البارت 19
أحببتك منذ الصغر
بقلمي روسكان
لبيج قصص روسكان
ثاني يوم العصر حجزنه عد طبيبه اعرفهه ووصل الي السرة ودخلت ..
سلمت عليه سلام حار كامتلي وتباوسنه ..
كالتلي سولفيلي شبيج من شنو تشكين ..
سولفتلهه كولشي .. حته من يتقربلي زوجي شيصير بيه ..
والالام الي احس بيهه بظهري ومحالبي ..
كالت احتمال عندج جرح ..
ردت اشوفهه التقرير القديم مالتي الي كتبته الي الطبيبه من دخلت مستشفى من 8سنين مالكيته بجنطتي ..
ناسيته بالسيارة ..
سولفت للدكتورة ع وضعيتي وكتلهه صارلي شهر ونص مزوجه وطول هاي الفترة بكل مرة يتقرب بيهه زوجي اليه منتبهه ماكو دم ..
صفنت كالت يعني غشاء البكارة مطاطي ولسه ممفضوض ..
كتلهه اي ..
سالتهه شسوي بهاي الحالة حته زوجي ميدري بوضعيتي ومااستغرب الموضوع لان هذا ثاني زواج اليه ..
كالتلي ماكو داعي تخافين من شي اذا غشاء البكارة صدوك بعده موجود فراح ينفض بالممارسه او الولاده ويمكن مفضوض وانتي متدرين لان مو شرط يطلع دم بلون الدم ممكن لون هيجي ع صفار وانتي ممنتبهه ..
كتلهه يمكن ماعرف ..
كالتلي افحص واتاكد افضل شي وبعد احتاج منج تحاليل لان شاكه بشي والم محالبج ممكن يكون التهاب محاري بوليه او وجود حصوة بالمحالب ..
سألتني ع اخر شهريه اليه ماتذكرت تاريخهه بالضبط بس اتذكر قبل زواجي باسبوع اخر شي وبعد مااجتي من تزوجت ..
من كالت حصوة بالمحالب خفت بس الم الحصوة مو هيج اقوى يصير والالم الي احسه اكدر استحمله ..
المهم طلعت سويت تحليل دم وتحليل ادرار وبعد نص ساعه رجعتلهه ووياي نتائج المختبر ..
هنا عرفت روحي حامل وعندي التهاب مجاري بوليه قوي الحمدلله ماطلعت حصوة بالمحالب ..
طيتهه نتيجه التحليل واكدت كلامي الي يخص الحمل والالتهاب ..
واضافت انو الطفل بالضبط عمرة 5اسابيع وحملي ضعيف لان تعبانه ..
كالت لازم راحه لحد 3اشهر بين ميثبت الحمل وكتبتلي تقرير طبي علمود اكدر اخذ اجازة من دوامي ..
كالت اصعدي ع السديه صعدت سوتلي فحص داخلي مثل ماتوقعت الغشاء بعده وكالت عادي مو مشكله الولاده تفتحه وكالتلي رجال ماكو منا لمن يثبت الطفل ..
كتبتلي وصفه علاج لالتهابي وشددت ع انو اشرب مي هواي اجبر نفسي ع شرب المي لان اهم علاج لالتهاب المجاري البوليه هو المي واطتني مقويات فولك اسيد والراحه ثم الراحه ثم الراحه ومن باجر لازم اروح للمستشفى واخذ تقرير الطبيبه علمود الاجازة ..
اخذت الادويه من الصيدليه ورحت عبرت الشارع جان شجاع منتظرني بالسايد الثاني ..
واكف خارج سيارته ومرتجي ع باب الصدر منتظرني ..
شفني ابتسم ..بشري ..
شبشر ..التهاب مجاري بوليه ..
بس ..؟
شو مستهين بالتهابي ..
لا سلامتج ..مو القصد بس عبالي شي ثاني ..
جبتي الدوة ؟
اي هذا جبته ..
