البارت الخامس عشر والاخير
بقلمي princess shosho,,شهد الراوي
#ملاك_غيرت_حياتي
ذياب,, بعد ماراحت ليلى جانت الي صدمة قوية جنت عايش بالخيال وهي صحتني بس ماكرهتها لا ابد بالعكس جنت ممنون الها لان غيرت فكرتي للحياة ,,الملف الي اخذته وسلمته للاعداء اني عندي ملف منه وبهذا الشي راح اخسرهم وراح يتعاقبون ,,والفضل مو بس الي ليلى كان الها دور كبير ,,,بس هي خذلتنا بأخر لحظة ,,,,اجا موعد الجلسة ورحت وجانت القضية كلش عادلة والمجرمين تعاقبو والبنية صاحبة القضية جانت شبه مجنونة صابتها الحالة بعد الي صار وياها كلش انقهرت عليها وحسيت بفرح وانتصار لان اخذت بحقها وفرحت لاول مرة رغم اني دائما انتصر بكل شي الا هذا الانتصار جان بمثابة بداية جديدة الية طلعت من المحكمة وتوجهت للبيت ,اثناء الطريق شفت اتصال من ليلى محبيت اجاوبها حتى لا اضعف كدامها ,,,بس شوقي الها وفضول كتلني حتى اعاتبها واعرف ليش سوت بينا ,,,رفضت المكالمة ,,,وسويته صامت ومشيت ,,ليلى ,,اتصل ميفيد حددت موقعه بالاتصال وعرفت هو متوجه للبيت رحت لبيتهم وانطيت خبر للشرطة ,وصلت , شارعهم,و,ذياب رحت توجهت للبيت وبالطريق جان تطبك سيارتين وسدت علية الطريق وجنت بوحدي حتى حمايتي ماكو ,,,,نزلت من السيارة ونزلو مسلحين وجهو علية السلاح وكالو لاتتحرك ,,بقيت واكف الى ان حجى واحد بيهم ,,وكالي لازم حبيبتك مانبهت عليك تترك هاي القضية اني كتلها وبوضوح راح اقضي عليك اذا ماسوت الي اريده وهي خدعتنا وانت راح تدفع الثمن ,,,صفنت اووووف ياليلى ,,,ضلمتج اني وجان هدفج حمايتي ,,,,كتله والمطلوب شنو اني كدامك اضرب مو خايف منك ولامن كلابك,,,ليلى,,وصلت شارعهم شفت سيارة ذياب وسيارتين طبكت سيارتي ونزلت صحت ذياب ,,,وركضت,,سمعت صوت ليلى التفت اجت بصفي ووجوهي السلاح علينا ,,,حاجاها واحد بيهم حلو عصفورين بحجر واحد وفرتي علينا هواية تعب اجيتي برجليج للموت ,,,ليلى ,,ذياب اني اسفة والله جان قصدي احميك ,,تقدم واحد من المسلحين اجا دا يسحب ليلى جريتها وراية ودفعته كتل دير بالك تلمسها تضاربت اني ويا واجوي 3 علية التمو ,,ليلى بقو يضربون ب ذياب واني ابجي شفت عصى قريبة علية شلتها وضربت واحد بيهم اجا الثاني تقدم وسحبني من ايدي ,,ذياب شفته سحب ليلى دم ماضل بجسمي كمت ضربت الي حوالية ودميتهم وتوجهت للي سحب ليلى,,,كالل اي خطوة اقتلها بهل اللحظة اجت الشرطة وطوقو المكان ,,ليلى حسيت روحي ميتة وتعبت من الخوف. وجنت خايفة ع ذياب اكثر , ,اجت الشرطة وفكوني واخذتهم الشرطة و,,,كاللهم ذياب اوك ,,بعد ماراحو الشرطة بقيت واكفة بمكاني جنت مستحية اتقدم وما الي عين احجي ويا ذياب,,,ذياب,,,شفت ملاكي واكفة ,,رحت عليها وجريتها بدون كلام لحظني كتلها حبي بيج شي ,ليلى ,,تفاجاىت بذياب شنو هالجرئة بس ماقاومته بقيت حاظنته وحسيت بالامان ويا ,,,رفع وجهي بايده وكالي اي ليلى اضن بعد