لك ما تشاء ، ولي أنت ، فَـ أنت كل ما أشاء❤️
..............
من منا لا يشعر بالملل عند الاستيقاظ فالصباح ظنا من انه سيكون يوم روتيني لا تغيير فيه ؟
..جميعنا نستيقظ بهذا الشعور يوميا عدا الايام المميزة لنا سواء ان كانت مناسبات ،او رحلات، او حتى تجمعات عائلية هكذا استيقظ "الرائد حازم شريف غانم" ابن وزير الداخلية بمصر و دائما ما يثبت جدارته بأنه يستحق بأن يكون ابنًا لرجلٍ صارم في عمله ف عندما تراه الناس ترى فيه صرامة أبيه و جديته في العمل و إتقانه له ...
إن اقتربت قليلا سترى به ايضا طيبة قلب و وسامة أبيه
..
كما تسميه والدته"شريف الصغير" يبلغ من العمر الثانية و الثلاثون عامًا شاب طويل قمحي اللون لديه بناية رياضية عندما تراها تتأكد من انه اما ظابط او رئيس عصابة شيئا من هذا القبيل لديه عينا والدته ذات اللون الرصاصي الفاتح يمتلك شعر اسود جميل و لكنه دائما يحلقه "يرى ان اهتمامه بشعره يعطل مهامه"
استيقظ في السابعة صباحا ليقوم بروتينه اليومي و لكنه يشعر بالحماس ولا يعرف لما !!
حازم: هو في مناسبة انهاردة و الواحد ناسي ولا ايه ..يلا جت علي المناسبة دي قال يعني بفتكر غيرها..
نزل ليجد والدته و ابيه يجلسان علي مائدة الافطار يتناولان الفطور سويّا ..
شريف:م لسة بدري ي سيادة الرائد
حازم:م انا عارف انه بدري بس قولت الحقك قبل م تروح مكتب الرئاسة
شريف: طبعا ست الكل متعرفش تنام غير لما تحكي لابنها كل حاجة؟! "مشيرا الي امل"
أمل "ترفع عينيها لأعلى" : مش ابني افضفض مع مين يعني ي شريف و انتو طول اليوم سايبني كدة
شريف: سايبينك ايه ي دكتورة خلاص كل محضراتك ف الجراحة خلصت و فضيالنا يعني
امل:صح عندي محاضرة بعد ساعة الا تلت هروح علي سكتك اهو نتكلم كلمتين ع الصبح
حازم:ايوا ي عم عايزة تستفرد بيك
شريف: انت هتستظرف ي حازم قوم شوف شغلك يلا
امل في نفسها" وهو بيشوف غير شغله اصلا"
حازم: الا هو في حاجة انهاردة و انا ناسيها؟
أمل: لا ي حبيبي اشمعنا؟
حازم:لا ولا حاجة خوفت اكون ناسي حاجة كالعادة
أمل:هههههه لا مفيش ي قلب امك ..بكرة تيجي اللي تنسيك اسمك
حازم: مش حازم غانم ي ست الكل
أمل: كان غيرك اشطر "مشيرة الي والده الذي يرى مناواشات زوجته و ابنه الحبيب ككل يوم"
حازم:هههههه يلا الايام جاية و تثبتلك
"اومال الواحد صاحي متحمس علي ايه"
......
بعد انتهاء العائلة من فطورها ذهب كل شخص الي وجهته..
في "مكتب الرئاسة"
يقف الكثير من الحراس احتراما لشريف بيه
احد السكرتارية:صباح الفل ي سيادة اللواء
شريف: صباح النور محمود بيه ف مكتبه؟
السكرتير: في مكتبه يا فندم و في انتظارك
شريف: تمام
دخل شريف بعد سماح محمود بيه بدخوله و هو من مساعدين رئيس الجمهورية
شريف: ايه ي محمود جايبني علي ملا وشي يعني
محمود:موضوع مهم ي ريس والله و جايلي أمر اني اكلمك فيه شخصيا
شريف: خير اتكلم
محمود: انا هدخلك في الموضوع علطول دلوقتي احنا بقالنا فترة بنعالج سيادة الرئيس من التهاب في الامعاء و الالتهاب في مرحلة خطيرة جدا دلوقتي لاعتماده علي الحقن في الفترة اللي فاتت دي و الدكاترة أكدو انه محتاج لعملية زرع امعاء ف اقرب وقت..
شريف:قلقتني ي محمود طب م نعمله العملية محتاج حراسة يعني؟
محمود: لا ي شريف بيه فتح دماغك معايا انت شايف الجو ف البلد عامل ازاي و عارف ان ناس كتير مستنية اي وقعة للريس عشان يستغلوها ازاي هيغيب لوقت العملية غير انها بتحتاج ب التلت اسابيع عناية بعدها؟!
شريف: ده معناه اننا هنضطر نعمل العملية بمنتهى السرية و طه "مساعد الرسمي لرئيس الجمهورية" يمشي البلد ف الفترة دي
محمود:كل ده مقدور عليه المشكلة عندنا ف ان العملية دي متعملتش في مصر قبل كدة و منقدرش نسفره برا لان الموضوع هيتعرف ف ساعتها..
بس عندنا معلومات عن دكتورة هنا في مصر لسة عاملة عملية لمريض بنفس مواصفات الريس من فترة قليلة بس في مستشفى الملك فيصل برا مصر
شريف: و طبعا محتاجينها تعملهاله هنا
محمود:طبعا
شريف: و الحل
محمود: انهاردة المغرب لازم نكون عملنا اجتماع مع خيرت "رئيس المخابرات المصرية "و نحط خطة بسرعة للعملية دي
شريف:لازم انهاردة نكون مخلصين
محمود: ان شاء الله ... نتقابل اخر النهار
شريف: بإذن الله
.......
