البارت الرابع عشر
بقلمي princess shosho,,شهد الراوي
#ملاك_غيرت_حياتي
ليلى ,,,كثر الفرحة الي حسيتها بعتراف ذياب بحبه الي كلبي بداخلة شاعل بالنار واعرف الي راحةاسوي راح يكسره ,,,بس حياته اهم من عندي ,,ذياب,,ليلى صار لازم استاذن مادام حجيتلج الي بكلبي محتاجة شي كتله اي لحظة رحت لجنطتي طلعت كلادة فضية وكلش غالية علية واحبها مكتوب عليها اسم الله ونطيته اياها كتله ذياب احتفظ بيها ,, ذياب ,,ليلى مشكورة هذه اول هدية استلمها من بنت وراح تكون اغلى شي عندي لزمت ايدها وبستها كتلها انزل احسن الي لا ارتكب جريمة ,,,ليلى ضحكت على كلامه ونزل ,,, ذياب,,,بقيت اشتغل بالقضية ونسخت الملف ع لاب توب حتى انطي الملف ل ليلى حتى تراجع بي واني بالحاسبة ,,مر اليوم عادي واني بالمضيف ,,,,,ليلى اجا موعد التسليم اخذت الملف وطلعت من البيت من وحتى ذياب وامه ميعرفون وقررت مارجع لبيتي اروح لصديقتي لان ذياب اكيد راح يتخبل وينكسر وصلت مكان الي متفقين بي , انطيتهم الملف ,,وانطاني ضرف فتحته شفت صور ذياب ,,اخذتها ,وتوعدلي راح يترك ملاحقة الشيخ ومراح يأذي, طلعت ودموعي ماوكفت رحت لصديقتي سلمى ماقصرت البنية وهي محامية هم بس نصحتني احجي كل شي لذياب بس اني رفضت لان اعرف اني سويت هذا لمصلحته بس هو ميتقبل هذا الشي,,,,ذياب بعد المغرب مريت للبيت سلمت ع امي وسالتها ع ليلى كالت ماعرف وينها وابد مانزلت ودكينا الباب عليها ومافتحت ,,,تخبلت خفت صاير بيها شي طلعت لغرفتها دكيت الباب ماكو فتحته ودخلت صحت ماكو الها حس فتحت الكنتور ماكو ملابسها دكيت ع جهازها مغلق تخبلت ,,,ثواني ووصلتني رسال مصورة وبيها صورة ليلى وبايدها ملف وسلمت للجماعة وصورة ثانية مسلميها ضرف مفتهمت شنو القضية وصلني مسج هاي شريكتك ياحلو باعتك بكم فلس والملف بيدنا تخبلت مصدكت شلون. ليلى الي عايشة على مبدا الحق والمساعدة هيج تسوي ,,طلعت من البيت وماكو براسي عقل سقت السيارة سرعة وتوجهت لبيتها وصلت ماكو احد هسة هاي شلون اوصل الها ,,,,, ليلى ,,,بقيت ابجي وسلمى تحاول تهدي ,,,بس ماكدرت يعني لاول مرة احب انسان والقدر يساومني عليه ,,,,, جانت صعبة كلش علية ,,,بعد يومين فتحت تلفوني لكيت اتصالات من ذياب هواية ومن فتحت التلفون جان تجيني رسالة ,,موتج وموت حبيج قرب ,,مفهمت شنو القصة,,اتصلت بالرقم جان يجاوبني رجال شوفي انتي لعبتي ويانا وماسلمتينا الملف الاصلي صح الشباب دخلو السجن بس مراح تعيشون انتو وحبيبج بالبداية ووربع ساعة ويوصلج خبر وفاته ,,,تخبلت هذا شديحجي لبست ملابسي وطلعت اتصلت بذياب ماكو ميجاوب