ما الج حجة حتى ترفضيني اهلج باجر يوصلون واني راح استقبلهم بالمطار وافاتحهم هناك لان صدكيني بعد ماتحمل انتي اغلى واحلى شي بحياتي ,,ليلى ,ذياب ,,, احبك واني اسفة بس جان قصدي احميك ,,,ذياب ,,خلص حبيبي ,انتهى كلشي ,,,وبست راسها وتوجهنا للبيت نزلت شفت امي سلمت عليها وطلبت من ليلى ترتاح واني هم ارتاح ,,,ليلى خابرت اهلي واطمنت عليهم وصدك باجر راح يرجعون طلع ذياب سائل عليهم ,,,,نمت وماكعدت للعصر سبحت وبدلت وخليت حجابي ع شعري واندك الباب كلت اتفضل,,ذياب اني اطب مسموحلي,,,ليلى ضحكت ,,كتله طب وخلي الباب مفتوح طب وهو مبتسم ,,ذياب,,,يعني اريد اكلج ابقى الباب مفتوح يعني مايصير ابقى مع مرتي المستقبلية بوحدنا ,,ليلى ,,لا طبعا الى ان نتزوج ,,,وبعدين ابقى براحتك ,,ذياب كرصت خدها وسحبت ايدها ,,وخليتها ع كلبي ,كتلها ليلى هذا الكلب الج هو وصاحبه انتي غيرتي حياتي كلها ,,ليلى,,وانت اطيب واشهم رجال عرفته ,,,,,ذياب خلص حبيبي اخذي راحتج ونشفي شعرج شكلج سابحة لان باردة واخاف تتمرضين,,,ليلى ,,,,ههههه شمدريك ,,ذياب وهل يخفى القمر,راح انزل ,,,واروح للمضيف محتاجة شي كتله لا سلامتك ,,راح واني نزلت كعدت يم الحجة وسولفنا ومر اليوم واجا ثانيةيوم وجان موعد طيارة اهلي يوصلون ,,,رحت توجهت للمطار اني وذياب ,,,,بقينا نتتظر الى ان وصلو اهلي سلمت عليهم وعرفتهم على ذياب ,,وذياب استضافهم يمه
واهلي وافقو,,,رجعنا للبيت واستقبلتهم الحجية ,,,وقامو بالواجب ,,,وذياب استغل اندماج بابا وياه وطلب منو ايدي ,,وباب طلب يفكر وياخذ رائي ,,,,, بعدها رجعنا للبيت ,,,وبابا صاحني وحجيتله ع كل الي صار وياي ضاج مني ومن تصرفي ,,,وطلب راي ب ذياب كتله براحتك يابه هو مايتعيب وشهم والي تشوفه انت اني موافقه عليه ,,كالي تمام خلي باجر يجون نتفق ,,,طلعت لغرفتي وخابرت ذياب ,,,كلت الو,,,ذياب فديت هالصوت لج سويتيني مراهق بعد هذا العمر,,,ضحكت كتله بابا موافق وباجر تكدرون تشرفونا ,,ذياب صدك هلا من الصبح تلكيني بابكم ,,, مرت الايام وذياب خطبني وحددنا موعد زواجنا اجا موعد الزواج وجان احلى ايام عمري ,,,ذياب ,,,شفت حبيبتي ب
بدلتها البيضة صدك ملاك ,,,وربي هداني اياها ونور طريقي ,,, تم الزواج ورحنا للبيت مالتنا ,,دخلت ع حبيبتي وباركت الها وانطيتها هدية زواجنا ,,,ليلى ,,اتفاجئت بهدية زواجنا بحبيبي هو متكفل ببناء قسم للاطفال من مستشفى يكون العلاج بيها مجاني للفقراء وبأسمي مسوي الاوراق ,,,جانت احلى فرحة بحياتي,,,ذياب,,,,تم زواجي اني وليلى وجانت الزوجة المثالية صدك ,,وبعد سنتين ربنا رزقنا بطفل ,,,, وخليني اوضح الكم شي ذياب جانت شخصية ابوه طاغية ع شخصيته بس بمجرد حدث بسيط بانت طيبت هذا الشخص ,,,
ولهنا انتهت قصتي وياكم واتمنى انو نالت اعجابكم
ارائكم تهمني واعتذر ع الاغلاط بالكتابة والقصة من وحي الخيال ولاتنسون صوتولي ☺☺
