أحببتك منذ الصغر

البارت 1..

مسائكم يااس وورد جوري ..
مشتاقون حبايب ..
أحببتك منذ الصغر
البارت 1
بقلمي روسكان
لبيج قصص روسكان
الساعه 8الا ثلث گعدت اليوم متأخرة دوامي صباحي اخواني بالدوام وبابا همين وبيبي نايمه والخط عايفني لان تأخرت عليهم ..
طلعت بباب البيت ..بيتنه ع شارع عام بس ممتعوده اخذ تكسي وحدي ظليت واكفه وافر باذاناتي بس لازم اروح للمدرسه لان عندي امتحان يعني مو مال اضرب الدوام اليوم ..
اجاني صوت من ورة باب بيتنه ..
هاي شموكفج هنا ..
سررررمد ايييييييه الله جابك ..
ها شكو ؟
عفيه حباب كعدت متأخرة وعافني الخط وعندي امتحان وصلني للمدرسه ..
اهوووو سيارتي بالتصليح ..
لعد اخذلي تكسي اكيد انت هم رايح لدوامك مو مبدل ..
اي اكيد رايح للدوام بس خابرت شجاع ياخذني وياه للدوام وهسه هو ع جيه ..
خلص لعد وصلوني وياكم قبل لاترحون للدوامكم ..
اوك ..طبي بالطارمه بين ميجي ..
ليش عود ؟
لعد شعدج باقيه هنا يتفرج عليج الرايح والجاي ..
يووووه شكد غثيث ..
ولج منو هذا الغثيث ..
اني حبيبي اني ..
طبيت جوة بالطارمه ..
عدنه مغسله وصحيات كامله برة باوعت لنفسي بالمرايه عدلت تنورتي ..
جنت لابسه قميص ابيض وتنورة قصيرة للركبه لونهه نيلي زي مدرسه وجواريب بيض جوة الركبه وحذاء نيلي فلات رغم ماحب الفلات بس ممنوع نلبس كعب
قوانين مدرستنه ..
ماجنت محجبه شعري طويل من الرابع ابتدائي واني ابد ماكصيته ..
جنت اضفرة ضفيرة عاديه ويوصل طوله جوة خصري يعني لنص الورك تقريبا ..
لونه بلون الشهل بني فاتح لاهو بني ولاهو اشگر بس من يضرب عليه ضوة الشمس يصير ع شگار هو هذا لون الشهل ..
عيوني رصاصي ..بياضي يلهث ..مابالغ من اكول حلوة بخبال ..
دقايق واجتي سيارة صديق اخويه ..
طلعت من صاحلي سرمد ..
سرمد ..اجاني شجاع نزل من السيارة سلم عليه هو مو بس صديقي اخويه وعضيدي ونداوم سويه واني قنعته يدخل كليه عسكريه مثلي وصرنه نداوم سوة بس رتبتي جانت اعلا من رتبته ..
شجاع ..صباح الخير ..
سرمد ..هلا بالمنقذ مالتي ..
شجاع ..لايابه شدعواك ..اجيك ع راسي ..
سرمد ..سالم راسك حبيب ..اليوم عدنه نفر زياده ..
عقدت حاجبي ..ها منو راح يجي ويانه ..
سرمد ..يقونه ..كاعده متاخرة وعايفهه الخط ..
باوعت لساعتي 8الا ربع ..
شجاع ..دوامهم ب 8غير ..
اي اي ..
لعد صيحهه يله ترة متاخرة حيل ..
يقين ..صاحلي سرمد واني بالطارمه طلعتله ..
صار بوجهي شجاع ..اعرفه صديق اخويه ومو اول مرة اشوفه بس صارلي هواي مشايفته ..
كبران وشكله ناضج هو اسمر بس مملوح وخدوده متروس غمازات بس مجرد مايبتسم تطلع غمازاته واضحه ذيييج هيه والشعر اسود ليل عالي وواگف واللحيه خفيفه محدده ..
حيييل متغير ..هي نظرة وحده بس باوعتله بس جانت نظرة اعجاب ومصدومه بتغييرات شكله ونضوج جسمه لان جان ضعيف طويل هسه بعده طويل بس تارس وتارس بتناسق يعني مثل واحد يلعب حديد هيج تخيلته من صدرة وظهرة العريض ..

