الموني برحيلهم

الجزء 21 ماقبل الاخير

البارت 21
مروة الحامد
بنات لاتنسون التصويت
خاله . معتز راح
رسيل. وين راح
خاله  معتز سافر لسوريا يبقى هناك
رسيل صح هسة قهرني وضربني بس مو مال يسافر ويروح.. ليش
 خاله. اني اريد اسئلج ليش
رسيل .اني شمدريني
خاله. شلون شمدريج نزل من الصبح عصبي وبس يصيح كال اريد اسافر ومااريد نقاش بالموضوع حتى ما سلم علينه كبل طلع .
رسيل بقهر .هاا ماصار شي بيناتنه علمود يزعل
خاله ..رسيل تعالي ويايه خاله
رسيل .رحت ويخاله لغرفتهم الباقين ضلوا صافنين علينه طبينا وسدت الباب
خاله .احجيلي شبيكم
رسيل . مابينه شي
خاله. لا تضمين عليه احجي لان من سألت معتز كلي خلي هي تكلج
رسيل .ماكو شي
خاله .احجي امي والله مااحجي لأحد
رسيل .بديت احجيلها شلون نتصرف ومابيناتنه شي لحد البارحه الصار كوله كلته الها 
خاله .هاا هسه افتهمت شبي وجهج ضاربج موو
رسيل. ايي
خاله .الله يهديكم هاي مشكله بينكم احنه نطلع منها
رسيل .صح غلطت اني بس مو معناها يضربني ويغصبني على شي مااريدة
خاله .اثنينكم غلطانين لاتكليلي ولا اكلج
رسيل .خاله هالحجي بيني وبينج
خاله .اكيد مايطلع

رسيل .مرت 3 شهور على غيابه وماكو ابد مااجه ولا اتصل عليه اشتاقيتله حيل صح غلطت بس المفروض يحتويني يتفهمني مو يضربني مامر يوم ماحجيت عليه هسه حسيت بقيمته احبه اي احبه بس اشوفه اكله  يخابر اخوته وامه وابو بس اني ابد لا يسئل ولا يتصل عليه افتهمت من خاله انو هو اخذ اجازة وهناك هم عدهم محلات وهاي فهناك رايح هم يشتغل وهم يخلص مني ماما من عرفت مسافر خابرتني وافتهمت الموضوع هم مدخلت كالت انتو تحلوها
مالنه علاقه اسمع اخبارة من خاله لو نور من تجي خاله سئلتني قبل فترة تريد تخطب لعبدالله لان يريد يتزوج فكلتلي متعرفين وحده كتلها على اسراء وافقت والله كيفت تكول حلوة وخوش بنيه فكتله خاله على اسراء وافق لان شايفها ويعرفها 
خطبوها من عمه وافقت وصارت خطوبتهم قبل شهرين مع ذلك ابد لااجه ولا هاي بس سمعت من خاله مخابرهم مباركلهم  كالعاده كعدت الصبح ب 9 الاربع غسلت وبدلت نزلت جوة لكيت خاله بس تريكت وياها أنوب كمت نظفت البيت وسويت غده اني وام يوسف وخاله هم ايدها ويانه فجنت اريد اسوي زلاطه رحت للثلاجه اطلع الطماطه والخيار طلعتهن  سويت الزلاطه شلتها اريد اوديها فدخت لزمت الميز مكدرت اسيطر ماحس بنفسي إلا واني واكعه كعدت على واحد يصيح عليه ويضربني  فتحت لكيت خاله وام يوسف وعبدالله فوك راسي
رسيل. ااخ راسي
خاله .بقلق.. شبيج رسوله ليش وكعتي
رسيل .مادري شو دخت لزمت بس مكدرت مادري شبيه
أم يوسف. صارلها هواي اكلها قليل وبس تشتغل شوفي وجها اصفر
خاله .لعد امشونه نروح للمستشفى
رسيل .لا خاله مبيه شي
عبدالله. لالا خلي نروح للمستشفى ماخسرانين شي
الام .يلا ام يوسف إذا اجه ابو معتز كليله يلحكنه
للمستشفى.
رسيل. جابتلي ام يوسف جبتي لبستنياها خاله مااحس بشي اريد بس انام اخذنه عبدالله ورحنا شويه ووصلنا سوولي تحاليل ربع ساعه واجه خالو خطيه جاي يركض عباله بيه شي شويه و طلعن التحاليل اخذناهة ورحنا للدكتورة خاله مقبلت الا دكتورة
رسيل . طبينا اطيناها التحاليل
الدكتورة ...انتي حامل  مبرووك بس ديربالج على نفسج لان حملج ضعيف ارتاحي وبيج فقر دم كل شهر راجعي جيكي وضعج
رسيل بدموع .من حجت هيج الدكتورة طرت من الفرح اكيد من يسمع بيه حامل يرجع أن شاء الله
. خاله .الله يبارك بيج دكتورة ان شاء الله ترتاح وكل شهر اراجع بيها بس  شكد عليها هسه
الدكتورة .شنو ماما انتي متعرفين نفسج حامل
رسيل .لا ماانتبهت 
الدكتورة .عليج 3 شهور  لعد هاي بطنج شنوو
خاله .ماانتبهت عليها إلا من حجيتي دكتورة

رسيل .طلعنا من الدكتورة وخاله وخالوو طايرين من الفرح هم حقها تريد اتشوف ابنها بلكي يجي باركلي عبدالله 
من رجعت خاله مقبلت اصعد خاله مخلتني اصعد ضليت بالغرفه الجوة وكل شويه جايبتلي اكل ههههههه خطيه خابرت ماما وكتلها طارت من الفرح فرحتجي هي وبابا   اليوم 
اجووي وصارت الفرحه فرحتين قرروا زواج اسراء وعبدالله بعد شهرين عبدالله كام يكمز من الفرح هههههه طلع يحب اسراء ابد متخلي من اخابرها
ماما رادت تاخذني وياها هناك لان مريضه فكالت لخاله مقبلت خاله إلا بعد ماحجه وياها خالو
خالو .امي تريد تاخذها تهتم بيها خليها تروح
خاله . مو شلون اريدها يمي اني اهتم بيها والله احطها بعيوني
خالوو .ههههههه متقصرين بس هي امها بعد أكثر تهتم بيها
خاله .هاي هي لعد
الام
ام معتز إذا تردين خليها يمج بس كلت لان مريضه ومجايتنه صارلها هواي تغيير جوو يمنه
خاله. . حقج ام كرار لا هاي هي اخذيها بس ديربالج عليها
خالو .ههههههههه توصي ام على بتها
خاله .ههههههه لا تضحك عليه
الام .ههههههه يلا احنه نتوكل ورانه  طريق ومنتظرينه بالبيت كرار  ونادين
خالوو. ها ليش مااجوي وياكم
الأب. مقبلت نادين تكول مااكدر الطريق طويل
خالو .ههههههههه مثل اخوها عبدالله
رسيل .رجعنا لبيتنا يم اهلي امي ونادين العود مااشيله حتى سبح ماما تسبحني اكله مابيه شي متقبل هههههه
هذا الحجي كوله وماكو خبر من معتز

يتبع

انتظروني بالجزء الاخيييرررر ❤

مروة الحامد