الموني برحيلهم

البارت الثاني

مروة الحامد 

كلنه كمنه انريد نعرف شبيه

بابا .كرار بابا وين جنت ليش هيج تخوفنه عليك

كرار .بابا مو كتها هسه كلكم بخير بيكم شي

الاب .ها اي مابينه شي

كرار .بابا ردت انهزم اني وسارة بس لكفونه اهلها وحبسوني بس كدرت اشرد

الام .الحمدلله ماما الحمدلله على السلامة

كرار .ماما وين رسيل وأمنية

رسيل . موجودة هنا

كرار. امنيه وين

الام .بعدها مجايه من المدرسه

كرار. شنووو وطلع يركض بابا راح ورا وعمامي هم ماما توسلت بابن عمي كلتله اخذنه وياك بسياره قبل كوة رحنا وياا ابن عمي يمشي وراهم وصلنه للمدرسه نزلنه طبينه اندور عليها ماكوو طلعنه اندور بكل مكان ماالها اي إثر رجعنا للبيت ماما بس تبجي وتدعي بس لا يكتلوها اني عيوني يجرن وحدهن هاي أخيتي وحيدتي ربي لاتفجعنه بيها ماكو قدمنا بلاغ يم الشرطه لثاني يوم اندكت الباب طلع كرار وابن عمي يشوفون منوو اجه شويه وسمعنا صوت صياح وبجي طلعنا كولنه وشفنا هذيج الشوفه شكد مرت عليه سنوات بس ماانسى هذا المنظر لكيت كرار كاعد وبحظنه امنيه راحت امي تركض الها عبالها متخربطه سحبتها من كرار و شبكتها كامت تحجي وياها وتبجي امونه وين رحتي خفت عليج وين جنتي شافتها متتحرك باوعتلها شفايفها بيض وهي باردة كتله كرار شبيها شو متتحرك وباردة كرار صافن ويبجي كتلة شبيك جاوبني شبيها كمت تصيح

ب

ابن عمي. يبجي و يصيح عمه كتلوها ميته متشوفين اشرلها على مكان الطلقه

رسيل . اهى أهي ولج يمه امونه ماتت لا عفيه لا تعوفيني ابجي واحجي سحبها منها ملخت روحها تملخ تضرب وتصيح يمه بنيتي راحت يمه بنيتي راحت لادخيلك يارب لا تحرمني منها امنيه لاتروحين وتعوفيني ولج يمه لا اني اول شي مااستوعبت وانوب رحت اركض رحتلها امونه أخيتي لا تروحين وتعوفين اخيتج لا بابا تعال الله يخليك خلي تكعد عفيه ابوس ايدك بابا كعدها لا تموت ابجي واصيح اخذوها من عدنه كوة ماما لا تأخذوها كرار يبجي بقهر وبابا هم مااعرف من طببنه جوة اني وماما اتباوع بلوجوه عبالك متعرف أحد اني احس ناس تحجي وياي بس مااسمع اي شي ورة ساعه جابوو امنيه قبل لايروحون يدفنوها طببوها للبيت اني متت كمت اصيح عوفوها لاتاخذوها ماما شكت ثوبها وتضرب على وجها وتصيح اخذوها امنيه وأخذوا سعادتنا وياها 😢

بعد يومين يصير على وفاه أمنيه سنتين واحنه من سيء إلى أسوء ورة وفاتها بأسبوع بابا وكع ضربته جلطه خفيفه وكرار هاي صارله سنتين من الدوام للبيت ومن البيت للدوام وماما اووف ياماما القهر كاتلها كتل عبالك موبعالمنا عالم ثاني لاتحجي لا تطلع لاتضحك هيج بس تطبخ وهاي هي شكد حاولو وياها عماتي خالاتي وخالي هم اجه حاجاها وبابا هم بس ماكو يطب منا يطلع منا بس تبجي بابا ورة ماتمرض تقبل الموضوع بس بعده يحن ماردت اداوم من ماتت بس خالي ماقبل وأصر انو اكمل بس شنو هيج بس اروح واجي طلعت معدل ع كدي لان مكدرت اقرة اني مايمر عليه يوم اذا ماأبجي واكعد اتذكر سوالفها وكلامها شتسوي من تكبر ..اااااخ ياكلبي سودة علية عليج امونه الله لايفجع واحد بشخص عزيز ع كلبه راحت اختي مثل الوردة الله يرحمها برحمته الواسعه 😣

كعدت اليوم من الصبح مااكدر اتاخر بالنوم غسلت وطلعت لكيت ماما كلعادة مسويه الريوك وتاكل وتبجي بدون صوت

رسيل. صباح الخير على احلى ام بالدنيا

الام بغصه. صباح الخير

رسيل .شنو سويتيلنه الريوك ماما (اريد اخليه تحجي وتنسه الموضوع )

الام. خير الله كدامج

رسيل .بستها عاشت ايدج ماما كرار وين

الام. نايم رسيل . ها بابا وين الام .طالع

الام خانكتها العبرة .باجر تروحين ويانا موو

رسيل بغصه. اي ماما شلون مااروح لعد اشتاقيتلها

الام .اني شكوول آاااخ ياكلبي يمه امونه ليش عفتيني إلهي تعبت والله اخذني وخلصني

رسيل .حطوا نفسكم بمكاني اسمع ماما تدعي على نفسها

رسيل احجي وابجي .لااسم الله عليج ماما فدوة لاتحجين هيج انسي راحت لربها الله يرحمها

الام بقهر. ولج شلون انسى يمه بنيتي راحت أم ضحكه الحلوة اويلي عليج امونه كون اني المتت ولا انتي

رسيل هاي هيج كل يوميه من الصبح لحد الليل بس تبجي وتدعي على نفسها

رسيل لا تدعين على نفسج ماما الأعمار بيد الله

طلع كرار على صوتنه اجى كعد يمنه كالعادة مايحجي بس يباوع

كرار يبجي.ماما سامحيني اني السبب بموتت امنيه اني اسف اسف مااعرف راح يسوون هيج

رسيل ابجي.

الأم. بس باوعت عليه وكامت صارله سنه متحجي وياا

رسيل . لا تكول هيج كرار هذا يومها الله يرحمها

كرار. شوكت تقبل تسامحني وتنسى اشتاقيتلها والله مااعرف يكتلوها

رسيل .الحمدلله الله اخذنه حقنه منهم ونعم بالله حسبي الله ونعم الوكيل

كرار .ونعم بالله اني طالع رايدة شي

رسيل .سلامتك

كرار .مع السلامه

رسيل. الله وياك

مدري شعجب اليوم حجى ويانا يجوز تشوفوني اقوى وحدة بيهم بس جذب هاي بس كدامهم ااخ كلبي يمه بنيتي امونه اتذكر شلون جنا نلعب سوة واقريها وشلون لمن تجي مااخذة بالملاء 10 لازم اسويلها الأكلات الي تحبها لومن تاخذ فلوس مني اكللها شتسوين