجين الاهل سامر علينا
وضلت تحجي وتخطط وتهددني
نمت .. كعدت الصبح علئ صوت التلفون .. الو
كلت الو كلي ها كسلانه كومي عندج معهد
كتله سامر كلي لا خياله
يلا ربع ساعه واجيج بسرعه جهزي نفسج كتله بعد وكت كال يلا بدون نقاش
كمت بدلت بساع ونزلت انتضرة جان يجي بلسيارة وابتسامته بوجهه كال هلا بخطيبتي اصعدي صعدت وكتله وين رح نروح
كال للمطعم اوكلج كيمر وكاهي كتله مااريد كال ام حلك لتتعززين عليه
وصلنا للمطعم مابي احد قليل كعدنا بديت اسولف كتله
شلون صار هلشي بسرعه واني كل مااعرف عنك ولا اعرف شنو الي تحب شنو الي تكره
كال اني احبج وبس ماكو داعي تعرفين اكثر
احب المكان الي تكونين بي احب اسمج
احب كل شي تحبي
خجلت ونزلت راسي كلي ها بدينا بلخجل ههههه
كتله سامر اريد اكلك شغله بس لتفهم غلط
كال احجي كتله اني اول مرة شخص يصارحني وبعد الخطوبه هههه
بس مشاعري مخربطه يعني مااعرف شكلك بس
كال كملي .. كتله ماادري اذا هاي جانت مشاعر حب او لا
كال امممم ... عوفي هلشي عليه .. كتله شلون
كال انتي سرقتي كلبي واجه دوري اسرق كلبج
ضحكت كال يلا للمعهد ناخذ درس ونطلع كتله ماشي
اخذنا درس وطلعنا كلي تعالي اعرفج علئ اهلي البارحه هوسه
ومكدرتي تتعرفين عليهم كتله خاف اتاخر كال وشنو يعني
اني خطيبج ومن حقي كتله اخابر علئ ماما كال ماشي
دك التلفون كتلها هلا ماما كالت ها وينج كتلها ماما رح ياخذني سامر عد اهله شويه كالت هاا اي يمه حبيبتي روحي وسلمي عليهم واذكري الحجيته الج .... كتلها ماشي باي كالت باي
رحنا البيت سامر .. دخلنا كتله بيتكم حلو كال مو احلا منج
استقبلتنا امه بوس وحضن هههه فدوة الكلبها
نزل اياد اخو سامر واخت سامر هدى رحبو بيه وسلمو كعدنا نسولف طبعا ماشاء الله الجمال شايلي كلهم
كولو اجانب مو عرب ... اياد حباب ودمه خفيف كلي واخيرا اجت الي تكدر علئ اخويه ضل يضحكني بسوالفه
اخته هدئ هادئه قليلة كلام بس حباابه بشكل
يعني بيهم الحنيه والطيبه وراثه .. كتله اياد انت تدرس كال
اي سنه اخيرة حقوق عمري 23 سنه كتله بتوفيق العمر كله
كتلها وانتي هدئ كالت متخرجه وعمري 27 سنه كتلها العمر كله يارب
تعرفت عليهم حبوني كلش وحبيتهم اكثر قبل لااروح منهم
جابتلي هدئ سوار ولبسته الي كلتلي هذا هديه مني كتلها والله ماكو داعي كالت اشش احنه اخوات كتلها تسلميلي
اتشرف بيج واني اعتبرج اختي بدون ماتهديلي شي كالت
فدوة للحلو ضحكت ودعتهم ورحت وصلني سامر كال شفتي
شلون حبوج لتلوميني ههههه ضحكت كال يلا روحي ارتاحي
كتله انت هم تعبتك وياي كال اهووو رجعنا كتله عابت ههههه
لزم ايدي واتقرب مني اني خفت وجمدت بمكاني
قرب وجهه وغمضت عيوني ... جان يبوسني من راسي
كلي والله احبج من الله كتله كافي حبجيات ضحك
كتله يلا باي رح اترزل كلي باي كتله خابرني بس توصل
كال ماشي
دخلت للبيت واول مدخلت لزمني منير من ايدي
وبدا يغلط ويسب وامي كاعدة تباوعله شلون يضربني
بابا مموجود دائما يجي متاخر تواجدة بلبيت قليل
بدا منير يضربني علئ بطني وجهي واني اكله الله يخليك عوفني ماما ساعديني وهيه بس تباوع هيه ورنا واني اتوسلهم
كلتله منير لتضربها علئ وجها ديربالك لسوي اثر كلها لاعبالج خايف من نعال هذا سامر كلتله مو خوف بس غير نستفاد منها
وراحت هيه ورنا ينامون ومنير يضربني كتله منير رحمه من الله شبيك وياي كلي شبيه مو ؟؟
اني اعلمج اليوم طلع قطعة قماش من جيبه ورش عليها
اني كمت اصرخ ماما وينج الله يخليج تعالي خلاها علئ خشمي وحلكي وخنكني حسيت روحي رح تطلع
بعدها ثكلت عيوني وجسمي دخت وبديت افقد الوعي افتح عيوني احس منير شالني وخلاني بتابوت وسدة عليه
وبدت الدنيا تتحرك بيه .. اختنكت ....
....يتبع
رجاءا اتفاعلو حتئ اكملها وسوو دعوات الاصدقائكم
جاي اتعب بلكتابه ادعموني ولو بلايك ♡
@قصص عراقية واقعية
