أحببتك منذ الصغر

البارت 14..

البارت 14
أحببتك منذ الصغر
بقلمي روسكان
لبيج قصص روسكان
يقين .. ثاني يوم شجاع التحق بدوامه بعد ليله من الخيال واني بلشت اجهز صرت اطلع للسوك من بعد الدوام واستغل اليوم الي بعد الخفر لان يطونياه عطله ودائما جانت اكو بنيه دكتورة وياي اسمهه ليلى هي جانت تطلع وياي تقاربنه بالفترة الاخيرة وصارت صديقتي وتقاربنه اكثر من سولفتلهه قصتي وخطوبتي من الانسان الحبه گلبي ..
صرنه امي ودكتورة ليلى نطلع سويه ومرات تجيني للبيت عرفتهه ع بيبي وخاله ام وليد الي ماعافتني ابد الله يطيهه العافيه ..
خلصن اليومين ونزل شجاع من دوامه طبعا المخابرات بيناتنه مستمرة بس اني هاليومين حيل تعبت بين دوام وفرة السوك وهوسه وركضه ..
من نزل اوتماتيكيا اخذت اجازة يومين كولهه بالمستشفى استغربت شلون يقين تاخذ اجازة لان اني حيل ملتزمه بدوامي حته من اتمرض اداوم هاي من غير الخفر الي اتبرع اسد شاغر عن غير طبيبات عدهم ظروف معينه بس هذا الوضع انتهى هسه بعد ماكو سد شاغر غيري بالخفر شجاع يموتنه كتل وهنا كولهه عرفت اني انخطبت وكولهه اجتي باركتلي ..
من نزل شجاع رحنه عقدنه محكمه وطولت يومين جان يكدر شجاع يخليهه تخلص بيوم واحد بس راد يقضي اكثر وقت وياي اول يوم سوينه فحص طبي وبين ماخلصنه صار الظهر ووداني مطعم تغدينه سوة ومن بعدهه رحنه للسوك اشترينه النيشان لان مجان مشتريلي بس الحلقات وبعد اشتريت اشياء من نواقصي وتجهيزات العرس ..
ثاني يوم لا عاد تم وعقدنه عقد محكمه واخذني للبيت متحضرين لجيتنه ومسوين غده لكيت خالتي ام شجاع ومريم هي وجهالهه وزوجهه موجودين وشجاع ذبني ببيتهم وراح جاب بيبي وخاله ام وليد
وتغدينه كولنه سوة ..
ورة الغده صعدني شجاع اشوف الشقه مالتنه ..
غرفه ضخمه بداخلهه صحيات وهول ومطبخ وغرفه صغيرة كالي هاي نسويهه غرفه الطفل ضحكت ببراءة لكولشي مخطط ..
طبعا هالفترة ماخلت من وكاحات شجاع بس ماتعده وياي حدود البوسه ..
بيومهه تونست ويه مريم وخالتي وحته زوج مريم حباب وآدمي .. 
قضيت احلا 4ايام بحياتي ..
ثاني يوم التحق شجاع لدوامه ..
صح ميعوفني دوم اتصالات بيناتنه حتلو مشغول يتصل ويسأل بس صرت اضوج من يلتحق ماشوفه يصير بعيد عني وبنفس الوقت اخاف عليه ودوم ادعيله ربي يحفظه اليه ولايحرمني منه ومن حبه وحنانه ..
مرت ايامي عاديه بين دوام وسوگ وشجاع فد يوم دخلت للبيت لكيت بيبي صايرة نار كبرا سألت خاله ام وليد شبيهه بيبي گالت سرمد وسكتت راحت للمطبخ لحكتهه كتلهه شكو شصاير .؟
كالت ..
ابن عمج جلال موصل خبر لاخوج سرمد انو انتي انخطبتي واتصل ع بيبيتج .. ومن عرف منو خطبج تخبل ع بيبيتج ويتوعد بيج ..
هه هستوة تذكر سرمد عنده اخت وبيا عين يحجي ..
طول هاي المده ماجبت طاري اهلي خلي اسولفلكم شويه عن علاقتي بيهم ببساطه ماكو اي نوع من انواع العلاقه بيناتنه لغيتهه اني منقطعه ..
لااخابرهم ولايتصلون عليه من اول مرة ضربني بيهه كرار وهو جان سكران ورحت وشكيتلهم ماطوني وجه وبعدين من قرروا يسافرون وردت اتطلك واطلع وياهم ماقبلوا كالوا محد يفيدج غير رجلج مردج لبيت رجلج وكلمن اخذ زوجته وسافر لامريكا وابويه وياهم واياد ..
يمكن اياد هو الوحيد الجان حاس بيه ومتعاطف وياي بس جان ع وجه كليه واكيد مستقبله اهم مني ..
ببساطه ..عافوني ..ليش هسه جاي سرمد يحاسبني ليش انخطبت لصديقه وماكتله ..
اعرف سبب رفضه ..ادري بكرار النذل شوف صوري ويه شجاع لاخواني ..اني حبيت ماجرمت ولازنيت جنت اكدر انجرف ومحد يدري مجان احد يحاسبني ذاك الحساب ع الطبه والطلعه بس اني مسويت شي غير لزمة الايد وموقف السيارة بهذاك اليوم جانت اول واخر مرة تصير ..