هاتولى عريس للكاتبة : نورهان محمد

الفصل الخامس والعشرون

فى الصباح وزى كل يوم تقوم جميله من نومها على رنه هاتف جوزها حسين وبصوت نايم : حبيبى
حسين : لالالالا بقولك ايه فوقى كده انا اصلا مش طايق روحى
جميله : هههههههههههههه
حسين : جميله اتلمى انا بقولك اهو بدل وربنا ما يحصل كويس بعدين
جميله : طيب خلاص خلاص حلو كده
حجسين : ولا حلو ولا حاجه انا خلاص بجد ما بقتش طايق روحى بجد انتى وحشتينى اوى
جميله : معلش بقى يا حبيبى عشان خاطر ابنك او بنتك
حسين : ومين قالك انى صابر عشانهم
جميله : امال عشان مين
حسين : عشانك انتى يا روح حبيبك
جميله : بجد انا اسعد واحده فى الدنيا
حسين : اليسا قلتها قبل منك
جميله : والله ممممم بقى كده
حسين : اعمل ايه بس
جميله : قولى بقى امتى هتيجى وتاخدنى ولا رجعت فى كلامك ومفيش خروج
حسين : لا ازاى يعنى فيه ان شاء الله على الضهريه كده هتلاقينى عندك
جميله : ان شاء الله يا حبيبى
حسين : طيب مش عاوزه حاجه منى
جميله : سلامتك يا سونه
حسين : جميلــــــــــه
جميله : هههههههههههههه خلاص خلاص يلا سلام عشان اخرج لمامتك بره
حسين : طيب ما تنسيش طرحتك يا هانم
جميله : حاضر يا سياده المقدم يلا بقى اقفل
حسين : يلا سلام هتوحشينى
جميله : وانت اوى اوى اوى
وتغلق معه الهاتف وتقبله : ياه يا حسين لو تعرف بحبك اد ايه انت خلاص بقيت كل حاجه عندى ربنا ما يحرمنى منك يارب ....... وبعدين قامت من على السرير فتحت الشباك وتنفست هواء الصباح وارتديت طرحتها وخرجت بره ليهم ..... وجدت حسن قاعد وكان معاه جرنان بيقرا فيه: احم صباح الخير
حسن : صباح النور
هند : صباح الهنا يا حبيبتى يلا ادخلى خدى حمامك وتعالى عشان نفطر سوا
جميله : حاضر يا ماما ....
************************************************
تمر الساعات واتى اليها حسين وذهبوا سويا فى نزهه وكانت فى البحر على مركب شكله حلو وعجبها اوى اول ما شافته وكانت نفسها تحضنه بس اتحرجت عشانها فى الشارع
ومن داخل المركب : بجد مبسوطه يا جميله
جميله : اوى اوى يا حسين بجد كنت نفسى فيها الخروجه دى من فتره
حسين : حبيبتى عليها الامر وجوزها حبيبها عليه الطاعه
جميله برقه : ما تقولش كده انت اللى تؤمرنى يا حسين وانا اللى عليا السمع والطاعه
حسين : لالالا ابوس رجلك بلاش دلعك ورقتك دى هنا لاحسن انا على اخرى
جميله : هههههههههه حاضر
ويقعدو ساعتين فى المركب وينزلها منها ويروحو على مطعم عشان ياكلو وبعد ما طلب حسين من النادل الطعام نظر اليها وهى كانت باصه عليه
حسين : المدام معجبه ولا حاجه
جميله تمسك ايده : المدام دايبه فيك يا حسين اوى
يقبل اناملها : انا اكتر يا روح حسين تعرفى يا جميله انا عاوز ايه
جميله : ايه يا ترى
حسين : عاوز اعرف عنك كل حاجه من وانتى صغيره لحد ما شوفتك
جميله : مش هتلاقى تفاصيل كتير فى حياتى .... مامتى توفت وانا عندى 15 سنه واللى ربتنى بعدها داده عواطف ومعاها بابا بس كان طبعا دايما مشغول فى شغله وفى مؤتمراته هنا وبره مصر .... ماليش اى حد غيرهم وغير ...... ويلاحظ دموع فى عيونها يقترب منها ليجلس بجانبها ويمسح بايده دموعها : مش قولنا بلاش منها الدموع دى
