بريق ياقوت

بارت تاسع

وشت روحي في مرايا قلت واش هدي نهاية ولا باقي شي في يامي وقولي يامرايا قولي صغيرة وراسي شايب شايفة ضلمة قدامي.
**************************
مشات ياقوت تشوف أش واقع وعلاش الأم غوتات
ياقوت : ماما مالكي علاش كتبكي ومالهم خوتي
الأم : الله ياربي ولادي مشاو خوتك اياقوت ضاعو مرة اللولة ونتي سباب وحتى دبى نتي سباب وكلت عليك الله ياخد فيك الحق نتي سباب نتي سباب
ياقوت : ماما براكة متجبدي في ليداز واش انا مكنبقاش فيك خسرت أعز ناس بسباهم خسرت ختي وصحبتي وحيدة بسباب ولادك يكفي مداز عليا دمرو ليها حياتها ومبقاتش فيك واش كيهموك غي دوك جوج شماكريا حرام عليك أما ترااااااااخ صفعة قوية من الأب :الآخر مرة تهضري مع ماماك هكا سمعتي
الأم : غير خليها تخوي قلبها نهار تولي الأم عاد تعرف كبدة كيدايرة هىء هىء هىء ولادي الحاج
الاب:ونتي براكة متنوحي وفسري لينا أش كاين وشكون هدا ياقوت مني قال باها شكون هدا عاد تلفتات الباب وهي تلقى واحد شخص واقف وساكت
شخص : انا ظابط علي جيت نخبركم بلي تم إلقاء القبض على الأحد الأبناء ديالكم والآخر معرفناه واش هرب ؤلا توفى من أشخاص لي تم إطلاق النار عليهم أثناء هروب شي واحد فيكم يتفضل معنا لمستشفى باش تعرفو عليه إلى سمحتو.
ياقوت : انا بعدى كلامو صدمني كيفاش مات شي واحد فيهم شكون ليمات فيهم
الأب :إنا لله وإنا إليه راجعون يارب عوني يارب ولادي أح أح (كيهضر بصوت عيان )ياقوت بنتي شدي فيا خنمشي نشوف خوتك ابنتي
ياقوت : بابا معندك فين غادي انا غنمشي ونتا خاصك دخل ترتاح راك عيان
الأم : الله ياربي مين خدجيه راحة انا لي غنمشي نشوف ولادي هىء هىء هىء أو نتي اكيد فرحانة حيت تهنيتي منهم
ياقوت : صافي اماما الله يخليك هىء هىء هدوك راه من لحمي ودمي كيفاش بغيتيني نفرح دبا دخلي بابا بيت وانا غنمشي مع سي ظابط نشوف أش كاين يقدرو يكونو غالطين صافي مسحت دموعي وعاونت ماما دخل بابا وخرجت ركبت مع ظابط وحطيت راسي على زاج طوموبيل وبقيت نفكر قبل لأربع سنين كيف كنا عيشين كنا الأسعد الأسرة و كيفاش كنت أنا وياها فرحانين اه يا ليام علاش حتا كنا عيشين ونتي تغدرينا علاش حنا مكنبقاوش حنا علاش كنتبدلو واش من تربية ولا من زنقة ولا من زمان غمت عينيا وتفكرت نهار تبدلات حياتنا نهار تقلبات رأس على عقب
***************************

:اهيا ديك مسخوطة وفيقي خلاص راه طعتلنا
انا :وخليني نعس اديك جنية
: انا جنية وخا مشات جابت طرف ثلج ودارتو ليها في ضهرها وبقات ضحك عليها ناضت لاخرة كتجري وكاع رقصات دارتهم مني شافتها ناضت عرفات طرح سخن وهربات ليها في بيت وبقاو يجرو ويضحكو وضحكتهم كتسمع في كاع دار جوج بنات في عمر زهور لي شافهم يقول توأم كيلبسو بحال بحال كيقراو في نفس مدرسة وكيكلو مع بعض ساكنين في نفس درب كثر من خواتات هوما غير صحابات ولين كثر من صحبة يفدو روحهم لبعض جراو وعياو طاحو فوق سرير
ياقوت : أوف سخفنا
هي :وراه نتي لي غليضة ياك شحال من مرة قلت ليك نقسي من ماكلة ونتي غتخشي في داك وجه
ياقوت : بديتي ثاني وصافي ازينب نوضي عاونيني لبس باش نمشو نشوفو نتائج الثانوية يالاه
زينب :كتعيب فيها  عاونيني نلبس حوايجي تفو على طبوزة.
ياقوت : انا طبوزة يا مسمار كيف اه دوي
زينب :انا مسمار لكيف يالبالون
ياقوت : انا بالون إيوا عنداك تقربي مني لاتفشيني
زينب.:هههههه ونتي مسخوطة صافي لي شافنا يسحابليه مخاصمين بصح.
ياقوت : عرفتي نتي أعز ناس إلى خليتني شي نهار نموت فيها
-وعلاش نخليك الحمقة نتي روحي واش كين شي حد كي خلي روحو انا كنواعد عمرني نخليك غير لا فرقاتنى موت
ياقوت : شششش مدكريش موت وحتى انا كنواعدك عمرني نتخلا عليك أختي وانا قد وعد لي قطعت ليك ونتي واش قدو -آه انا قدو
*****************
اه ياروحي علاش خليتني علاش فاقت ياقوت من سرحان ديالها على صوت ظابط كيخبرها بلا راه وصلو لمستشفى. 
********:
هنا نتهى بارت ديالي كنتمنى نكون خفيفة على قلوبكم وقصة باقى في بداية ديالها ومع الأحداث غيبانو شخصيات الأخرى ونتمنى تشجيع ودعم منكم