بريق ياقوت

يتيمة

ياقوت:كيفاش لا لا الله ياربي علاش غير انا علاش هىء هىء خرجت نجري ومراد تبعني مافهم والو انا براسي مفهمت والو هيء هىء

مراد: ياقوت مالكي شنو واقع وعلاش كتبكي شكون عيط ليك

ياقوت غير كتبكي ومقدراتش تهضر وهو كيحاول يهدنها

مراد:تهدني اياقوت وفسري ليا أش واقع

ياقوت : دار درنا هىء هىء شععلات فيها عافية ؤو ؤو ماما هىء هىء هىء مام

مقدراتش تكمل ليه آش وقع للأم ديالها وبقات هو مني شافها فديك لحالة متحملش يشوف دموعها وعنقها ومن بعد ركبها معاه فوق مطور ودها
مشافش شخص لي حظيهم وعيونو حمرين وعروقو خارجين بالاعصاب كان منظر ديالو كيخلع ركب في سيارة ديالو وزاد بسرعة نمشو عند ياقوت وهي لي كتهضر

ياقوت : مني وصلت لدرب لقيت دارنا ولات رماد لحد الآن معرفتش واش ماما بخير وكيفاش شعلات نار وانا كلشي خليتو مزيان في صباح بقيت كنقلب على ماما وسط ناس كانت جوقة بزاف رجال الأمن ورجال وقاية ملقيتهاش جا عندي واحد ظابط وقال ليا
ظابط :عفاك لالة حيدي من هنا خلينا نديرو خدمة ديالنا

ياقوت : عفاك أسيدي انا بنت مولات دار لي تحرقات هىء هىء هىء فينها واش هي لباس عفاك

ظابط :معندي منقول ليك سيدة لي كانت في دار داوها لمستعجلات كانت حالة ديالها خطيرة

ياقوت : لا لا ماما بخير غتكون بخير انا خليتها لباس خاصني نمشي عندها دبا هىء هىء مراد عفاك دني عند ماما

مراد :وخا غتكون لباس غير تهدني متخافيش انا معاك يلاه نمشو

ركبو على دراجة نارية ومشاو يشوفو أش وقع ليها
عند صقر وصل لفيلا ديالو حليه لعساس بوابة ديالها ودخل شاعل (الله يحضر سلامة منو)

صقر :كيهرس أي حاجة لقاها قدامو
علاش علاش آلبرت آآلباااارت الحمار فينك

جا آلبرت كيجري وكيقطر بعرق خايف يكون آخر نهار في حياتو

آلبرت :ننعم سيدي البوووص

صقر :أش قلت ليك مني كنت في روسيا آه دوي

آلبرت :قلتي ليا راقب الآنسة ياياقوت وومنخليش شي حد يقرب ليها

صقر :ياك بعدا

جبد فردي من سروال لور وتيرا فيه بكل دم بارد وضربو برجلو وهو كيعاير

صقر :قلت ليك الحمار متخليش شي(تيييييت )يضور بيها آه أش كيدير ليا هداك لكلب معاها دوي اه
(أودي فين بغيتيه يدوي ونتا صفيتيها ليه )

على إثر صوت رصاصة لي تكلمات في فيلا جاو حراس يجرو وحتى دادا مريا وجاك

دادا مريا : أش واقع هنا مالك معصب وشكون ضرب برصاص