جميله : كل ما افتكر اللى عملته فيا عمتى بتصعب عليا نفسى وبخاف اوى يا حسين
حسين : وانا قلتلك كتير اوعى تخافى طول منا على وش الارض يا جميله
جميله : انت الحاجه الوحيده فى حياتى يا حسين اللى ادتنى امل للحياه مره تانى
حسين : يبقى بطلى الدموع الغاليه دى بدل ما اتهور عليكى وهنا فى المطعم بشكلك المحمر ده
جميله : هههههههه انت مش ممكن ابدا
حسين يضم راسها له ويقبلها : انتى اللى غيرتى كل حياتى يا جميله انا مكنتش كده عمرى انا حياتى كلها كانت شغل فى شغل مكنش عندى اى وقت فاضى يوم ما شوفتك وحبيبتك بقيتى انتى حته البقلاوه اللى فى حياتى
جميله : بجد يا حسين
حسين : بجد يا روح حسين
جميله : يعنى انت عمرك ما حبيبت قبلى
حسين يضمها تانى اليه : ولا هحب غيرك
************************************************
داخل شركه الجميله للادويه لقينا حسن جالس على مقعد وبايده لاب توب بيتصفح عليه بخصوص الشغل ليدخل عليه ناصر المدير السابق وكان اليوم هو اخر يوم ليه فى الشركه وحسن هو من هيتولى الاداره من بعده
ناصر : ها ايه الاخبار يا دكتور حسن
حسن : الحمدلله المناقصه رسيت علينا والشركه الفرنسيه بعتت الفاكس بالموافقه
ناصر : الله ينور عليك يبقى كده خلاص مهمتى انتهت على اكمل وجه
ناصر : لسه برده مصمم يا استاذ ناصر انك تسيب الشركه
ناصر : ياابنى انا بقالى فوق ال 15 سنه وانا فيها خلاص بقى تعبت بجد عاوز اكمل ايامى اللى فضله مع عيالى
حسن : ربنا يديك الصحه يارب
ناصر : تسلم ياابنى وتعيش طيب اقولك بقى اى خدمات
حسن : تسلم يا راجل يا طيب بس ياريت ابقى خلينا نشوفك
ناصر : ان شاء الله ياابنى ربك يسهل ويعينك ويقويك عليها
حسن : يارب
************************************************
لا يزالو فى المطعم وبعد ما انهو طعاهم جالها اتصال هاتفى من سهى
جميله : الو ازيك يا سهى
سهى : ازيك انتى يا جوجو وحشانى والله اوى
جميله : انتى كمان والله ايه اخبارك
سهى : الحمدلله خلاص انا حجزت هكون عندكم يوم الخميس
جميله : بجد ده خبر حلو اوى
سهى :يلا بقى عدى الجمايل بقى يا ستى انى بقولك حاجات حلوه عن غيرى
جميله تنظر لحسين : لا ياختى فيه ناس تانيه كانت اسبق منك بالفرحه ودلوقتى هى معايا ما تتصوريش انا فرحانه اد ايه من بدايه اليوم
سهى : ايوه بقى يا جوجو ربنا يديم فرحتكم يارب على طول
جميله : يارب يا حبيبتى خديه اهو عاوز يكلمك
حسين : الو يا شعنونه عامله ايه
سهى : دى بنت اختك هى اللى عمله فيا بلاوه شكلها هتطلع شقيه زى خالها
حسين : ايه ده انتى لحقتى تعرفو النوع
سهى : ههههههههههههه ياابنى احنا فى لبنان مش فى مصر
حسين : ماشى ياختى واديكى راجعلها تانى قريب
سهى : ما تتصورش اد ايه انا فرحانه عشان راجعه ليكو من تانى يا حسين
حسين : المفروض تكونى زعلانه ها عشان هتسيبى جوزك لوحده
سهى : لا من الناحيه دى اطمن هو معاه باباه وشغله وشركته دنا ما بشفهوش غير مره او اتنين فى الاسبوع
حسين : مهو كله عشانك انتى وبنتك ياختى
سهى : انت كمان هتقولى كده طيب طيب انا هقفل دلوقتى عشان نازله اشترى شويه حاجه
