وبعد ساعتين كانت ترتجل من سيارتها وهى حمله ابنتها وبحثت عن رقم العماره واول ما لقيتها طلعت جرى عليها ورنت جرس الباب
اما حسن فنزل عشان يدخل الحمام ويرتدى هدومه ويروح شغله لانه من ساعه ما حسين جه هو ومراته فى البيت وبقى بيبات فوق فى مملكته الخاصه
هند : حسن تعالى خد منى ياابنى الطباق
حسن : انا مش عارفه اكونشى الفلبنيه الجديده بتاعتكم ولا حاجه
هند : هههههههههههههههههههه بكره ياخويا تساعد مراتك لوحدك من غير اى كلام
حسن : اديكى قلتى اهو مراتى بقى
هند : ياواد اختشى ويلا روح ودى الطباق ونادى على مرات اخوك عشان تفطر
حسن : ماشى ياختى .... الا بصحيح صحبتها دى هتيجى دلوقتى
هند : مش عارفه هى قالتلى ان واحده صحبتها جايه عشان بنتها تعبانه
حسن : طيب وقبل ما ينادى عليها كانت فاتن بترن الجرس وهى حمله بوسى بنتها ليفتح ليها حسن ويتفاجىء
فاتن تنظر اليه من خلال مفاجئتها ومكنتش عارفه تعمل ايه تدخل تكشف على بنتها ولا تنزل تانى وتمشى
حسن : هتفضلى واقفه كتير ادخلى جميله مستنياكى جوه
فاتن باحراج : احم طب بعد اذنك عدينى
حسن يلاحظ انه واقف سادد الباب بجسمه : اسف اتفضلى
هند : مين يا واد
لتخرج جميله تقول بدلا من حسن : دى فاتن يا ماما ومعاها بوسى
فاتن : اسفه يا دكتوره جيت فى وقت ده بس ما قدرتش اصبر لحد الضهر
جميله كادت ان تحمل بوسى .. لكن حسن اخدها منها ودخل بيها على اوضته وسط تراقب عيناهم لبعض فقالت جميله : تعالى يا فاتن اتفضلى
نيمها حسن على سريره وقال لجميله : هى مالها
جميله : شكلها عندها نزله معويه دقيقه هجيب شنطتى وجايه وتركتهم مع بعض بمفردهم فى الغرفه
حسن يجلس بجوارها ويملس شعرها : بسبوسه مالك يا حبيبتى
بوسى بتعب : حسن
حسن : حبيبه حسن يا بوسى مالك مش تجمدى كدا
بوسى : بسنت هتموت هتروح لباباها
فاتن لم تقدر ان تمنع دموعها اما هو فنظر ليها ثم نظر لبوسى : ما تقوليش كده ان شاء الله دلوقتى هتبقى كويسه لما دكتوره جميله تديكى حقنه وعلاج اطمنى
تقوم بسنت وتعانق حسن وهو يلف ذراعيه عليها : ما تخافيش يا بسبوسه وكمان مش احنا بنات شطار وجامدين فين بقى العضلات بتاعتك
بسنت : اتؤ بسنت موش عندها عضلات بسنت عاوزه تبقى بنوته رقه وانوثه
ابتسم لكلمها لانه مثل كلامه الاخير معاها عن البنت المفروض يكون عندها انوثه ورقه ومش عارف ليه بص على مامتها اللى كانت بتبكى على حاله ابنتها مكنش عارف يعمل ايه غير انه فسح لها المكان كله وخرج بعد ما دخلت اليهم جميله وبدات تكشف على بوسى
بتقولى ايه يا ماما ..... قالها حسن عندما قالتله مامته بان بوسى باباها متوفى وهى فى صغيره خالص
هند : جميله هى اللى قالتلى كده والله صعبت عليا يا حسن لما عرفت ومامتها يا حبه عينى كمان من ساعه ما توفى وهى ما اتجوزتش مع ان بيجلها عرسان كتير بس كانت بترفض عشان بنتها واهل ابوها ما ياخدهاش منها
كان يستمع ليها وكان بيتذكر خوفها ولهفتها على ابنتها اول مره شافها فيها او فى العجمى كانت خايفه منه ليكون هيخطفها منها ومن حضنها فاق من شروده عندما نديت عليه جميله
حسن : خير يا جميله فيه حاجه
جميبله : معلش ممكن تجبلى الدوا ده من اى صيدليه
حسن : اه طبعا وقبل ما تكمل كلامها كان اسرع فى الخروج من البيت وكلم سكرتيرته وقالها تاجل كل حاجه خاصه بشغله عشان هيتاخر شويه
جميله : ها يا بوسى بقيتى احسن دلوقتى
بوسى : اممم اوى اوى
جميله تنظر لفاتن تلاقيها بتسمح دموعها : خلاص بقى اهدى الحمدلله بقيت احسن اهى
فاتن : ماتعرفيش يا دكتوره انا كان ممكن يحصلى ايه لو لا قدر الله حصلها حاجه
جميله : ربنا يحفظها ليكى ويحفظك كمان ليها يا فاتن
