,البارت الخامس
#ملاك_غيرت_حياتي
بقلمي Princess Shosho,,شهد الراوي
,,ليلى,,,بعد مرور ايام رفعت قضية على شيخ ذياب وحصلت موعد لجلستنا وجنت متحمسة كلش حتى احقق العدالة واكسر ظلم هذا الانسان وبنفس الوقت جنت خايفة من الي راح يصير خصوصا كلمن يسمع بقضيتي ينصحني انسحب منها بعد ماتحدد موعد الجلسة صار بلاغ للطرفين بحضور المحكمة وموعدها ,,جنت كاعدة بالبيت ادرس القضية وافكر وفزيت ع صوت التلفون رقم غريب ,,رفعته وكلت الو ,جان يجاوبني صوت رجال وكالي الف مرة نبهتج بس الظاهر انتي متاخذين بالحجي صدكيني قبل موعد المحكمة مالتج راح يجيج قرار الفصل من مهنتج واني عد كلمتي ,,اني اسمع وارجف معقولة يكدر يسوي هيج شي اي ليش ميكدر ,اوووف ياربي اني شكد عنيدة ,,,جاوبته وبثقة مابينتله خوفي كتله انت زلمة ومعدل اذا انت صدك واجهني بالمحكمة ولا لانك خايف مني تريد تفصلني حتى لاتواجهني وتعرف نفسك خسران ,,كالي شوفي يابنت الناس اني ماحب الي يعاندني صبري وياج انتهى وانطيتج فرص مو لأن خايف لا بس,لان انتي حرمة خلص نتواجه بالمحكمة وبعدها راح تخسرين خسارتين مهنتح والقضية ,, وانقطع الاتصال ,,,,, طبعا اني بنفس الوقت جانت تجيني تهديدات بخصوص قضية اغتصاب شباب من طبقة راقية لبنت فقيرة ومستلمتها وتقريبا اني راح اربح بيها وثبتت هواي ادلة وفلوسهم وسلطاتهم مراح تنقذهم ,,,
ذياب ,بعد ماوصلني تبليغ المحكمة تخبلت اني الشيخ ذياب يسحبوني للمحاكم ويرفعون قضية علية لا ومنو وحدة حرمة هذا الي شاغل بالي اني مراح اكدر ااذيها للبنت مو مثل الرجال فكرت بمهنتها وهو هذا الي راحةيكسر خشمها واتصلت عليها وكالعادة صار حجي وهددتها وسديته ,,,اجا موعد الجلسة ورحت تحضرت وتجهت للمحكمة وجنت مجهز اوراق فصلها مجرد توقيع راحةينهيها بس كلت خلي اشوف شتسوي بالمحكمة عجبني اواجها والارض خلال هاليومين زورت وسويت عقد تنازل وحتى توقيع ابو محمود جبته بس طبعا محد يعرف بهذا الشي والعقد عندي صار قانوني محد راح يكدر يقاضيني والمحامية راح انطيها درس بخسارتها للقضية قبل لاتبدا وخسارة مهنتها بيها وطبعا الفلوس كالعادة الها دور بكل شي
