ياقوت : نتي احنان غتمشي تجمعي كاع حوايجك وولوراق دياولك وحتى شهادة ديال تمريض جيبيها
حنان :شهادتي أش بغيتيها وعلاش غنجمع حوايجي
ياقوت : سمعوني بجوج وبراكة من الأسئلة انا قررت نرجع لمراكش ونتي حنان غتمشي معيا وزينب هي آدم غيمشو لبرا حتا نعيط ليهم أنا هضرت مع سي يازيدي لقى ليا شركة ديال تنظيم حفلات ونتي احنان لقى ليك خدمة في واحد لكلينيك وغتولي ممرضة تما
حنان :بصاح هي حلمي غيحقق شكرا بزاف أختي
زينب معجبهاش لحال وعارفة ياقوت كتخطط شي حاجة خطيرة :ياقوت واقيلا نسينا آدم كيفاش غتقنعيه وهو مكيتفرقش عليك
ياقوت : متخافيش انا غنقنعو وغيمشي معاك يلاه دبى سيرو جمعو حوايجكم أنا خارجة
خرجات ياقوت وخلات زينب وحنان كل وحدة وفاش كتفكر زينب كتفكر كيفاش غتعيش بعيدا على ياقوت وفي آدم حتا هو وحنان كتفكر كيفاش غتبدى حياتها بعيدا على مدينة لي كبرات فيها أما لالة ياقوت خرجات وتلاقات مع واحد شخص
هو :انا دوزت ليك مبلغ لي بغيتي وقاديت كاع لوراق وشركة ولات في سميتك ودرت داك شي لي عليا ودبا عطيني تصاور
ياقوت : هاهاهاهي والله إلى ضحكتيني اسي يازيدي
يازيدي : براكة من ضحك وعطيني داك شي لي عندك عمرني تصورت تكوني هكا
ياقوت : واش بنت ليك غبية حتال هاد درجة سمعني مزيان اسي يازيدي ياقوت لولة ماتت ودبا ولات ياقوت الأخرى مكيهمها والو فهمتي هاك ها تصاور ديالك نتا وحبيبت لقلب ولاخرين راه وصلو لمدام الله يعاونك غمزاتو وناضت وخلاتو كيقفقف حيت خسر كلشي وحتى مراتو الي شافت خيانتو غتخليه ودي كاع ثروة ديالو ناض كيجري وكيقطر بعرق خايف ركب في سيارة ومشى
عند ياقوت وهي لي كتهضر
ياقوت : اكيد كتساألو علاش درت هكا أنا درت هاد شي حيت قررت نتاقم ونرجع حقي لي ضاع ونبرد نار لي شاعلة في قلبي ولكن خاصني بعد ناس لعزاز عليا في هاد الأسبوع لي داز تبدلت بزاف وليت الإنسانة باردة أو كنضاهر بالبرود باش نقدر ناخد حقي بعدت زينب وآدم وحنان حتى هي وليت بوحدي هوما عند رأسهم غي عاونوني معارفينش بلي أنا خرجتهم من حياتي باش ناخد راحتي في تدمير صقر العمراني هاد شخص لي كنكرهو من كل قلبي
أما قصة يازيدي كان كيخون مرتو وأنا كرهتو خدمت واحد بنت وجابتلي تصاور ديالو معها وكيمارس معها ونا داك شي لي بغيت وصيفتهم حتى لمرتو وخديت من عندو مبلغ كبير ديال فلوس حيث غنحتاجهم وليت الأنانية ياك بغيت نقتل شي حاجة سميتها الإنسانية فيا باش ميعدبنيش ضميري مني نتاقم منو كنواعدك اصقر بلي غرجع حياتك جحيم تسنى وشوف
ياقوت تبدلات وقلبها حاقد وبغي نتاقم باش يبرد نار لي شاعلة فيه
عند صقر
أنت تقرأ
بريق ياقوت
Mystery / Thrillerقصة مغربية زوينة على معناة وصبر وفتاة تتحدى قدر لتكتب قدرها بيدها تشويق. ...........دراما. ..........غموض. ......وحب............قصة في طور الكتابة غلاف من Princess -jija