حسين : طيب خلى بالك على نفسك وقبل ما تركبى الطياره عرفينا عشان نكون فى انتظارك فى المطار
سهى : اكيد طبعا امال مين اللى هيشيل الشنط الكتير اللى راجعلكم بيها
حسين : هههههههههههههههههههه وحياه امك ياختى يعنى احنا هنكون شيالين حضرتك
سهى : انت تطول تعالى وشوف اللى بيشتغلو عمال نظافه هنا شكلهم عامل ازاى جاتنا نيله فى حظنا
حسين : هههههههههههههههه احنا قولنا هتتجوزى هتعقلى شكلك اتجننتى اكتر يلا سلام
بعد ما يقفل مع اخته يدى لجميله هاتفها ولتتفاجىء ببنت بتسلم على حسين
الفتاه : ازيك يا استاذ حسين ولا اقول يا سياده المقدم
حسين : اهلا ازيك انتى يا مدام منار عامله ايه وعاش من شافك
منار : تلاهى الدنيا بقى يا فندم حضرتك اخبارك ايه على فكره انا بعرفها من نادر ومن الجرايد
حسين : ههههههههه وياترى بقى بتعجبك ولا
منار : لا طبعا بتعجبنى جدا والف مبروك على الترقيه والله فرحت كتير
حسين : تسلمى يارب ..... وينظر الى جميله اللى كانت باصه عليهم من خلال كلامهم سويا وضحكتهم : احم اعرفك بالمدام
منار : مش معقول حضرتك اتجوزت
حسين : ايوه الحمدلله دكتوره جميله
منار تمد يدها اليها : اهلا بحضرتك والف مبروك على الجواز
جميله بغضب وغيظ : الله يبارك فيكى
منار : طب استأذن انا بقى
حسين : ماشى يا مدام منار وابقى خلينا نشوفك دايما
منار : ان شاء الله ... فرصه سعيده يا مدام بعد اذنكم
حسين يفضل مبتسم ويقعد على كرسيه من تانى ويتذكرها يااااااااااا ما تتصوريش يا جميله فرحت اد ايه لما شوفتها
جميله بغضب : ممممممممم مهو واضح طبعا من طريقه ترحيبك بيها ولا من ابتسامتك اللى لسه على شفايفك حتى بعد ما مشيت هى
حسين يلاحظ طريقتها فى الكلام وشعر بانه اخطىء : ممكن حبيبتى بس تهدى روحها
جميله : اهدى روحى ليه شايفنى اتجننت ولا ايه يا سياده المقدم
حسين : لا طبعا يا حبيبتى وحتى انتى احلى واعقل مجنونه فى الدنيا
جميله : حسين بطل طريقتك دى وما تغيرش الموضوع
حسين : ما غيرتوش والله اصلك انتى ما تعرفيهاش دى تبقى بنت
جميله مقاطعه ليه : ومش عاوزه اعرف معاليها تبقى مين .... وتقوم تقف
حسين : رايحه فين اقعدى بس
جميله : رايحه التوليت بعد اذنك
حسين : ايه اللى انا هببته ده بس ....
تذهب جميله الى التوليت وتنظر لنفسها من خلال المراه وفضلت تتناهد وتهدى من روعها شويه لحد ما سمعت صوت هاتفها وخرجته من حقيبتها وجدتها لمياء صحبتها ردت عليها : الو
لمياء : الو يا جوجو عامله ايه
جميله : الحمدلله انتى اللى عامله ايه
لمياء : انا عال العال واخيرا اتجوزت يا جوجو
جميله تحاول ان تبتسم لكنها لم تقدر : الف مبروك عليكى يا لمياء
لمياء : جميله مالك فيه ايه
جميله : ابدا يا حبيبتى انا بخير
لمياء : ازاى بقى هو انا ما اعرفكيش ولا ايه شكلك مدايقه فى حاجه
جميله لم تقدر على التماسك فتركت لدموعها العنان
لمياء : جميله يا خبر ابيض انتى بتعيطى فيه ايه بس فهمينى
جميله : مفيش يا لمياء حاجه اطمنى قوليلى مبسوطه
لمياء : سيبك منى دلوقتى وخلينى معاكى فيه ايه ما تقلقنيش عليكى
جميله : صدقينى مفيش حاجه بس مش عارفه مالى
لمياء : جوزك بخير طيب
جميله بكت تانى
