البارت السادس
#ملاك_غيرت_حياتي
بقلمي Princess Shosho,,شهد الراوي
ليلى ,,صار موعد الجلسه وحضرت نفسي واوراقي وجنت متوقعة كلشي راح يواجهني لان الخصم قوي وصاحب سلطة فكلشي اتوقع منه ,,لذلك خلال الايام الي راحت سويت وكالة من ابو محمود بالارض ميكدر يتصرف بيها الا بموافقتي وتوقيعي لان جنت متوقعة ثقة الشيخ ذياب اكيد وراها مصيبة ,,,,وصلت المحكمة ونزلت بقيت انتظر اجا ابو محمود وكعد يمي وطمننته ورجعت اراجع اوراق القضية الى ان يطببونا بالصدفة رفعت راسي وجان اشوف شيخ ذياب ويرمقني نظرات استفزاز ونصر نزلت نظري وكلت بكلبي اني اعلمك اذا مكسرتك اليوم ماكون اسمي ليلى ,,,صاحو علينا وطبينا احنا وهو المتهم الشيخ ,,,بدت القضية ودار الكلام اني بقيت ساكتة حبيت اكشف اوراقهم يالله ابدي طب ذياب يوحده وتفاجئت ممخلي اله محامي بعدين بدت القضية والاستجواب والمفاجئة جانت ذياب هو المحامي عن نفسه , طلع اوراق وقدمها للقاضي نسخة ونطاني نسخة قريتها متفاجئت جنت متوقعة هاي الحركة وجان كلش واثق من نفسه ,,,,بدي يحجي ويبرر وشفت القاضي تقريبا اخذ موقفه اني هنا تدخلت وكتله سيدي الاوراق الي بأيدك ابد مو قانونية صح هي مو مزورة بس اكو اوراق اريد من حظرتك تطلع عليها وتنطيني رائيك وبعد اذنك هاي نسخة ثانية للمحامي انطيتهم الاوراق وشرحت انو الارض متنباع الا بموافقتي والاوراق الي جايبها الشيخ اني مموقعة عليها فلذلك بطلت اوراقه ,,,باوعت وبانتصار للشيخ وجانت عيونه تجدح غضب ,,,تناقشنا مع القاضي واجل الجلسه الى اشعار اخر طلعت من القاضي وطمنت ابو محمود واستاذنت منه لان الصراحة ماريد التقي بذياب ,,,,
ذياب ,,,,طبعا مثل متعرفون اني محامي بس مامتعين قانونيا بس اكدر استلم قضايا فلذلك قررت اني اتولى قضيتي جنت متخيلها بسيطة ومتوقعت شطارة المحامية ليلى بعد ماتاجلت الجلسة طلعت من القاعة مالكيتها ردت احجي وياها بس ماكو قررت اروح لبيتها خابرت لجماعتي وطلبت عنوانها ومعلومات كاملة عنها وعن عائلتها ,,,بعد ساعتين اجتني معلوماتها بالكامل اخذت سيارتي وطلبت من السيارة الثانية تلحكنا قررت اروح عليه بالبيت واخوفها واخليها تتنازل بس طبعا بدون اذى ,,, وصلت منطقتهم منطقة هادئة وبيوت متفرقة والدنيا دا تظلم طبكت بعيد عن بابهم ونزلت وصلت باب البيت سمعت صراخ دفرت الباب وطبيت
