,,,البارت الثالث عشر
بقلمي princess shosho,,شهد الراوي
#ملاك_غيرت_حياتي ,,
ليلى ,,انقطع الاتصال ثواني وصلتني صورة فتحتها وجانت الصدمة صورة ذياب وامه ,, ذبيت التلفون من ايدي وكعدت افكر لازم ابعد عنهم هذول راح يأذيهم واني ماحب الاذى للعدو مو للانسان الي ساعدتي وللشخص اول مرة قلبي يدك ع ايده ,,,رجع دك التلفون شلته واني خايفة واحس نفسي مربطة كلت الو ,,,كال ,,اي ليلى بعدج تستمرين بالقضية لو تساعديني ,,,,كتله شوف اني القضية راح انسحب منها وانتو ابتعدو عن ذياب كال ,,,,لا مو بس الانسحاب اني اريد الملف الي بأيدكم لان اعرف شريكج مراح ينسحب واني اترك حبيبج ماعرف شيصير منج ,,كتله مستحيل الملف مو عندي ومكدر اخاطر بهذا الشي اني راح انسحب وانت توفي الوعد ,رجع جاوبني لا عيوني الملف باحر يكون عندي ع الساعة 6 وماريد نقاش لو تشوفين جثة الشيخ كدامج وانتي قرري ,,,حسيت بالدنيا وشضلمها اني سفرت اهلي بحجة العمرة حتى اامن عليهم وهسة دا اخاف ع ذياب وهو شخص غريب ,,لا مو غريب هذا الي ساعدني وفتحلي بيته وبنفس الوكت الي خلا بكلبي الى مكانه ,,,كتله ماشي سده وبقيت ابجي وخايفة من الي راح يصير شراح يفكر بية ذياب ,,,,شوية واندك الباب اجتي الخدامة كالت الشيخ يريد يشوفج وهو هنا اخلي يطب كتله اوك طببي ,,ذياب,,,مرحبا ليلى شو ماكو ,ليلى دنجت راسي حتى لايشوف عيوني واني باجية كتله والله تعبانة وضايجة ع اهلي كلي ماشي تقرب مني,,ذياب,,ليلى اني الصراحة اريد افاتحج بموضوع ولاتفهميني غلط ,,شوفي يابنت الناس اني انسان واعي ومو طايش اني حبيتج واريدج ع سنة الله ورسوله ماحب اللف والدوران انتي الوحيدة الي خليتي كلبي يدك وانتي الي كدراي تغيريتي وتخليني اشوف العالم بغير نظرة ,,,ليلى ,,تفاجائت من كلامه,,,كتله ,,بس اني ,,,كالي ليلى لاتكملين ,,,فكري زين واني اوعدج اخليج اسعد انسانة ,,,بذيج اللحظة تمنيت لو احظنه واحتمي بي ماعرف شراح يكون موقفه مني باجر بعد الي راح اسوي ,,,كتله ذياب ,,,اني هم اريد اعترف الك بحبي بس ياشيخ انت مو من ثوبي واحنا مانتراهم صدكني ,, ذياب,,ليش ,,قصدج طبعي ,,,,والله تغيرت وشكد حبيت التغير الي صار,بحياتي ,,,,ضحكت كتله راح افكر بكلامك بس اريد تسامحني على كلشي,,,,ذياب مسامحة بعد روحي ,,يمعودة اني جنت عايش بجفاف وانتي اجيتي رويتيني
