أحببتك منذ الصغر

البارت 24الاخيير

البارت 24 الاخييير
أحببتك منذ الصغر
بقلمي روسكان
لبيج قصص روسكان

فتحت عيوني ..نايمه ع سرير بالمستشفى ..الم فضيع ببطني ..وكانوله بيدي ..
فوك راسي جان واكف سرمد واحمد ..
اول مافتحت عيوني ..
حجيت بتعب ولهفه ..
شجاع ..
ضحك سرمد ..
كلي بخير لاتشيلين هم والعوض بسلامتج وسلامته ..
عقدت حاجبي يعني شنو ..
تذكرت الدم وحالتي ووگعتي ..
حطيت ايدي ع بطني ..
الطفل ..
كالي احمد ..راح العوض بسلامتج ..
نزلت دموعي لا اراديا ..
طبت خالتي باستني براسي وتحمدتلي بالسلامه ..
خاله وين شجاع ..
موجود بغير غرفه ..
وشلونه ؟
برحمة الله ..
اريد اشوفه ..
سرمد كلي ارتاحي شويه وبعدين تشوفينه ..
كتله لا هسه ..اريد اشوفه هسه ساعدني اكوم ..
ساعدوني احمد وسرمد استندت عليهم كوموني ..
تمشيت ع كيفي همه سانديني وخالة تمشي كدامنه ..
باوعت لاحمد كتله بيبي شلون صارت ؟
زينه ..تعدت مرحله الخطر يومين ونطلعهه ..
الحمدلله ..
وصلت للغرفه النايم بيهه شجاع ..
طبيت عافوني وحدي ..
شفته منظرة مخيف ..صدرة كوله لافيه بلفاف وكتفه همين ملفوف ..
جرت دموعي تقدمت اله همست بالم ..
شجاع ..حبيبي ..شجاعي ..
فتح عيونه ..
ماهتميت لكولشي دنكت عليه اخذت راسه بين اديه وحضنته ..
كمت ابجي بصوت عالي ..
حبيبي انت عايش ..الحمدلله ..الحمدلله ربي ..
حضني بس ع كيفه ايده صارت ع ظهري ..
يقونه ..
ياعيون يقونه وروحهه وعمرهه ..
خنگتيني ولج ..
ضحكت من بين دموعي وابتعدت شويه وبوست گصته وخدوده وشفته وعيونه وخشمه وجهه كوله وهو يتبسم حته المبسم مالته يوجعه ..
حط ايده ع صدرة اخذ نفس عميق ماكدر صاح ..
آخ آخ ..
عساهه بيه ..سلامتك حبيبي ..
اشششش لتحجين هيجي ..
ولج صدوك من الهبطه عليه راح الطفل ..
مسحت دموعي كتله ..
اروحلك فدوة اني وابني وعشيرتي كولهه بس كون تكوم بالسلامه ..
ابتسم بتعب ..حبيبتي ..
سيارتج ..
فدوة الك ..
الله لايحرمني منك ..
ولامنج ..
جان وجهه اصفر وشفافه زرگ ..
حبيبتي عدلييلي المخده اريد انام .
عدلتله المخده وغمض عيونه ..
طلعت حاجيت الطبيب ع حالته كال شضايا هواي بجسمه ببطنه وكتفه طلعوهن والحمدلله مكانهن مو عميق بجسمه بس راح يتشوه منظر بطنه وبدايه صدرة لان هواي مكانات بيهه شظايا ..
كلت الحمدلله ع كل حال ردته بس يشتم الهوا ويعيش ..
رجعت لغرفتي ارتاحيت وكالوا شجاع يومين ويطلع ..
اني طرحت الطفل يله فدوة وقربان لحياة شجاع نعوضه ان شاء الله مانقهرت عليه گد مافرحانه بسلامة شجاع ..
بنفس اليوم الطبيبه طلعتني وكالت تريدني ارتاح وتغذيه زينه لان خسرت دم هواي وجهي اصفر بس اني ماطلعت ظليت يم شجاع مايهلي اعوفه وارجع للبيت ..
جان كلما ينام يفز خطيه من الوجع ومرات يون وهو نايم اعرفه موجوع واصيح الممرضه تطيه مسكن او تشوف شبي ..
نسيت وجعي وظليت اداري بي ايام اني وياه ننام بالمستشفى خالتي معافتني ولا اخواني عافوني يمكن طلعت مرة او مرتين رحت شفت بيبي طلعوهه قبل ايام وصحتهه احسن ونماء تداريهه ..
شجاع اسبوع وطلعوه وبعد 3ايام نرجع نفتح خياط عملياته لان سووله عمليه باكثر من مكان بنفس الوقت طلعوله الشضايا منهه ..
خالتي جانت محضرتلنه غرفتهه لان بي سرير ابو نفرين هم شجاع يرتاح وهم اني ارتاح واظل يمه واداريه ..
حبيبي ..بشنو تحس ؟
لزم بطنه وكالي ..
موجوع شويه ..
سلامتك يعمري ..
عدلتله الكانوله مالته وضربتهه بيهه ابرة مسكنه .. شوي حسيته ارتاح ..
نمت يمه ع الجربايه اخذت ايده بوستهه ..
احاجيه بكلبي ..
اني بنعمه ماجنت مقدرتهه .. ياربي شكد احبه ..
نزلت ايده من بين اديه وصارت ع بطني ..
صار يمسح عليهه ويتلمسهه ..
راح الكروش الصغيروني ..
ههههه اي ..
اكثر شي قهرني هذا ..
لاتنقهر حبيبي ..بس تطيب نسوي نونو جديد ..
هههههه ليش مو هسه ..
دروح وينك.وين النونو هسه ..
هااا تشككين بيه ؟
لاعيني ماشكك بس قصدي بعدهي عمليتك لازم تطيب اول ..
اي بس من اطيب الله مايخلصج مني ..
ههههههه علواه ..
يايااابه هلكد مشتاقتلي ..
واكثر ياعمري ..شعندي غيرك ..
اخذ راسي باسه وباس كصتي وبعدني شويه عنه وصار يباوع بعيوني واني همين صافنه ع عيونه ..
مترويني هالبوسه البريئه ..
ابتسمت ..اعرفه زين ميفوت هيج مواقف ..
قربني منه وباسني ..بادلته البوسه بحب وشغف واشتياق ذبت وذوبته ..
غمضت عيوني وسمحت لهل شعور الي كلما يتقربلي احس بي واسمحله يجتاحني مثل واحد نزل لبحر وميعرف يسبح بس هو مطمئن مراح يغرگ ..اي حبه بحر ومن يبادلني هالحب وهالعاطفه اغرگ بي وبعيونه وبحنانه ..اموووت وبلحظه احتيي ..
شگد فرقتنه الظروف والسنين بس
حبه قدري ونصيبي الي انكتب ع جبيني من يوم ولادتي ..
گالوهه وصدگوا ..المكتوب ع الجبين لازم تشوفه العين ..

انتهى
القصه من خيالي العبر البيهه هواي ..
البنيه مستقبلهه وسلاحهه شهادتهه ودراستهه مو زواج ورجال وطفل ..
الظلم مهما طال عمرة لازم شمس العداله الالهيه تشرق بيوم حته
رب العالمين كال ان مع العسر يسرا ..
والي يصبر ينول والي يحب بصدك الله سبحانه وتعالى يجازيه ع كد حبه وصبرة ونيته ويجبر بخاطره ..

انتهت في يوم الجمعه
الساعه 2:27 مساءا
18/2/2018