في مكتب "حازم شريف غانم"
يعمل بجد علي ملف لقضية امامه منهمك في كمية الورق التي تقريبا تغطي مكتبه بالكامل!!
يدخل صديق طفولته "يحيى" و هو ابن لأحد القادة العسكريين و يعملان سويا منذ تخرجهما
يحيى: صباح الفل ي احلى رائد في الدنياااا
حازم: اولا صباح النور
ثانيا أم الباب قولتلك خبط قبل م تدخل زي الناس الطبيعية
ثالثا خش عليا بطلبك من غير احلى رائد و ابن قلبي و الجو ده
يحيى:يخربيت فقرك ي شيخ الجد هياكل منك حتة
حازم"بنظرة استحقار و سخرية":ونبي لخص عشان انت عارف اللي ورايا
يحيى:عايز نطلع رحلة انا و انت نغير جو شوية
حازم: م لسة كنا ف رحلة يبني
يحيى: ايوا عندك حق هو الواحد هيطلع رحلة كل ٤ سنين ولا ايه تبذير وقت اوفر بصراحة
حازم"بنفس نظرة الاستحقار و السخرية": عايز تروح فين ي باشا
يحيى:شرم الشيخ نقعدلنا اسبوع بس و ممكن نقول ل ياسر " الأخ الأصغر ل يحيى" ييجي معانا
حازم:طيب هشوف مواعيدي و اقولك ينفع امتى
يحيى:حازم متخنقنيش ..جو الجد و الشغل ده مش معايا ده علي الغلباينين اللي عندك انا حجزت اول الشهر اللي جاي ظبط نفسك " و هو يفتح باب المكتب ليغادر" good luck bro"
حازم: جود زفت علي دماغك "عيل مجنون "
....
في اجتماع مكتب الرئاسة الذي كان يضم رئيس المخابرات خيرت و محمود و شريف فقط ف هم يعلموا انه كلما زاد عدد العالمين بالامر تزداد الخطورة .
محمود: طب ي بشوات احنا دلوقتي عندنا الدكتور و معندناش فريق طبي ولا غرفة عمليات مجهزة ولا خطة نخفي بيها العملية
رئيس المخابرات خيرت بيه : تمام احنا جهزنا تقرير لحلول التلت مشاكل دي.. بالنسبة للفريق الطبي ف احنا فضلنا انه يكون فيه مدام أمل زوجة شريف بيه كإشراف عام ان العملية بتتم بدون تدخل خاطىء لمحاولة قتل لسيادة الرئيس و باقي الفريق فضلنا ان الدكتورة تختاره بالنسبة للدكتورة ف هي دكتورة كرمة لسة من سنتين تم تخرجها و كانت من اوائل كليتها و ده اللي أهلها انها تروح برا و تبدأ عمليات و بنت وليد بيه سيف الدين طبعا غني عن التعريف رجل البورصة الأول ف مصر و بالنسبة لغرفة العمليات احنا بالفعل بدأنا نجهزها و علي اخر الاسبوع هتجهز اما بقى بالنسبة للخطة ف احنا محتاجين مساعدة شريف بيه فيها
شريف: بالنسبة للحراسة ف انا جهزت ١٠ فرق كل فرقة فيها ١٥ واحد من افضل رجالة حراسة الريس و بالنسبة للعربية اللي هتنقل الريس ف هي متجهزة اكنها عربية اسعاف بس دي هتكون سودة بالكامل عشان متكونش ملفته للانتباه اما بالنسبة للكاميرات بتاعة المستشفى ف كلها هتتعطل معادا كاميرا غرفة العمليات اذا احتجنالها ف حاجة ..
خيرت:تمام بس في حاجة ي شريف احنا محتاجين مش نحمي الدكتورة و بس.. احنا محتاجين نخفيها انها تروح و تيجي علي مبنى الرئاسة و علي القصر هيوجه الانظار جامد ليها
شريف"بتفكير" : عندك حق و الحل
محمود:محتاجين نخلي مرواحها و مجيها ع الاماكن دي حاجة طبيعية
خيرت: و ازاي هنقدر نعمل ده؟!
شريف "بتفكير": تظهر بصورة قريبة للريس
محمود: م اللي حواليها عارفين انها متقربش حاجة للريس!!
شريف"بإبتسامة ثقة":بس تقرب لوزير الداخلية
محمود و خيرت بعد مدة ليستوعبوا ما يشير إليه صديقهم
خيرت: اوه واضح ان حازم غانم هنسمع عنه اخبار حلوة قريب
شريف "بنفس الابتسامة": قريب جدا ...
.......
ايه رأيكم في شخصية حازم ؟
توقعاتكم للبارت اللي جاي❤🌼
فوت و كومنت للبارت اللي بعده 💃💃
أنت تقرأ
süreç
Romanceأحُِبكَِ حد السماء. و السماءُ هنا ليست مُنتهيه فهى بوابةٌ لعوالم أخرى فوقها. لقد مَرَ حبي لكِ حدهم و ما بعدهم.🌸❤ Seni gökyüzü seviyorum Ve buradaki gökyüzü bitmedi, üstündeki diğer dünyalara açılan kapı. Aşkım sana yalnız ve öteye geçti.❤️🌸 ••••...
