بريق ياقوت

محاولة الإنتحار

غمضات عينيها ورمات رأسها حتى حسات شي حد شدها ضارت لقاتها زينب كانت صدمة بنسبة ليها زينب الآخر شخص توقعتو

زينب كتبكي :حرام عليك أش كنتي بغى ديري كنتي بغى تقتلي راسك حرام عليك اياقوت

ياقوت : بعدي مني خليني نموت حسن ليا من هاد لعداب نتي معارفاش أش داز عليا هىء هىء هىء انا ضعت وصبري تقادا انا ضعت وفقدت أعز ناس وفقدتك نتي وراسي وشرفي هو هو تعدى عليا بكل وحشية انا كنكرهو وهوما باعوني ليه انا كنكرهم وكنكرهك حتا نتي حيت خليتني بوحدي هىء هىء هىء هىء

ناضت ثاني وبغات تلوح رأسها من جبل شدتها زينب وعنقاتها وقالت

زينب : صافي عفاك أختي أنا عمرني تخليت عليك غير مكنتش كنقدر نشوفك وياك ديري نفس خطأ عفاك تهدني متخافيش انا معاك

ياقوت : لا نتي خليتني وسمحتي فيا وأنا تعاقبت بسبابك هوما باعوني حيت شهدت معاك انا كنكرهم خليني بغيت نموت علامن غنعيش وانا فقدت كلشي ماما وبابا ماتو ومشاو عند الله وأنا بغيت نمشي عندهم

زينب :بغيتي تموتي آه اشنو غديري في ملقاك مع الله مني يسولك أش درتي في الأمانة لي عطاك روحك أمانة عندك وماشي غير روحك بوحدها حتى روح هاد شي لي فكرشك لي كيكبر نهار على لاخر اه دوي جاوبني

ياقوت تصدمات مني عرفات رأسها حاملة زادت في لبكا ولات تغوت وتشد في شعرها

ياقوت : لاااااااا ياربي علاش ميمكنش نولدو أنا غنقتلو لا لا هىء هىء هىء هىء لا لا

زينب كتبكي : صافي تهدني علاش متولديهش اشنو دنبو آه الله عطاه ليك باش تعيشي على قبلو

ياقوت : لا ميمكنش أش غنقول ليه مني كبر انا ولداك من لحرام انا معارفاش باباك شكون اه ولا نقول ليه خوت ماماك بعوها حيت شهدات بالحق ولا نقول ليه واحد لوحش تعدى عليا ومن بعد رماني لكلاب ديولو باش حتى هوما يتعداو عليا ومني سولني شكون هو بابا أش نقول ليه أنا براسي معرفاهش لا أنا غنقتلو ونقتل راسي

بقات زينب مع ياقوت كتحاول تهدنهى وهي مبغاتش تهدن حتى جا طبيب وممرضة وجاب لحقنة ودارها ليها وهزوها ودخلوها لدار وحطوها في بيتها وخرجو

زينب كتعاير :فين كنتو نتوما آه كون ماجيت في وقت مناسب كون الله يرحمها

طبيب وممرضة بقاو كيشوفو في بعضياتهم ومتوترين

دك محمد : انا كنت ناعس ومعرفتش فين كانت

ممرضة : انا كنت كنهضر في طيلي

زينب :تبارك الله أنا كنخلصكم باش تنعسو ولا تهضرو في طيلي مزيان آه دويو سمعو هادي الآخر مرة يتكرر هاد شي سمعتو وغدا غيجي دك عماد باش يقابل ياقوت كنضن غادي نستغنى على خدمات ديالكم غتبقى غير دك أمل حيت هي محتاجها ياقوت على قبل لبيبي

قالت كلامها ومشات لبيتها
********************

جا دك عماد لقى صعوبة في الأول من بعد ياقوت بدات كتستاجب لعلاج وزينب ديما معاها عمرهى خلاتها ووفات بوعدهى مع ياقوت دازو الأيام والأيام وياقوت ولدات ولد وزينب سماتو آدم ودبا ياقوت هي لي كتهضر

ياقوت : الله ملك الحمد وشكر  انا في واحد لحظة فقدت معنى لحياة وزينب رجعاتني كي كنت إنسانة قوية ومؤمنة والأم في الأول متقبلتش أدم حيت كل ما كنشوفو كنعيش داك شي من جديد ولات عندي عقدة مرضعتوش ومهزيتوش حتى ولا عندو عام زينب تكلفات بكل شي عمرني نسا خيرها هي عائلتي وحيدة فضل الله تم زينب وعماد في شفاء ديالي الله ملك الحمد .

هنا سلا بارت كنقول إلى ملتقى
من بارت جاي غنعيشو لحاضر مع ياقوت

الأحداث جديدة وشخصيات جديدة غيدخلو لقصة
نتمنى تعجبكم