فاش خرجات ياقوت من مركز شرطة وهي دموعها شلال مني عرفات بلي خوت باعوها وخداو ثمن ديالها وصلات لدار وفتحات الباب ودخلات تلقات ليها الأم ديالها وقالت .
الأم : ياقوت بنتي امدرى أش وقع خوتك لباس عليهم
بقات شحال ساكتة وكتفكر واش تعاود ليها ؤلا لا هضرات وقالت.
ياقوت : ماما هوما لباس سمير تشد وسعد هرب
دبا غيحكمو على سمير وسعد تحت بحث
الأم : الله ياربي تعاوني على فراقهم وتصبرني يارب وطلق سراحهم اجي نتي مالكي عينيك منفوخين
ياقوت : والو اماما انا غنطلع لبيتي نرتاح شوية
الأم : وخا سيري
تمات طالعا وتفكرات الأب ديالها ورجعات سولات مها
ياقوت : ماما كيف بقى بابا.
الأم : أش غنقول ليك باك ابنتي دزاد عليه حال مني مشيتي وعيطو جيران على طبيب وقال ليا بلي مبقاش ليه بزاف مرض كلو من داخل اه اه لاحنين لارحيم
ياقوت: ماما متخافيش الله معاه ومعنا وهدا قدر الله انا غنمشي نشوفو
مشات ياقوت تشوف باها وبقات الأم واقفة تشوف وحركات رأسها بمعنى لا فائدة دقات ياقوت باب غرفة الأب وسمعات الإدن ودخلات .
ياقوت : بابا لباس عليك
الأب :لباس ابنتي إيمتا جيتي واآش وقع لخوتك ابنتي
ياقوت : في خطرها اه أبابا وتعرف ولادك أش دارو كون تبريتي منهم ليوم الدين
فاقت ياقوت على صوت باها كيسولها مالها
الأب : فين سهيتي من قبيلة وانا نهضر معاك
الأب كيحاول يهضر طبيعي باش ياقوت معرفتش بمرض ديالو معارفش بلي ياقوت عارفة كلشي وحتا هي مبغاتوش يعرف بلي راها عرفات دوات وقالت
ياقوت: والو أبابا بلا ما تشغل بالك بخوتي ماشي الأول مرة يدخلو لحبس غير هني ليا بالك وخا
الأب : وخا كيف قلتي ماشي الأول مرة يدخلوه سيري ابنتي رتاحي ليك شوية راك غتكوني عيانة
ياقوت : عندك الحق عيانة بزاف إنا غنمشي دبا تصبح على خير
عند الأب فاش خرجات ياقوت
الأب : اه يارب نسيت مسولتها على داك شي لي قال ظابط حتى تجي الحاجة ونسولها اكيد عودات ليها
طلعات ياقوت لبيتها توضات وفرشات سجادة وتجهات تنادي مولاها وحيد هو غفور رحيم هو عليم منان حي قيوم صلات صلاها ونجات واحد قهار.
ياقوت : يارب نتا عليم غفور رحيم رحمني بالرحمتك يارب مقدرتش نقول ليهم على مدارو فيا اكيد غينهارو يارب نجيني من هاد مجرمين انا إيماني فيك قوي يارب.
بقات ياقوت ليل كامل دعي لربها وتنجيه يخرجها من محنتها .....ألم يقل الله عز وجل (ودعوني الاستجب لكم ) صدق الله العظيم حتا لو طال استجابة لدعوة خاصنا عمرنى نوقفو دعاءنا الآن الله يحب من يدعيه ويطلب منه وكونو عند حسن ظن بالله (إني عند حسن ظن عبدي بي) صدق الله العظيم
أنت تقرأ
بريق ياقوت
Misteri / Thrillerقصة مغربية زوينة على معناة وصبر وفتاة تتحدى قدر لتكتب قدرها بيدها تشويق. ...........دراما. ..........غموض. ......وحب............قصة في طور الكتابة غلاف من Princess -jija
