süreç

part 5

‏كن قوياً . الأمور صعبة الآن ولكن سوف تكون أفضل في الوقت المناسب فقط أصبر !

صلوا علي رسول الله ❤

••••••••••••••••••••••••••••••♪••

يوم الجمعة اجازة كرمة الوحيدة في الاسبوع..
الساعة 6:54 وقت الشروق يرن هاتف كرمة اثناء نومها
كرمة: يا ربي حتى يوم الاجازة ربنا يوعدني باللي يصحيني و يعكنن عليا عملت ايه انا و سايبة الموبايل و بكلم نفسي كمان!
تنظر للهاتف لتجده رقم غريب
كرمة:استر يارب تعبت من المفاجأت الاسبوع ده
         السلام عليكم؟
الجهة الأخرى: و عليكم السلااام و رحمة الله و بركاته ايه الكسل ده يا دكتورة
كرمة:مين؟
الجهة الاخرى: معرفتيش صوتي حقك مسمعتيهوش قبل كدة في التليفون انا الرائد حازم
كرمة: ايوا معاك ي استاذ حازم  معلش انا اسفة والله
حازم: لا انا اللي الاسف اني صحيتك بس نسيت اقول لحضرتك اني محتاج اقابلك انهاردة الساعة ٨ نتكلم في حاجات مهمة
كرمة: نتقابل..خير في ايه؟!
حازم: اجهزي بس الساعة ٨ و في عربية هتيجي تاخدك بأمن و ياريت متاخديش امن تبعك انتي عشان محدش يعرف حاجة غير رجالتي
كرمة: طيب تمام يا حازم بيه اشوف حضرتك ان شاء الله
حازم في نفسه"دي هتبقى مراتي بعد يومين و بنتكلم كدة الله ع الجواز"
الساعة 8:00 صباحًا ..
يرن جرس بيت "وليد سيف الدين"
كرمة و هي تنزل من سلم الطابق العلوي جاهزة متأنقة في شكل جميل كالعادة ..

