بعد مرور الوقت جميله كانت قلقانه واتصلت بحسين لكن هاتفه كان مغلق ولمياء صديقتها مشيت بعد ما اخوها جاء واخدها بعد ما طلب منه عادل زوجها بكده .... وجميله اتصلت بحسن وطمنها بان حسين بخير وانه فى طريقه لفاتن مراته ف اسكندريه واطمنت بان فاتن فاقت وحمدت ربنا بان الرصاص كانت ف كتفها ولم تخترق قلبها
وصل حسين لجميله وبعد ما فتح باب الغرفه فتحت ذراعيها ليه وهو ركض اليها واحضتنها بقوه وطبع قبلات حانيه على خدها وعلى رقبتها
جميله : الحمدلله يا حسين انى اطمنت عليك كنت خايفه اوى
حسين يمسح دموعها : وانا قلتلك طول منا معاكى اوعى تخافى فى يوم يا جميله
جميله تقبل يداه وتقوم بحضنه مره تانيه : انا بحبك اوى يا حسين واسفه على كل حاجه
حسين يمسك وجهه بين كفيه : انا اللى بتاسفلك يا حبيبتى على كل حاجه بس انا كان خوفى وقلقى عليكى انتى مش اكتر
جميله تحضتنه : انا عرفت متاخر اوى يا حسين لمياء قالتلى على كل حاجه انا غلطانه سامحنى
حسين : يا هبله يا عبيطه انا عمرى ما اقدر ازعل منك ابدا ابدا
جميله : بتحبنى يا سونه
حسين : بعشقك وبدوب فيكى دوب يا حبيبى قلب سونه
جميله : ما تتخلاش عنى اوعى تبعد عنى تانى
حسين يقبل اناملها ويمسكها بين راحته : انا اللى بطلب منك يا جميله انك ما تبعديش عنى تانى لانك الهوا اللى بتنفسه يا بنت بدران
وتحضنه جامد لحد ما تشعر بانها تريد ان تتقايه
حسين : مالك فيه ايه
جميله : نفسى غمه عليا
حسين : هههههههههههههههههههه ما كنا ماشين حلو ايه اللى حصل تانى
جميله : ابعد بس دلوقتى كده وقولى ايه الريحه دى
حسين يشم فى نفسه : رايحه ايه دى
جميله : ريحتك وحشه اوى
حسين : ريحتى انا يعنى مش شاممها ولا حاجه
جميله : لا بجد ريحتك فظيعه يا حسين ممكن تبعد حبه
حسين : هههههههههههههههههههه يخربيت ده وحم اللى جايلك فى الاخر انا ناقص ياختى فى بدايه الحمل ممنوع الاقتراب وفى الاخر ريحتك بقت وحشه
جميله : بجد مش طايقه نفسى عاوزه. ارجع
حسين : ههههههههههههههه اللى يشوفك دلوقتى ما يشفكيش زمان ها لما كنتى بتدوبى في ريحتى دى ياختى
جميله : حسين اطلع بره الاوضه
حسين : حصلت تطردى جوزك يا بنت بدران
جميله : تزق فيه من على السرير : اخرج بره يا ابن دهشان
حسين : ابن دهشان ؟؟؟ هى حصلت يا بت انا اللى كنت هموت انهارده المفروض تاخدينى فى حضنك مدى الحياه
جميله : لما تروح تغير هدومك دى كلها وما تحطش اى برفيوم بعدين ابقى اشوف موضوع الحضن ده
حسين : للدرجادى ريحتى مقرفه
جميله تضع منديل ورق على انفها
حسبين : ياخرابى ياختى للدرجه دى مش قادره تستحملينى لا انا هقوم اروح عند امى احسن لا عمرها قالتلى ريحتك وحشه ولا عمرها طردتنى من بيتها
جميله : ايوه يلا روح ليلها وما تجيش هنا تانى
حسين : ههههههههههههههههههههههه والله العظيم انتى مجنونه بس بموت فى جنانك ده برده
جميله : يلا بقى بجد امشى
حسين : ههههههههههههه خلاص خلاص انا همشى رايح عند ماما عشان اوصلها المطار وهرجعلك تانى اعملى حسابك تقوليلى بقى ريحتك مقرفه ريحتك مش عارف ايه برده على قلبك يا بنت بدران
جميله تبحث بجانبها عن شىء تحدفه بيها ما تلاقيش غير ازازه الميه بجوارها فتقوم بمسكها وتحدفها بيه : طب امشى بقى ياابن دهشان من هنا
حسين يشئطها كانه بيشئط الكره : برده بموت فى جنانك يا بنت المجانين انتى
************************************************** *****
اما عند حسن وفاتن كان جالس على مقعد بجانبها يقرا لها قران لكى تقوم له بالسلامه وكانت جالسه على قدميه بوسى وما بتطلش عياط من ساعه اللى حصل بس هو قدر انه يهديها وكان ماسك صوابعها الصغيره وبيقرا بيها القران عشان تهدا من روعها ..... كان خالها عادل ومصطفى عاوزين ياخدوها معاهم القاهره بس حسن رفض والطبيب طمنه وقاله انها ممكن بعد يومين تسافر فى سياره اسعاف مجهزه على اى مستشفى بالقاهره
