Aho Ka Na Lang

Chapter One

Few months ago...

Napaiktin ko sa sobrang kakuyaw tungod sa anaay kalit lamang miigo sa akong too nga aping. Samtang gahawid kos naigo nahu nga aping, ako usab gipangita ang butang nga way preno-prenong dire-diretso lamang miigo sa akong nawng nga gigamitag chinchanso. Pashneya! Gilakumos nga papel?

Sa di layo gikan sa akong gilingkuran, nadunggog ko ang agik-ik ug kamatjunong pagkatawa. Sa pinakalit nga paglingi, char! pina-Lily Cruz lang ang peg, mitungha gayud sa akong duha ka dagkong mga mata ang hitsura sa duha ka impaktong gipanganak siguro aron maghatag kabuang sa tibook kalibutan.

Pagkapuwa na lamang tan awon ang mga nawng ni Quando ug ni Frauline. Mga pashneya!!! 😠😠 Naglingkod lingkod na sa sobrang pagkatawa si Quando samtang si Frauline mihigda na sa lamesa while (char! English english pod kuno gamay) ag ija dagway apil ag duwanggan sobraan nas kapuwa. Pero infairness ha, makaikag ag panit ning bajeha.

Kung naa lang koy ing-ana nga panit na pareha sa iyaha, mo-I nomination myself gajud kong akoy muse. Saon maning gipanganak man kong gwapa ra pero di ingon nga ang kutis mala-porselana. Di man sie sa ingon nga itom ko, its just that (uy english napod) mestisa siya ako pod Pilipina. Pero di naman na importante diba? Basta ako cute sa personal pero di sija.😂😂

"Wa gajud moy mga lingaw no?" sukmat naho nila. "Bisan unsa nalaman gajud injo mahuna-hunaan nga kabuang."

Imbes na manggajo ug pasaylo, misamot na noog pangatawa ag mga demonyo! Meoowk!😾😾😾

"Suko ka teng?" pangotana sa ako ni Frauline.

"Wa teng. Giuwagan ko teng."

Kita nang wa ko ganahi sa ila performance, mangotana pa gajud? Arroyy deduction! Angay ni sila pakaltasan ug sweldo ni Madam Barbara ba.

"Sakit baja uy. Bawsan kuno mo nahu di ba mo masuko be?"

"Sakit? Aww, wawa naman si Baby Bridgette, nakaigit."

Pagkahuman na pagkahuman gajud ug sulti niadto ni Quando, mura gajud silag gisaniban ug way tomong nga espirito. Maju untag mga dajun mog kabuang! Mga pashneya, di mo mga cute sa personal! AKO RA! 😡😡

Naanad nako nga ing ana silang duha. Kamo ba kaha mag uban ug pila na ka tuig, di pa ba kaha nimo sila makaila? Sukad pa niadtong elementary pami hangtod karong mogradwetay nami. Oh, ing ana nami kadugay nga magkaila, magka-amigo amiga.

Si Frauline ang type sa baje nga kaingon kag inosente pero deep inside daghang kabuang. Dili ka makaingon nga may pagkakolongo ni siya tungod kay gwapa kini pero dili siya ingon nga may pagkakikay kay medyo boyish ang ija get up. Pero bisan pag dili sija girly mananina kay astig man siyang tan awon ug molutaw gayud ang iyang pagka gwapa kay tungod pution man lage siya. Paibog! Sagdi ra, maglaklak rakog usa ka baril nga gluta. Tan awon ta! Ha-ha-ha.

Si Quando pod ang #NumberOneKolongo sa among klase. Siya ang among valedictorian sukad pa niadtong elementary hangtod karon kung asa anaa na kami sa kinauwahiang ang-ang sa among grado dinhi sa high school. Lahi kang Frauline, si Quando ang type sa taw nga bisan pa ug di motingog kay mahibaw an na dajun nga kolongo bisag tan awon lang siyang galingkod o gabarog. Mura siyag lalaki nga version ni Gemma VillaBuring, usa ka hosttess sa bar nga nabuang, tungod kay magkalit kalit lamang kini ug sugmat. Sabaan kini to the highest level nga kung kini na ang magsugod sa kabuang, apil ang tibook klase sa Apolinario Mabini murag naka-intake ug drugs. Once nga matakdan ang usa sa ako mga classmate, wala ray pila ka minuto halos tanan na ang musugmat. Kusog ug epekto kinis Quando. Mura siyag carrier sa usa ka epedimic virus nga murag sa salida nga Trip to Bugan bato o Trip to Bulacan. Na basta kay zombie zombie nang salidaha. Ing ana kaayo kapaspas ang pagtakod.