* موجهة كلامها الي الخادمة*:سيبي الباب انا نازلة
الخادمة:تمام يا دكتورة تحبي احضرلك حاجة و حضرتك خارجة؟
كرمة: لا الله يخليكي انا مش رايحة الشغل و انا هبلغ بابا و كريم بخروجي
الخادمة: تمام ي ست هانم
كرمة تخرج من المنزل لترى سيارة سوداء من نوع راقي و فردين من رجال الأمن
احد افراد الامن: دكتورة كرمة؟
كرمة: اه؟
الامن: اتفضلي احنا جاهزين
كرمة:  انتو هتمشو معايا؟
الامن: عندنا اوامر ان من انهاردة حضرتك متتحركيش بعدد أمن اقل من كدة.
كرمة"بتنهيدة": توكلنا علي الله ..يلا
الامن يفتح الباب الخلفي لها
الامن: اتفضلي
كرمة: شكرا
بعد وصول كرمة الي مكان بعيد استغرق وصوله ساعة وربع
كرمة"موجهة كلامها الي احد فردي الامن الذي يجلس بجوار السائق": ايه احنا فين معلش المكان عالي اوي!!
أحد افراد الأمن:اتفضلي اوصل حضرتك
كرمة في نفسها" هو مبرمجهم ولا ايه؟! "
نزلت كرمة لتسير خلف احد افراد الامن و يسير خلفها الآخر.
دخلوا الي منزل يتكون من طابقين يطل علي منظر جميل للقاهرة من مكان مرتفع يحتوي علي اساسات راقيه و ذات ذوق مرتفع تدل علي رقي صاحب هذا الذوق و مدى دقته في الاختيار و التنظيم.
صوت يأتي من خلفها: حازم بيه ذوقه يهبل مش كدة؟
التفت كرمة مسرعة الي الصوت لترى امراءة جميلة تبدو انها في اواخر عقدها الرابع ..
الخادمة شيماء :هههههه متتفجعيش ي ست هانم انا شيماء
كرمة: لا والله .. انا بس بحسب البيت فاضي
الخادمة شيماء: هو فعلا فاضي بس مش أوي انا و عيالي و جوزي بس اللي في البيت هنا دايما و حازم بيه بيجي من وقت للتاني يريح دماغه من الشغل و المشاكل
كرمة: اهلا و سهلا يا شيماء امال  فين اولادك مش سامعة صوت شقاوة يعني ولا هما هاديين؟
شيماء: هاديين ايه والله ده حضرتك اللي هادية اطلعي الجنينة و حضرتك تشوفي بيعملو ايه
كرمة:طب و استاذ حازم ؟
شيماء:استاذ!!
كرمة:ااه بحب  ارخم عليه و اقوله استاذ عشان مش بيحبها
شيماء:هههههه ربنا يخليكو لبعض انا عارفة اد ايه ذوق حازم بيه حلو بس معرفش انه حلو اوي للدرجة دي عشان يختار بنوتة قمر كدة
كرمة:الله يخليكي يا شيماء بعد اذنك هطلع الجنينة بقى
في الحديقة رأت كرمة حازم تغطي عينه قطعة من القماش و يظهر انه يبحث عن شئ ما!! لتظهر ضحكات اطفال يجرون في كل مكان لكي لا يعثر عليهم
حازم:سامعكم و هجيييبكم
كرمة تنظر له بتعجب لتقترب منه في نفس الوقت الذي أتى فيه احمد "احد ابناء شيماء" بجوار كرمة
احمد: انا هنااااا
ليجري حازم ممسكا بخصر كرمة يظنها احمد في ذهول و صدمة منها
حازم بعد ان لاحظ سكوت الجميع و ان الذي بين يديه ليست اكتاف احمد!!
يرفع حازم القماشة من علي عينه و لكن يده الاخرى مازالت علي خصر كرمة
حازم: كرمة!! جيتي امتى
كرمة : لسة جاية
حازم: و مجيتليش ليه
كرمة: جيت دلوقتي "و بهمس "و انت حاطط ايدك علي وسطي!!
حازم يرفع يده بسرعة في الهواء: اسف اسف معلش
اه اعرفك احمد و حامد عيال شيماء اكيد اتعرفت عليكي كانت مستنياكي اصلا
كرمة بإبتسامة تنظر للطفلين: اها اتعرفت عليا ... اهلا نتعرف بقى انا كرمة " تمد يدها لتسلم عليهم"
أحمد " في الثانية عشر  من عمره" يمد يده ليسلم عليها في اعجاب واضح: اهلا وسهلااا ايه القمر اللي نزل علينا ف الصبح ده
حازم: احممم "يضع يده علي خصر كرمة مرة اخرى محتضنها "
و كرمة تنظر له بإستغراب ليقترب من اذنها
حازم " بهمس": فاهمين اننا بنحب بعض و انا حاكي قصة هبقى احكيهالك كدة
كرمة متفهمة ما يشير اليه حازم لتضحك ضحكة مرتفعة جعلته يبتسم لمجارتها له
كرمة: خليبالك يا أحمد في ناس هنا بتغير عليا اوي و مش بتستحمل كلمة عليا
أحمد: م ليه حق بصراحة يا دكتورة ولا ايه يا حامد
حامد بضحكة جميلة لكرمة : انا حامد "يصل لكتف اخيه و لديه ١٠ اعوام"
كرمة : اهلااا وسهلا حامد بيه
حازم: ممكن اخد حبيبتي و ندخل ولا عايزين تعاكسوها تاني؟!
أحمد: اتفضلو بس متغيبوش عشان ماما بتسخن الغدا خلاص
حازم: تمام تحت امرك يا فندم ههههه يلا ي كرومتي جوا؟
كرمة بضحكة : يلا يا حازم بيه
"في مكتب حازم"
كرمة:كرومتي و حبيبتي ايه كل ده
حازم:فصليتني لما جارتيني بسرعة كدة لا هننفع سوا
كرمة : نعم؟
حازم: في التمثيل يعني
كرمة: اها تمام عايز نتكلم في ايه
حازم: بصي ياستي بقى مبدائيا كدة ان شاء الله ده البيت اللي هنفضل فيه بعد الجواز بعيد و مش كتير يعرفوه و زي م انتي شايفة مفيش حد هنا غير عيلة شيماء
المستشفى اللي هتابعي فيها الريس بعيدة عن هنا مسافة ربع ساعة  و هنروح سوا لما تجهز العمليات ان شاء الله
كرمة: تمام بس الناس هنا انت مفهمهم ايه بقى
حازم: بصي يا ستي انا حورت و قولت ان انا اعرفك من الثانوي كنا في مدرسة واحدة و في الكلية كنا صحاب و علي تواصل و قررنا نتجوز قصة روتينية عادي يعني
كرمة: تمام و بالنسبة لصحابي و اخويا؟
حازم: صحابك هتقولي ان كان لازم متتكلميش عني عشان اسمي محدش يطلع عليه اشاعات و اخوكي هتفهميه ان ده جواز شغل ازاي بقى.. ميخصهوش
كرمة: صعبة بس هحاول
حازم: معلش انا عارف ان الدنيا اتلغبطت بس صدقيني انا كمان مكنتش مستعد لحاجة زي دي انا مدمن شغل.......و في حاجة كمان يا دكتورة انا مش هخبي عليكي حاجة بس بابا فاكر اننا هنتجوز عادي و قالي ارتحتو لبعض كملو بس بيني و بينك انا مش مستعد للتفاهات دي و بتهيألي انتي كمان عايزة مش فاضية عندك دراستك و امتحانتك و بتكملي دراسات العليا؟
كرمة"كانت متفهمة كلامه و مقتنعة به و لكن الكلام جرحها ايضا فمن تتمنى زواج بهذا الشكل!!": تقصد نخلص المهمة و نتطلق؟
حازم: لا كدة هيفهمو احنا هنكمل جوازنا خمس شهور بعدين هنقول اننا مرتحناش لبعض و صحابك هتقوليلهم اننا لقينا اننا نكون صحاب احسن.
كرمة: موافقة اتفقنا هيبقى شكل كدة قدامهم بس
حازم: تمام و انتي تروحي تلمي حاجتك عشان تجيبيها بكرة و تنزلي مع شيماء تشترو اللي ناقصك للفرح او اللي عيزاه يعني
كرمة: لا بعد اذنك هاخد دادة منال عندنا في البيت
حازم: ممكن تاخديهم الاتنين عشان شيماء عارفة ذوقي و هتقدر تجبلي اللي محتاجه
كرمة: طيب اللي تشوفه و باقي الاجراءات؟
حازم: هخلصها انا   "مستغرب موافقتها علي كل م يقول و استسلامها"
كرمة: تمام
حازم: يلا نتغدى
خرجو لتناول الغداء و بعدها ذهبت كرمة الي منزلها بنفس عدد الامن بعد توديعها لشيماء و عائلتها و حازم بالطبع..
••••••••••••
حتة من البارت اللي جاي
حازم: شعرك حلو علفكرة
كرمة: انت هنا  بتعمل ايه؟
حازم: عيزاني انام في اوضة تانية عشان نتفضح؟!
كرمة: نعم يعني احنا هتفضل نايمين في اوضة واحدة خمس شهور!!

رايكم في البارت و كالعادة فوت و كومنت ❤🌼
كان قصير شوية بس تتعوض😂❤
ميعاد التنزيل نثبته بقى هيبقى كل جمعة ان شاء الله..