الموني برحيلهم

البارت الثالث

شتسووين بيهن تكلي انطي لصديقتي لان متجيب فلوس خطيه اطيها اني لحد الان غرفتها على حطيتها ماشايلين اي شي منها مقبلت ماما وصورها تارسه البيت ترس
كملت ريوك ونظفت البيت وخلصته اجه بابا
رسيل. الله يساعدك بابا
الاب .هلا بابا شلونج
رسيل. الحمدلله
الاب .امج وين لعد
رسيل. بالغرفه
الاب .ها رايح اشوفها
رسيل .اي بابا وتعالو علمود نتغدة
الاب . إن شاء الله بابا
الاب .اني حالي أسوء لان عبالك ماعدي اولاد بس امنيه جنت من اجي من الدوام تتلكاني وتكلي شجبتلي ماجبتلي  وهسه من ارجع افتقدها حيل بس مو بيدنا هذا الشي الله يرحمها برحمته الواسعه رحت اصيح لام كرار ادري بيها حيل صعب هذا الشي عليها لان جانت حيل متعلقه بيها
دخلت للغرفه لكيتها كاعده ويمها صورة امنيه وتبجي
الاب .كولي ياالله الله يرحمها برحمته الواسعه لاتبجين كافي موزين عيونج راحن
الام .آاااخ يمه
الاب .اسم الله عليج من ال ااخ يلا كومي تغدي ويايه ترة جوعان
الام .مااريد
الاب .لا احلفج بروح امنيه تعالي ناكل سوة اني وياج ورسيل
الام بعبرة .اخ صارو يحلفوني بيج يمه
الاب .يلا كولي ياالله كامت راحت غسلت واجتي طلعنا رحنا للمطبخ جانت رسيل مسويه غدة تمن فاصوليا كعدنا ناكل بهدوء
رسيل .كيفت من بابا جاب ماما تتغدة كعدنا ناكل بدون اي كلام اتمنى نرجع مثل قبل ضحك وسوالف . . الله كريم 😣
كملنا الغدة وهاي كمت سويت جاي وغسلت المواعين ونظفت  المطبخ اخذت الجاي ورحت للصاله ماما كالعادة مويانه ضلينه نحجي منا ومنا اني وبابا
الاب .رسوله ليش ماتقدمين ع الجامعه هاي السنه
رسيل .ءءء مادري بابا
الاب .ليش داومي احسن من ما ضاله بالبيت شتكولين ام كرار
الام .والله بكيفج ماما شتردين سوي
رسيل .الله كريم بابا منا للدوام
الاب .الله كريم
اترخصت اني ورحت لغرفتي طبعا اني عدي موهبه وهي الرسم طبيت للغرفه مالتي طلعتلي ورقه وقلم ضليت اشخبط مادري شكد مر وقت دخت عفتهن رحت غسلت ونمت كعدت العصر غسلت وبدلت طلعت رحت لكيت ماما كاعده وبابا يمها يشربون جاي
رسيل .  هلاوو ماما وبابا ليش مكعدتوني
 إلام. هلو ماما لا عفناج براحتج خطيه
الاب. هلا بابا
رسيل .😗😗
الام . رسوله حضري غراضج من هسه لان بيت عماتج يجون باليل يمنه ويباتون يمنه علمود
 باجر نطلع سوة فمتلحكين تسويهن
رسيل .ها اي هسه شويه واروح احضرهن زين وانتي ماما حضرتي غراضج
الام .اي حضرت غراضي وغراض ابوج
رسيل .ها ءءء زين ماما كرار يروح ويانه
الام دارت وجها  ....مادري 
الاب .اي اي يروح لان البارحه كلي اخذ اجازة ع باجر وعكبه
رسيل .ها يعني احنه نبات هناك بين عمو صلاح
الاب .اي قبل شويه خابرني كلي هناك ينتظرنه
رسيل .زين بس منو يروح ويانه منا
الام .خالاتج اثنينهن وخالج وعماتج
رسيل.  ها يعني كولهم يروحون
الاب .اي كولهم زين
رسيل .طبعا علاقة امي عماتي كولش زينه لان امي تصير صديقتهن فخطبنها لبابا فهي تحبهن كولش وهن هم يحبنها وحتى علاقه خالتي بامي زينه
احنه عائله مترابطة مثل مايكولون واحد على كلب الثاني احنه هيج عماتي وحدة من عماتي عدها بنات كبار متزوجات وبس ولد واحد بالابتدائيه  وعمتي الثانيه عدها ولد وبنيه وحده صديقتي
رحت لغرفتي حضرت غراضي ورة ساعه كملت طلعت لكيت كرار كاعد وحده بالصاله
رسيل .هلاوو كروري اشو طولت اليوم
كرار. هلا رسوله اي رحت يم صديقي شويه
رسيل. ها يلا اصبلك غده
كرار. لا متغدي والله . رسوله وين ماما
رسيل. اعتقد بغرفتها ليش تسأل
كرار .لا لان  مشفتها موجودة
رسيل .بيش الساعه باجر نروح
كرار .. ب8 يلا اروح انام احسنلي عود كعديني رسيل. ان شاء الله راح كرار اني هم رحت للمطبخ اسوي عشه سويت زكملته اباوع على الساعه ب .7 طلعت اصيح ماما وين دورت عليها ماكوو طبعا عدنه حديقة كولش حلوة وجبيرة جانت تكعد بيها امنيه بس من ماتت هي كامت تكعد تكول امنيه تحب تكعد هنا طلعت يلا ماما تعالي ناكل قبل ميجن عماتي