فاتن : صحيح ما قلتلكيش الف مبروك على الحمل عرفت من لمياء امبارح واحنا عندها بنبارك ليهم
جميله : الله يبارك فيكى
فاتن : اسفه انى اتصلت فى وقت بدرى وكده يعنى
جميله : ما تقوليش كده انتى تتصلى وتيجى فى اى وقت
هند وكانت داخله وفى ايدها صنيه فيها مشروبات : اعتبرى ان البيت ده بقى بيتك كمان واى وقت تعالى يا مرحب بيكى
فاتن : تسلمى يا طنط وربنا يخليكى
هند : انتى بقى بوسى
بوسى تبتسم الي هند اللى كانت بتربت على شعرها : ربنا يشفهالك يا بنتى
فاتن : تسلمى يا رب طب انا هاخدها وامشى بقى عشان اوديها لماما والحق اروح الشغل
جميله : لا شغل ايه انتى انهارده تاخدى راحه عشان بوسى وابقى بكره روحى
فاتن : مش هينفع عشان بجد عندى شغل كتير هنا ك
جميله : كلامى مش هعيده تانى دلوقتى اول ما حسن يجى هقوله انك هتاخدى انهارده راحه واكيد مش هيمانع
فاتن فى بالها : اه على طيبتك ما انتى ما تعرفيش هو بيعمل ايه هناك بعيد عنك اقولها ولا اسيبها على عماها بس
هند : قوليلى يا بوسى انتى عندك كام سنه
بوسى ترفع اناملها وتعد عليهم لحد 5
هند تقبلها : ههههههههههههههههه وربنا انتى ثكر ابقى تعالى عندى على طول نقعد مع بعض ماشى
بوسى : ماشى يا تيته
هند : يا حبيتى انتى اول واحد تقولى تيته
بوسى : وانتى عندك كام سنه
هند : ههههههههههههه لا انا عندى كتير اوى يا حبيبتى
بوسى : طب عديهم على صوبعينك
هند : ههههههههههههههههه مش هينفع يا حبيبتى اصلهم كتير وايدى حتى رجلى مش هيكفو كمان
لياتى اليهم حسن ومعه كيسه بها دواء وبعد ما اطمنو علي بوسى فاتن استأذنت منهم لتغادر بس جميله وجهت كلام لحسن
جميله : حسن لو ممكن طلب
حسن : خير
جميله : فاتن هتاخد انهارده راحه عشان خاطر بوسى
حسن يقبل انامل بوسى : وانا موافق عشان خاطر بسبوستى و ويغمز لبوسى
جميله :يلا بقى يا ست بوسى مامى هتقعد انهارده معاكى يلا اشكرى انكل حسن بقى
بوسى : شكرا يا حسن
فاتن : بوسى عيب كده قوليلو انكل
حسن : لالالا سيبها تقول اللى تقوله انا وهى اصحاب مش كده يا بسبوسه
بوسى : كده يا حسن ...
فاتن : انا بتاسف مره تانيه على الازعاج
هند : ما تقوليش كده يابنتى بالعكس احنا فرحنا اوى لما اطمنا على بوسى ربنا يحفظهالك
فاتن : تسلمو يارب .... ليرن هاتف جميله وترد عليه ويكون المتصل حسين لتستأذنهم : طب بعد اذنكم يا جماعه هرد على حسين
بوسى بتلقائه : امممم اخو حسن التؤام
جميله بابتسامه لخفه دمها : ايوه يا حبيبتى اخو حسن التؤام بعد اذنكم والف سلامه على بوسى يا فاتن
اما فاتن فكانت فى حاله توهان حسين جوزها امال مين اللى واقف جنبى ده يطلع مين لا بقى انا اللى اتجننت
هند تلاحظ شرودها : انا عندى ولدين تؤام حسن وحسين وعندى كمان سهى بنتى لسه متجوزه من كام شهر وسافرت مع جوزها لبنان
مكنتش عارفه تعمل ايه ولا تقول ايه تتاسفله ولا تتاسف لجميله ولا تعمل ايه
حسن : انهارده انتى راحه بس بكره القييكى على مكتبك اظن كلامى واضح
فاتن بابتسامه يلاحظها حسين ويتوه معاها فيها لتقول : احم اوكيه بعد اذنكم وفرصه سعيده يا طنط
هند : احنا الاسعد يا حبيبتى وزى ما قلتلك خلى بالك عليها واديها سوايل كتير
فاتن : حاضر السلام عليكم
حسن وهند : وعليكم السلام ورحمه الله وبركاته
هند : والله حبيتهم اوى اذ كان البنت ولا مامتها
حسن : انا اللى مش عارف بيحصلى ايه لما بشوفها ...
أنت تقرأ
هاتولى عريس للكاتبة : نورهان محمد
Romantizmالحب الحلال عامل زى الشمعة اللى بتفضل تدور عليها لما النور يقطع وتتكعبل فى حاجات كتير اوى لحد ما توصلها الحاجات دى تجارب فاشلة منك او من اللى حواليك بتجرحك وتأثر فيك المهم فى الآخر توصل للشمعة وتنور لك حياتك وتحس بالحب ده إنك سلطان زمانك