Sa tinuoray lang wa man ko nasuko sa ila gibuhat. Lisod na man gud kung di ka makasakay nila kay ikaw man pod ang masakitan ug mabug atan. Maajo nang di nalang nimo dibdibon. Besides, pare-pareha ra man ming tanan sa amo klase. Kabuang sa usa, kabuang sa tanan. Except lang sa mga KJ. Ambot uy kung nganong naa pay KJ nga gipanganak. Unsa kahay gama nila sa ila life no? Mingaw sie kaaju. Okay ra man sie nga panagsa magpaka-KJ ta, pero kanang panindigan gajud ang pagka-KJ mura mag poisonous na. Aw, toxic. Di, agilus. Sagittarius, omnibus, way olos, dangerous. Ambot uy! Samoka sie ning nagsuwat ani. Libog libogon paman gajud ang libog na daan. Basin naay gisalinggan di ra ba mga cute sa personal ag kahaan.

Sa ginaingon ko na, wala ko masuko nila Quando ug Frauline. Naga-wonder (char! Wonder woman, uwagan!) lang ko kung ngano ila tong gibuhat. Aho daw pangotan on.

"Hoy, ngano diayng injo ko gibuno?"

Milingi sa ako si Frauline nga pasingkit ang mga mata. My gosh! Annabelle, ikaw ba yan?

(Tweety's Note: Oh, si Annabelle na. Ipatokhang naka nahu kay sobraan nakas kasabaan. 😂😂😂)

Hala. Hala. Hala! Hala! Jusko santisima. Makasampit man pod tas mga kalag ug way oras sa kalaki aning Frauline.

Pagkahuman nakog tawag sa iya, mikalit lamang siyag barog ug mihinay hinay ug dool sa ako. Mura bag salida nga ako tahay ang bida nga gihinay hinayan ug dool sa killer nga adunay kutsilyo sa ijaha kamot. Mosinggit na unta kog balig wamport sa kalit nga pagdool ni Frauline sa iya nawng sa ako. Pero--

"Why?"

Pashneya!! Mura kog kautason sa sobrang kakulba pero mao ra diay to?
Grabe gajud ug topak ning bajeha!

"Pashneya ka! Abi man laman pod nahug unsaon nako nimo pero imo ra diay ko pangotan on ana?"

"Ngaman?"

"Gahuwat pa kog basin imo kong kit kiton!"

"Kung naa man gani taw nga angay mokit kit sa imo, di ako. Di si Quando, Juanito o si Matet. Si--" hunong niyag sulti.

"Kundi imong pinakamamahal nga si Farrel," sawsaw ni Quando sa amo istorya. Daghan gajud ug talent nis Quando Bumperdinck. Kung di magbinuang, kalit kalit lamag sulpot nga di mahibaw an.

Sa pagkadungog nako sa ngan ni Farrel, feeling nahu mura kog nakalibang. Di gajud ko ganahan sa ila kabuang nga sugsogon mi nila duha. Ambot kung ngano.

"Ajaw mog ing ana uy."

Kahibaw kung di angay nga moreact ang ahong lawas sa ila sugsog kay tungod wala man poy dapat reakan. Pero por the pers time in the history, nakafeel kog kainit nga kusog ag pagdagan nga misuksok bisan sa kinagamayang ugat ug parte sa akong tibook kalawasan. Feeling nahu namugnaw aho kalawasan pagkahuman niadto.

Unsay boot pasabot diato?? Ahh. Basig senyales ra to nga dako ag ahung disgusto sa pagpanugsog nila sa akoa ug ni Farrel. Nga di mosugot ahung kasingkasing ug utok nga siya ang idutdot sa akoa.

Pero dili lamang ang kainit nga nagdagan dagan sa ahung tibook kalawasan ang ahung nabati. Mura kinig adunay kaubang gagmay-gagmayng kuryente.

"Hi guys!"

Milingi ako sa gigikanan sa tingog. Sa akong paglingi, nakit an nahu ang grupo sa mga lalaki namong mga klasmate na gipanguluhan ni Olong. Kauban niya ang pito pa. Sila Dogmok, Peping, Lauro, Abay, Madmad ug si Oscar.

Apan wala kanila ang ahung panan aw. Mideresto kinig lagbas sa usa ka taw nga nagbarog sa ila likoran ug didto nako nakit an si Farrel nga nakatan aw usab sa akong direksiyon.I

Sa ako o assuming rakong sa ahu sija nag-tan aw? Basin ug dili. Gilingi nahu ahu kilid apil ang likod. Walay laing tawo. So, usa ray gipasabot? Sa ako siya nagtan aw? Oh no!

Nganong feel naho naay di sakto? Mipijong ko kadali. Pagbuka naho nakita nahu ang mata ni Farrel nga galantaw sa ako. Eye-to-eye kumbaga.

Sa di nahu mapasabot nga feeling, mura kog namugnaw balig kinse ka degrees paubos. Nakafeel pod kog kusog nga pagpitik sa akong kasing kasing na anaay kauban nga kusog nga dagan sa kuryente sa akong kaugatan.

Unsa kining gibati ko? Wa man ko magkagusto nija di ba? Pero nganong feeling nahu nga nagblush ko?