بريق ياقوت

حلم

الأم : ياقوت بنتي كوني قوية وصبارة راه صبر هو مفتاح السعادة وربي قال (إن الله مع صابرين )بنتي نتي كنتي كتقول ليا هدا متحان من عند الله وخاصنى نصبرو اماما نسيتي

ياقوت : هىء هىء هىء هىء انا عييت ماما وصبري تقادا بنيت حياتي من جديد وهو رجع كي غندير نعيش وأنا ماشي بوحدي معيا آدم زينب وحنان إلى أداهم أش غندير

الأب : بنتي ياقوتی يا جوهرة غالية خلي الإمانك في الله قوي راه بعد ليل كيجي نهار ونتي غتفرحي من جديد وورود إلى متسقاتش كتموت وحنا بحال لورود وإمان ديالنا هو لي كيسقي قلوبنا ونتي قلبك بيض ودغيا كتسامحي عشي حياتك ونساي ومتعشيش في لماضي حيت عمرو يرجع ولكن كيتصلح ابنتي

ياقوت : كيفاش غنسى أبابا

الأم : غتنساي ابنتي يلاه حنا غنمشو ونتي سامحي ابنتي راه نهار تسامحي وتنساي غتعيشي مرتاحة بسلامة ابنتي

مشات ماما وبابا وهوما مشادين في ايدين ويضحكو وأنا كنعيط ليهم وتابعاهم وكنقول ليهم يدوني معاهم حتى كنحس شي يد تحطات على كتفي

ياقوت : ماما بابا عفاكم متمشوش وتخلوني ماما بابا دوني معاكم
تحطات يد على كتفها دارت ولقاتو

هو :حياتي يلاه نمشو هوما مشاو ونتي غتبقاي معيا حيث ماشي وقتك دبى فهمتي احبيبة

ياقوت : لا لا ميمكنش نتا اشنو كدير هنا خرج من حياتي انا كنكرهك لااااااااا

ناضت ياقوت لقات رأسها كتحلم وهي في شي بيت كبير وبيض كامل وليها سيرون في إيدها فاش غوتات دخل عندها جاك كيجري هو وشي الأطباء كان باقي لحال مصبح ويلاه فجر

جاك : ياقوت واش نتي لباس أش وقع ليك مالكي غوتي

ياقوت مصدومة وكتهضرش حلم لي شافت بحالة حقيقي هي شافت ماماها وباباها وصقر في لحلم وشنو معنى لكلام لي قالو ليها وليديها وعلاش هو كاين في حلم ديالها الأطباء مني شافو ياقوت هكاك ساكتة وكتفكر قالو لجاك بلي هي في صدمة ومع لوقت غتولي بخير تمو خارجين حتى نطقات ياقوت وقالت

ياقوت : بغيت نمشي من هنا

جاك : على سلامتك مالكي كنتي كتغوتي

ياقوت شافت فيه وخنزرات وهو يجمع راسو شحال فيه ديال الأسئلة عونات ممرضة ياقوت حتى خرجات من لمستشفى وركبات لور وجاك هو لي سايق سيارة وكل تفكيرو علاش ياقوت كتعاملو هكا وهو عونها جابها لمستشفى أما ياقوت حطات رأسها على زاج طوموبيل وبقات كتفكر وصلو ووقفات سيارة قدام دار ونزلات ياقوت وجاك بغي ساعدها مخلاتوش تمات غدا بدخل وهي ضور عندو

ياقوت : شكرا على مساعدة ديالك اجاك غير مرة الأخرى إلى وقعات ليا شي حاجة كنفضل نموت على إنك تقيسني فهمتي

جاك : علاش

ياقوت : هكاك

دخلات وخلاتو واقف معارفش مالها وعلاش كتكره رجال حتل هاد درجة