البارت التاسع
بقلمي Princess Shosho ,,شهد الراوي
#ملاك_غيرت_حياتي
ذياب ,,,رحنا للبيت وليلى وياي طبعا لبعض راح ينتقد تصرفي والتناقض الي صار جنت رايح اخوفها ورجعت جبتها خوفا عليها بس اني ابن عشاير وشهامتنا ماتسمحلنا بالاذى نشوفه ونسكت عليه وخصوصا لمرة ,فلذلك واجبي احميها او حتى افهم قصتها ,,,وصلنا البيت دخلت وتلكتني الوالدة وشافتني كامت تبجي وخايفة علية طمنتها كتلها حادث بسيط وعدى ودخلت ليلى وراية وعرفتها بالوالدة كتلها ضيفتنا المحامية ليلى راح تبقى كم يوم عدنا قومي بالواجب يمه مو حاجة اوصيج جاوبتني بعيني يمه وكلت ليلى اخذي راحتج اني رايح لغرفتي انتي اطلعي بالطابق الفوك بوحدج محد يضايقج ,,,ليلى,ماشي مشكورين ماقصرتو ,,, اجتي الخادمة بعد ماصاحتها ام ذياب وطلبت منها توديني للغرفة الضيوف الي فوك رحت للطابق الثاني بيتهم فخم كلش طبيت للغرفة ,, وسديت الباب وقفلته كعدت ع السرير جان التفكير شاغالني شغل وجنت تعبانة كلش وخايفة من الي جاي اني شسويت بعمري ولا وفوكاها بيت عدوي كاعدة ومحتمية بي شلون بية وشلون مصيري ماعرف والشيخ شنو نواياه ,,, ضلت افكر الى ان نمت ,,,,ماكعدت الا ع صوت الباب يندك كمت بسرعة عدلت نفسي ولبست حجابي باوعت الساعة 11 فتحت الباب جانت الخدامة كالت الشيخ يريدج كتله ماشي ,نزلت وراها لكيت الشيخ كاعد بالصالة وامه كاعده يمه والعشى مصبوب ,,طبيت عليهم سلمت ردت ,ام ذياب حياج بنيتي طبي اني والشيخ ننتظرج دنتعشى كتلها تسلمين خالة انتو تعشو اني ماشتهي والوقت متاخر ماكدر اكل لان تتاذى معدتي ,,,ذياب ,, اعتقد سمعتي الوالدة اكعدي ولاتكسرين بخاطره ,,اكلي شوية ,,,دنجت وعدلت حجابي وكعدت ,,يم ام ذياب. , كعدت اكلت شوية وام ذياب كامت من العشى بعد ماكملت ,ذياب ,,اي ليلى اكدر اعرف الموضوع ,كتله ,,ياموضوع رجائنا ياشيخ اذا بكعدتي يمك راح تستجوبني تراني طالعة واني موبحاجة لحماية احد ,,ذياب ,انتي ليش تعاندين احجيلي خلي اساعدج الي صار وياج راح يتكرر وهذول ناوين ع الشر ,,,كتله راح احجيلك,بس بشرط تبتعد عن الموضوع واني اتصرف ,ذياب ,,احجي واني احكم مو مرة تنطيني اوامر ,,ليلى ,,شوف انت شيخ ع منطقتك مو علية ,,ذياب ,,اللهم طولج ياروح ,,يابنت الناس احجي ولاضوجيني خلص صبري ,,,ليلى ,اوك ,,,حجيتله عن قضية الاغتصاب الي مستلمتها ومنو وراها وهم ديهددون بية,,,ذياب,,,لج انتي مجنونة شي يعني هيج عالم تحطين رسج وياهم لج بابا هذول يودوج ورى الشمس ومحد يسأل وهاي القضية انصحج ابتعدي عنها لان راح تندمين ,,ليلى ,,مستحيل اذا اني انسحب وغيري ينسحب منو ياخذ حق الفقراء ,,كافي ضلم الي شافته البنية بتالي يضيع حقها
