#ملاك_غيرت_حياتي.
بقلمي Princess Shosho
لتكولون قصير البارت 😈,,شهد الراوي
البارت الثامن
ذياب,,بعد الي صار قررت احاجي المحامية واعرف منو ذولي الي تهجمو عليها وهي شلون بوحدها ماعرف ليش مهتم بيها واحس روحي لازم احميها ,, ,,,اجت ليلى وبخطوات بطيئة وراسها مدنجته كالت الحمدلله ع سلامتك شيخ ,,كتله الله يسلمج ,,,ليلى ,,كالو تريدني تفضل ,,,ذياب ,ليلى منو ذول الي تهجمو عليج وشنو قصتهم ,,ليلى ,شيخ اولا مشكور لان دافعت عني وانقذتني من ايديهم وثانيا هذا الشي خاص وماريد اورطك او اسببلك بمشكله هذه حياتي ومشكلتي ولازم احلها ,,,ذياب ,,عصبت من كلامها شنو هالثقة بالنفس ,عدلت نفسي ركضت علية وعدلتلي المخدة وبقت واكفة قريب مني ,كلتلها انتي مجنونة شي وين عايشين احنا ,,لج بابا لو موصلت جان ,,وسكت ,,,نزلت راسها وكامت تبجي كالتلي خلص كافي انسى كل الي صار واعتبر نفسك ماشفتني واني اتأسف ع وضعك لان هذا بسببي ,,,وماعليك شر اني رايحة ,,ذياب ,,لزمت ايدها وجريتها ,,كتلها وين رايحة ماكو روحة لهذاك البيت انتي ضيفة عندي الى ان اعرف شقصة هذول الي تهجمو عليج ,,ليلى,,شنو عفوا شنو ضيفة لا عيني لا اني اعتبر هسة عدوتك شلون تضيفني ببيتك ,,خلص اني مو خايفة من احد ولا راح اخاف , ذياب صحت وبصوت وضغطت على ايدها بقوة كلتلها خلص لاتعاندين اليوم تروحين وياي يم الوالدة وباجر نحلها ,, ليلى ,خفت من ردة فعله ,ماشي ,,بس لاتضن بسواتك هاي راح اتنازل عن القضية ,,ذياب,,ضحكت بقلبي لك شنو هالورطة هاي مستكوية ,,,للعلم اني ماريدج تنسحبين راح اربحها للقضية وبشطارتي,,وهسة صيحلي ع الولد يجون يساعدون حتى نطلع ,,ليلى اني اساعدك ,لزمت ايده وهو نزل وعدل نفسه وغترته ومشى طلعنا من الردهة اجوي جماعته سندو وطلعنا للسيارة ركب ليورى واني يمه وطلب منهم يجيبون سيارتي