لمياء : طيب اهدى بس وقوليلى حصل منه حاجه زعلتك منه مع انى مش هصدق لانه ماشاء الله عليه بيحبك وشايلك شيل كده ما شوفتيش البنات امبارح كانو بيبصولو ازاى فى الفرح
جميله : خدت بالى طبعا منهم انا اصلا اللى غلطانه انى خليتو يجى فرحك
لمياء حسيت بان بسبب ديقتها هو غيرتها على جوزها : اخص عليكى كده برده بس ..... مدام هو بيحبك ومش شايف غيرك يبقى ارمى ورا ضهرك يا جميله الكلام ده وطلعى الاوهام من دماغك
جميله : مفيش اوهام ولا حاجه اصلك ما بتشوفيش البنات وهما بيبصوا عليه دول كانهم عاوزين ياكلوو يا لمياء
لمياء : هههههههههههههههههههههههههههه
جميله : انتى بتضحكى
لمياء: اعمل ايه بس يعنى المهم هو ايه نظامه بيبص عليهم ولا ايه
جميله : بصراحه لا بيفضل يكلمنى وبحس كده انه بيغظهم بيا وبيقولهم ان انا معاه
لمياء : يبقى خلاص يا بت بقى مدام مش شايف غيرك يبقى بلاش القمص بتاع اهلك ده وافرديها كده وفرحيه واسعديه الراجل يابنتى ما بيحبش الست النكديه اه والله عاوزها دايما تكون فريش وجاهزه ليه 24 ساعه
جميله : والله ازاى بقى يا عروسه
لمياء : يالهوى بقى انا اللى اقولك ماهو ده دورك ياحلوه دلعيه وهننيه وماتخليهوش يعرف يبص لغيرك هههههههههههههههه 
من الاخر هدي حيله عشان مايقدرش انتى فاهمانى بقى
جميله : هههههههههه بقيتى قليله الادب من يوم واحد جواز امال لما تبقى زى حالاتى هتعملى ايه
لمياء : هههههههههههههه مش انا بقى اللى هعمل الدور والباقى عليه هو
جميله : ههههههههههه مش بقولك اخلاقك باظت من يوم واحد جواز
لمياء : طيب المهم بقى قبل ما سى دوله بعلى يجى انا بكلمك عشان عاوزه اسم دوا ليا
جميله : دوا ليه يا بت فيه ايه
لمياء : ههههههههههه لالالا ما تخليش دماغك توديكى لمكان تانى عاوزه مطهر او حاجه مش الاخت دكتوره برده ولا غلطت فى العنوان
جميله : لا ياختى ما غلطتيش هاتى ورقه وقلم واكتبى اللى هقولك عليه
************************************************
كان واقف امام الحمام منتظرها وقلقان عليها من تاخيرها ده كله عليه وكان نفسه يروح لعندها ويبوس رجلها ويعتذرلها على اللى حصل منه تجاه منار بنت لواء عندهم فى المديريه امامها .... وجد طفله صغيره داخله الحمام نده عليها وقالها
ممكن طلب يا عثل
الطفله : نعم
حسين : مراتى جوه فى الحمام وهى اتاخرت اوى عليا ممكن تروحى تشوفيهالى هى اسمها جميله
الطفله : حاضر
وركضت الطفله الى الحمام ونديت على اسمها : اللى اسمها جميله فين
جميله كانت لسه مع لمياء على الهاتف : ايوه يا قمر فيه حاجه
الطفله : جوزك بيدور عليكى بره
جميله : ياخبر ابيض انا نسيته
لمياء : هههههههههههههههه طب يلا ياختى روحيله وابتسمى كده ولا كان حصل حاجه
جميله : حاضر حاضر سلام
لمياء : سلام
وياتى اليها جوزها عادل ووجدها نايمه على السرير : ممكن اعرف عروستى الحلوه بتكلم مين كده
لمياء : خضتنى يا دوله اخص عليك
عادل : تحبى اجبلك طاسه الخضه ياختى
لمياء : تؤ تؤ انا عاوزه طاسه بطاطس مقليه ولا طاسه شكشوكه
عادل : ههههههههههههه اخص عليهم جوزونى سيد اشطه ومكنتش اعرف
لمياء تحاوطه بذراعيها : هههههههههههههههه وسيد اشطه هيفترسك دلوقتى ياسى دوله