تمر الايام واتحسنت حاله فاتن بصوره طبيعيه وخرجت من المشفى وذهب بها حسن الى شقتهم اللى كان معدها ليهم خصيصا فى بيت والدته اللى كانت لسه فى لبنان عند سهى وكمان مكنتش تعرف بموضوع اصابه فاتن او بتعب جميله خافوا يقولو لها لاحسن تقلق او تتعب ووجدو ان سفرها جاء فى وقته ليها وليهم
حسن يدخل الى فاتن اللى كانت على السرير وجلس بجانبها : ها حبيبتى احضرلها الاكل ولا لسه ما جعتش
فاتن : لا مش جعانه يا حسن
حسن يقبل راسها : ماشى يا حبيبتى تحبى ترتاحى شويه
فاتن : ملوش لازوم هما اخواتى قالو هيجو امتى
حسن : لسه شويه حتى سالم كلمنى كمان وقالى انه عاوز يجى يشوفك هو ومراته وكانت مامته عاوزه تيجى هى كمان بس تعبانه
فاتن : يشرفوا طبعا ... اكيد هى لسه زعلانه من اللى عملته فى ابنها
حسن : مكنش قدامى حاجه تانيه يا فاتن كنت تايه ومكنتش حاسس بروحى والله
فاتن : بس مكنش ليه لازوم انك تضربه قدام مراته وعياله يا حسن برده
حسن : منا روحت واعتذرت ليه قدامهم برده وبوست على راسه ..... بقولك الشيطان بقى كان ساعتها قوى اوى ومسيطر على تفكيرى
فاتن : كويس ان اخوك لحققك ساعتها بدل ما كان زمانك فى السجن مشرف وانا وبنتك محتاسين من غيرك
حسن يقبل ايديها : اعمل ايه بس انا حبيبتك اوى واول ما حاسيت انك ممكن تروحى من بين ايدى وان سالم هو السبب ما حستش بروحى الا لما حسين جه ونقذه من ايدى
فاتن : منا ساعتها حسيت هو اللى عملها لان مكنش لينا اعداء خالص غيره وقلت انه مش هيسبنى فى حالى بعد ما روحت ليه واتنزلتله على ورثى
حسن يضمها لحضنه : ما تتصوريش يوم ما قولتيلى كده انا فرحت اد ايه انك بتاخدى راى فى موضوع زى كده
فاتن : لانى عاهدت نفسى من ساعه ما داخلت بيتنا وشربت مع اخويا الشاى وطلبت ايدى انى بقيت ملكك ولازم تعرف عنى كل كبيره وصغيره وكل اللى بفكر فيه
حسن : وانتى عليتى فى نظرى اوى ساعتها يا تونه
تربت على ذراعيه اللى حضناها : ربنا يخليك لينا يا روح تونه ... امال فين بوسى
حسن : عند جميله تحت فى شقه امى
فاتن : وهى عامله ايه دلوقتى
حسن : كويسه الحمدلله هانت اهى هيبقى ليا ابن اخ
فاتن : ربنا يخليكو لبعض
حسن ويضمها اكتر : ويخليكى ليا يا حبيبتى
************************************************** *****
تمر الايام ويليها ايام كثيره وقد اتت هند من لبنان وجاءت معاها سهى لتحضر ولاده مرات اخوها وكانوا الكل تحت قاعدين فى شقه هند وفرحانين ومبسوطين وكان حسين شايل افنان بنت سهى اخته وجالس بجانب جميله
اما حسن فكان لسه ما رجعش من الشركه بس فاتن كانت قاعده معاهم تحت بعد ما تركت الشغل بعد ما طلب منها حسن ذلك
سهى : صحيح يا حسين نويتو تسمو النونو ايه ان شاء الله
حسين : ان شاء الله محمد
سهى : اشمعنى محمد ده اسم مكرر خالص خليك فى الاسامى الجديده عندك مثلا سيف ومعاذ وادم
حسين : واسم محمد ماله بقى كفايه انه على اسم اشرف الخلق وكمان أحب الأسماء إلى الله ما عبد وحمد
الكل : صل الله عليه وسلم
سهى : وانتى يا تونه عاوزه ولد ولا بنت
فاتن : كل اللى يجيبه ربنا كويس بنت ولد المهم الخلقه التامه
هند : صح قولك يا فاتن يا بنتى اهم حاجه انك انتى والبيبى تقومو بالسلامه ومعافين .... وتكمل اطعام بوسى اللى طول الفتره اللى فاتت وهى اتعلقت بيها اوى وكانت دايما بتنام معاها على سريرها
سهى .. هو انتى فى الشهر الكام يا فاتن
فاتن.. لسه فى اول التانى
سهى .. ع خير ان شاء الله ..... والل عشنا وشوفنا حسن اخويا كمان 6شهور هيبقى اب
حسين بمزاح .. ربك قادر بالمعجزات
سهى.. وربنا هيكون اب مسخره
هند.. بت يا سهىبطلى كلامك ده اخواتك رجاله وزى الفل .
