(Disclaimer: Lahat po ng nabasa at mababasa niyo sa story na ito ay kathang isip lang. Produkt lang po ng imagination ko ang karamihan dito. Wag po kayong magalit kung may mabasa kayo na hindi maganda tungkol sa ibang characters, ok?)
Maraming fans ang kilig na kilig sa panliligaw ni Gerald kay Sarah. Pinapakita kasi nito ang pagiging sweet sa dalaga saan man sila mapunta. Hindi katulad ni John Lloyd na mas pribado kung manligaw sa dalaga. Marami na nga ang boto kay Gerald para makatuluyan ni Sarah. Pero may ilan din na masama ang kutob sa binata.
Isang araw, habang papunta sa isang guesting si John Lloyd ay nakasalubong niya si Gerald. Tila malungkot ito at may malalim na iniisip.
“Bro, mukhang may problema ka ah?” Bati ni John Lloyd kay Gerald
Napailing ang binata at pinilit na ngumiti, “Wala naman. Pinapatawag lang ako ng big bosses.”
Napatango naman si John Lloyd, “Ahhh. Sige, good luck.”
Maya-maya ay nadaanan niya ang kwartong pinagdadausan ng meeting ng mga big bosses kasama si Gerald at ang handler nito. Hindi sinasadyang narinig niya ang pinag-uusapan dahil nakabukas ng konti ang pinto.
“Gerald, galingan mo pa ang pagpapaniwala sa mga tao na may gusto ka talaga kay Sarah. Magandang marketing strategy ito para bumenta yung pelikula niyo. Tandaan mo, nakasalalay sa proyektong ito kung ano ang magiging takbo ng career mo. Sikat na sikat si Sarah ngayon kaya kailangan mong sumakay sa kasikatan niya kung gusto mong maging maganda ang takbo ng career mo.”
“Walang problema doon boss. Madali lang naman mapaniwala at mapasakay si Sarah. Paniwalang-paniwala nga po siya na gusto ko siya eh.”
“Mabuti. Basta sumunod ka lang sa plano ah.”
Nagpantig naman ang tenga ni John Lloyd sa mga narinig. Kaya lumayo na ang binata dahil baka hindi niya mapigilan ang sarili sa pagsugod sa mga tao sa loob ng kwarto.
Ang napagdiskitahan ng binata ay ang salamin sa loob ng kanyang dressing room. Ilang ulit niya iyong pinagsusuntok kahit na nagdurugo na ang kanyang kamao. Napigilan lang siya ng pumasok ang kanyang PA.
“Idan! Tama na!” Pagpigil sa kanya ni Pip
Pabagsak na iniupo ni John Lloyd ang sarili habang aligaga naman ang kanyang PA sa paggamot sa sugat niya.
“Ano ba kasing problema Idan?”
Napailing na lang si John Lloyd sabay ngisi, “Wala. Sinubukan ko lang kung matibay talaga yung salamin.”
“Idan, sagutin mo ako ng maayos.”
“Wala Pip. Wag ka mag-aalala, medyo stressed out lang ako ng konti.”
“Maniniwala sana ako kung madalas mong gawin to, pero ngayon mo lang to ginawa kaya nararamdaman kong may malalim kang pinoproblema.”
“Wag muna ngayon Pip. Sa akin na lang muna to.” Seryosong pakiusap ni John Llloyd
“Sigurado ka?”
At tumango lang ang binata.
----
Kinabukasan sa shooting ng kanilang pelikula
“Idan!?! Anong nangyari dyan?” Bungad na tanong ni Sarah na halata ang pag-aalala sa mukha
Napakamot na lang sa ulo si John Lloyd sabay ngiti, “Wala yan.”
“Anong wala ka dyan? Ano ba kasing ginawa mo?” Pangungulit ni Sarah
“May nabasag kasi akong salamin sa dressing room kahapon.” Pag-amin ng binata
“Nabasag o sinuntok?” Tanong ng dalaga
“Sinuntok.”
Napapikit sabay kamot sa ulo ang dalaga, “Idan naman! Anong silbi ko bilang kaibigan mo? Kaya nga ako andito para sabihan mo ng mga problema mo eh. Hindi yung kung saan-saan mo binubunton yang galit mo.” Naiinis na sabi ni Sarah
“Ayoko kasing masaktan ka eh.” Nakayukong sabi ni John Lloyd
“Kaya sarili mo ang sinaktan mo? Saka bakit naman ako masasaktan sa sasabihin mo?”
Umiling na lang si John Lloyd, “Basta. Wag mo na muna alamin kung ano yung tinutukoy ko. Baka kung ano pang maging reaksyon mo.”
Lumapit si Sarah kay John Lloyd at hinawakan ang braso nito, “Idan naman.” Malumanay na sabi ng dalaga
“Wag ka ng makulit Sars.” Seryosong sabi ni John Lloyd
“Wala ka ba talagang balak sabihin sa akin yan? Ikaw din naman nagsabi na tungkol sa akin yan, kaya may karapatan akong malaman yan.” Pagpupumilit ni Sarah
Hinawakan siya sa balikat ni John Lloyd, “Sasabihin ko din sa’yo to. Pero hindi muna ngayon. Saka ginagawa ko to para sa’yo, para protektahan ka. Sana maintindihan mo.”
Napatango na lang si Sarah, “Ok. Thanks for your concern.”
Hinalikan ni John Lloyd sa noo si Sarah, “Wag ka ng magtampo. Malalaman mo din kung ano to, soon.”
----
Buong araw na pinipigilan ni John Lloyd ang kanyang sarili. Ayaw niya kasing gumawa ng eskandalo at ayaw niya ring maapektuhan ang shooting ng kanilang pelikula.
Malapit na silang mag-pack up at tanging ang eksena na lang nina John Lloyd at Gerald ang hinihintay matapos. Ilang beses na nilang inuulit ang eksena dahil kung hindi nabubulol ay hindi naman nakukuha ni Gerald ang tamang emosyon.
“Pare, ayusin na natin. Gusto na ring magpahinga ng lahat.” Kalmadong pakiusap ni John Lloyd
Ngumisi lang si Gerald, “Alam ko naman yun. Hindi mo na kailangan sabihin.”
“Ayusin mo na lang pare.” Seryosong sabi naman ni John Lloyd
Matapos ang ilang take ay hindi pa rin maayos ni Gerald ang kanyang acting sa eksena.
Tinapik tapik ni John Lloyd sa balikat si Gerald, “Gerald, ayusin mo na.”
Pinagpag naman ni Gerald ang kamay ni John Lloyd, “Inaayos ko naman ah.”
“Inaayos mo? Eh nakakailang take na tayo eh.” Tila naiirita nang sabi ni John Lloyd
“So ako ang sinisisi mo kung bakit nagtatagal tayo?” Maangas na tanong ni Gerald
“Ikaw naman talaga ang nagpapatagal sa take natin eh.” Sagot ni John Lloyd
Naramdaman naman ni Direk Cathy ang tensyon sa pagitan ng dalawa, “Tigilan niyo nga yan. Lalong hindi makakatulong sa atin yang ginagawa niyo.”
Palayo na si John Lloyd ng may sabihin si Gerald, “Masyadong nagmamagaling eh. Sabit ka lang naman sa project na to.”
At sa isang iglap lumapat sa mukha ni Gerald ang kamao ni John Lloyd.
~*~
BINABASA MO ANG
Flaming Love (AshLloyd Fan Fiction)
FanfictionMy first BALDIK fan fiction! :"> Hope you enjoy! :)