فتحلي الباب صعدت السيارة واني كوة كاتمه ضحكتي بس معقوله شجاع منتظر خبر حملي ..
معقوله هو منتبه ومحسب هيج حساب واني ماخطر ع بالي ابد اكون حامل ..
كعدت باوعتله مبتسمه ..
كالي شبيج ؟
ماكو شي ..
بس ظليت مبتسمه ..
راد يشغل السيارة بس ظل يباوعلي واني مبتسمه بطل ماشغل السيارة ..
عليج الله كولي شكوو ..
ماستحملت ..
كتله ..حامل ..
بلع ريكه وكالي ..شنو ..عيدي ..سمعت صح اني ..؟
هزيت راسي ..اي سمعت صح ..اني حامل ..
اخذ ايدي باسهه وعصرهه مثل عادته ..
مبروك حبيبي ..ربي يكومج الي بالسلامه ..
يعني فرحان انت ؟
ههههههههه كووومه ..
رجع باس ايدي وكصتي ..
يله نروح للبيت نبشرهم لو بعد محتاجه شي ..؟
لا حبي ممحتاجه ..
شغل السيارة وحركهه جانت دنيا مغرب واخذلنه عشه من برة وكرزات وحلويات رغم عدنه والبيت ميخله ابد من هيج سوالف بس هو جابهن حلاوة هالخبر واني فرحانه لفرحته ..
وراح من بالي التقرير وينه يمكن شجاع شايله لو قاريه ماعرفت وينه ..
وصلنه للبيت ..طبينه وبشرناهم وفرحولنه وباركولنه حضنتني بيبي وخاله ظلينه نسولف شكالت الطبيبه وبشنو نصحتني والادويه ..
صعد شجاع يبدل ظليت اسولف شويه بعدين صعدت وراه اني هم ابدل ..
اول ماطبيت للغرفه جان خاتل ورة الباب سحبني من ايدي لحضنه صدري انصدم بصدرة حضنته من جتوفه ..
طبع ع شفتي بوسه غمضت عيوني وفتحتهن ..
احبك ..ومافد يوم بعتك ..
ماحجه شي ..باسني بكصتي ..
احبج ..منا وهيج ماريدج تعبين نفسج لابالدوام ولا بالبيت ..تديرين بالج ع نفسج ..
عندي تقرير من الطبيبه لازم من باجر اروح للمستشفى علمود اخذ اجازة مرضيه وكل فترة اجددهه لان حملي ضعيف ولازم ارتاح منا لمن يثبت حملي .
اوك تمام اني باجر اخذج خو متطولين ؟
لاء بس اقدم طلب ويوقعولي عليه ..بس ليش ؟
مو باجر عندي دوام ..اوديج وارجعج ومن بعدهه اروح لدوامي ..
عقجت وجهي ..
هاشبيج هيج انعجتي ؟
اكره دوامك ..
ابتسملي كال ادري حبيبي ..
وكالت الطبيبه رجال ماكو ..
يعني شنو ؟
يعني رجال ممنوع منا لمن يثبت الحمل ..
لالا هاي مو خوش سالفه ..ترة اني لاشفت ولاسمعت ولاشبعت ميصير هيج ..
مشكلتك ..منو كلك تحبلني.
تكمله بارت 19
هاهيجي صار الحجي ..
لعد شنو اسويلك غير دا ابلغك كلام الطبيبه بالحرف الواحد ..
خبيثه مو بيدج ..
وخرت عنه ..بدلنه ونزلنه نتعشه ..جو البيت مفرح والضحكه تارسته ..
للحكايه بقيه ..
اعرف بارت قصير مدا اكدر اجمع احداث بوقت قصير هو دماغ والف شغله بي بس نزولا عند طلبكم والفضول القاتل بارت صغيرون ..
أنت تقرأ
أحببتك منذ الصغر
عاطفيةقصه رومانسيه خياليه جريئه عن خسارة حب الطفوله والانتقام للقلوب المجروحه ومن ثم يلعب القدر لعبته ليجمع الحبيبين