ابتسمت ابتسامة خجل وهي تحيه ..نصيت ..كلت ..
صباح الخير ..
هو هم ابتسم تحيه اليه ..ورد ..
صباح النور ..يله صعدوا ..
فتحلي سرمد الباب وصعدنه ..كعدت ورة اخويه ع الجهه اليمنه ..
بدة يسوق السيارة قاصد يوصلني لمدرستي ..فتح راديو السيارة اغاني فيروز من الصبح ..
شايف السماااا شوبعيده
اد السما بحبك
شايف البحر شو كبير
اد البحر بحبك
اخويه گاله ..
اموت واعرف منو هاي التحبهه ..
عقد حاجبه ..
منو كالك احب ؟
كلما اصعد وياك تفتح هاي الاغنيه ..
صدفه والله ..
اييييي صدكتك ..
ولك ناقص الا احبلي وحده ياله اسمع هالاغنيه ..
تجادلوا ع اغنيه فيروز وسكتوا ..
انتبهتله يباوعلي صفح مثل واحد يسرق نظرات جانبيه اليه لان ماجنت ضمن حدود الرؤيه من مرايته الي هي مرايه السيارة لان مجنت كاعده وراه ولا بالنص ..
شجاع ..اجيت اريد اخذ سرمد وياي للدوام لان خابرني الصبح كالي سيارته بالتصليح فاتفقنه امرله للبيت علمود اخذه وياي للدوام..
اتفاجأت كالي عدنه نفر زياده ..منو .. اخته يقين ..اعرفهه وشايفهه بس من زمان مشايفهه ..
گمر طلعلي من البيت ..
باوعت وطولت النظرة واستحيت من نفسي وصاحبي ونصيت ..
جمالهه سحرني ..عيونهه جريئه ..انتبهت عليهه هي هم طولت نظر اليه ..يمكن متوهم شلون هيج وحده بهيج جمال تباوع لواحد مثلي ..اني اكول ع روحي اجكم مزنجر لعد هي شتكول ..
صعدت ليورة وصارت ورة اخوهه وصرت غصب عني اسرق نظرات جانبيه الهه ..
مو ضمن مجال الرؤيه بمرايتي فكمت بحجه احجي ويه سرمد ادير وجهي ناحيته وهي صايرة وراه اسرق نظرات الهه ..
هاي الي جنت اوديهه واجيبهه من المدرسه  اني وسرمد بعمر 6و7سنوات ..جانت ثاني ابتدائي واني جنت اداوم سادس علمي ..
جنت اشتريلهه الجبس والموطا والعلج واعارك وياهه لوتعاركت ويه البنات واهد ع الولد لو تحارشوا بيهه او واحد بيهم اذاهه ..
كبرانه وصايرة مرة وشنو من مرة ..الله يساعد گلبي يمكن وگع من اول نظرة ..انخطف مني ..خطفت مني گلبي ..
جانت لابسه تنورة نيلي للركبه ومن هي ...

أحببتك منذ الصغر
تكمله بارت 1
من جانت كاعده كل شويه تسحب التنورة ..
صح لابسه جواريب طويله بس مواصل طول الجواريب لحد طول التنورة ..
الأن بتوين قطعه بيضه طالعه ..
وترني بياض السيقان ..كمت بالگوة ابلع ريك واسوق مو شهوة بس ضجت هالبياض متاح للناس ..المثلهه تبقه بالبيت وتنحفظ بالبوفيه مثل اي شي غالي وثمين ..
جان مبايلي عالصندوك البين الكرسيين الاماميات لمحتهه سحبته بخفه لجهازي وعبالهه ممنتبه ..
شفتهه سجلت رقم وماعرف شسوت بعد ورجعته لمكانه ..
تقدمت ليكدام وكضت اخوهه من كتفه ماعرف شنو شاورته واني عين ع طريقي والسياقه وعين ع ايدهه القريبه مني صارت ..
جانت لاغفه اكمام قميصهه لنص ايدهه للمرفق يعني والطالع هم ابيض وهلب الشعر بضوة الشمس يطلع هلب اشگر ..
دوخني الشگار ودوختني الضفيرة الشهله الطويله ..
وصلتهه للمدرسه سلمت ودعتنه ونزلت تتمايل بالخصر بدلال وشلون لايكلهه الدلال والتنورة زايدتهه جمال فوك جمالهه ..
نزلت واخذت گلبي وراحت ..
وصلنه احنه لدوامنه ..
بس نزل سرمد اني مانزلت كتله عندي تلفون مهم اسويه والحكك ..
اخذت مبايلي فتشت بي توقعت داكه ع رقمهه من جهازي بس ماكو ملگيت شي يمكن داگه وماسحته ظليت بشك دوختني هاليقين ..
رحت للصور والرسائل ماكو شي ..
ضجت ماوصلت لنتيجه ولا حصلت شي ..
دحست المبايل بجيبي ونزلت بوجهي لمكتبي ينتظرني شغل يابو شغل ..

للحكايه بقيه ...

رايكم بأول بارت وتو قعاتكم للبارت الجاي ..
تطلبوني بعد بارت اليوم تعريف للشخصيات