سهى .. طبعا ياختى ومين يشهد للعريس
حسين.. امهم يا بت..
ويطلقوا ضحكاتهم كلهم
سهى.. ساكته ليه يا جوجو ما تتكلمى يا اوختى
جميله بتعب واضح عليها .. هتكلم اقول ايه
هند.. سهى سيبى مرات اخوكى بقى ولا اقولك قومى اعملنا شاى يلا
سهى.. يعنى سايبه لبنان والعز والبغدد وجايه هنا عشان اعملكم الشاى
حسين..ايوه ارجع لاصلك ياختى
سهى.. طب ايه قولك بقى انى هناك ما بعملش اى حاجه عصام جايبلى واحده تساعدنى ف شغل البيت وتاخد بالها من افنان كمان
حسين.. الله يرحم جدك ياست سهى
ياتى اليهم فى الوقت ده حسن اللى اول ما دخل طبع قبله ع راس والدته وراس زوجته وجريت فى حضنه بوسى : حبيبه قلبى
بوسى توشوشه بكل شىء حصل اليوم وكان مسميها الرويتر
سهى : شوفى البنت بتقوليلو ايه يا بوسى
فاتن : هعمل ايه بس معاه علمها اى حاجه تحصل فى اليوم وهو مش موجود تقولها ليه
هند : كتير قلتلك تبطل العاده دى بس هقول ايه بس
حسن : فيه ايه بس يا ست الكل منا قاعد فى حالى اهو
هند : طيب بطل تعلم بوسى الكلام ده مش عاوزينها تتعود على كده يا حسن
حسن : ما تقلقيش بوسى ما بتقولش غير لحسن وبس مش كده يا بسبوسه
بوسى : كده يا حسن ... وتكمل همس ليه وهو كان سعيد جدا وفاتن ايضا كانت فرحانه لفرحه بنتها وقربها من العيله دى
بعد انتهاء اليوم كل واحد اخد مراته وراح على بيته بينما ظلت سهى فى شقه مامتها وحسن هو وفاتن طلعو لشقتهم ايضا بعد ما اطمنو على بوسى انها نامت فى حضن هند
حسن : وحشتينى يا تونه اوى بصراحه الشركه ملهاش حس ولا طعم من غيرك
فاتن بغيظ : خلاص ارجع الشركه من تانى عشان يبقى ليها طعم وحس
حسن : وحياه امك ياختى دنا كنت موتك
فاتن : الله مش انت اللى بتقول
حسن : انا اقول انتى لا فاهمه ولا لا ويقرصها من خدها
فاتن : بحبك يا حسن اوى
حسن : مش اكتر منى يا مدام حسن تعرفى احسن حاجه ان البت بوسى بقت تنام مع ماما تحت
فاتن : اشمعنا بقى
حسن وحملها : عشان استفرض بيكى يا جميل
فاتن : مجنون والله
حسن ينزلها ويمسك وجهها بين كفيه : مجنون معاكى انتى وبس يا تونه
فاتن : والله ... طب اتجنن كده مع غيرى وشوف هيحصلك ايه
حسن : ممممممم هيحصلى ايه بقى يا تونه
فاتن : هيكون عقابك الشنق يا روح تونه من جوه
حسن يقهقه ويحضنها : يخربيت ايام زمان كنتى فين بعيده عنى
فاتن : كنت موجوده فى بيتنا ... اقولك حاجه بس ياريت تصدقها يا حسن
حسن : انتى اى حاجه بتقوليها بصدقها يا حبيبتى
فاتن : انا حاسه انى اول مره اتجوز
حسن يضم راسه براسها عن قرب : وانا اول مره احس انى بحب كده يا فاتن
فاتن : وست ندى هانم بتاعتك
حسن : بقيتى انتى وبس حياتى
فاتن تدوب من لمساته ومن انفاسه : بحبك يا ابو على
حسن يضمها ليه ليقبلها بشوق : انا اكتر يا حياه ابو على
أنت تقرأ
هاتولى عريس للكاتبة : نورهان محمد
Storie d'amoreالحب الحلال عامل زى الشمعة اللى بتفضل تدور عليها لما النور يقطع وتتكعبل فى حاجات كتير اوى لحد ما توصلها الحاجات دى تجارب فاشلة منك او من اللى حواليك بتجرحك وتأثر فيك المهم فى الآخر توصل للشمعة وتنور لك حياتك وتحس بالحب ده إنك سلطان زمانك
