الموني برحيلهم

الجزء 22 والاخيرررر

بنات آخر مرة اطلب منكم تصوتون على القصه دوسوا على النجمه وكلولي رائيكم بالقصه
*****************
البارت 22
مروة الحامد

مرت  الايام واني يم اهلي خاله وعموو كل اسبوع يجون يشوفوني معتز اي خبر عنه ماكوو حتى نادين اسالها تكول ماادري اي شي عنه صدك جذب ماادري بعد طبيت بشهر الرابع اني رحت للدكتورة طمنتني ماكو شي كله تمام بابا وماما طايرين بيه ويدعون انو اني اجيب بنيه لان نادين بيها ولد علمود نسميها امنيه يكولون حددوا عرس عبدالله واسراء بعد اسبوع على اساس بعد شهر بس مقبل عبدلله معنده شي كمل اسراء دائما تجي يمي تضل نسولف بعدين تروح
رسيل .ماما شوكت انروح للسوق
الام .شتسوين رايحه انتي اني اجيبلج
رسيل .لا ماما الله يخليج اني اريد اروح والله ضايجه صارلي شكد مطالعه
الام.ايي حقج معتز كل اسبوع يطلعج
رسيل . هسه شكلتي
الام .ايي غلسي باجر انروح العصر
رسيل .اوك
الام .نادين نونه وينج تعالي
رسيل .ها خاله
الام .حضري نفسج باجر نروح للسوق موتردين تشترين هم للعرس
نادين .ايي اكيد
الام .انتن اثنينجن حوامل  ههههههههه
نادين .اييي والله اني عود ششتري
رسيل .لا أن شا الله  نلكه لعد شنو الحوامل ميلبسن
الام .الله كريم
رسيل .ثاني يوم طلعنا للسوق شكد افترينه يلا لكيت اشتريت بدله عمل حلوة كابوي والبدي احمر وفستان مالمحجبات طويل وعريض ونادين اشترت هم فستان واشترت تنورة وقميص حلوات وملحقاتهن  ورجعنا مر الاسبوع يركض ركض  طبعا احنه قبل يومين رحنا هناك كولنه يصير العرس هناك اجه يوم العرس هو حنه هو زفه  اني لبست الفستان الطويل والحجاب العرس بالبيت لان ماشاء الله بيت خالو جبير فجنت اني واسراء  ونادين ونور بالصالون كملنه انريد نرجع اجه علينه اياد فرجعنا للبيت اني ابد مطلعت زفوهم للفندق لان العشيرة كلها بالبيت خهههههههههه اني مرحت وياهم مااكدر ماما وعمتي الثانيه هم مراحن ضل بالبيت اني ابد مطلعت برة ولاشفت شكو ماكو ساعه واجووي كلهم كعدنه بالاستقبال نسولف ونضحك  هم لل 1 يلا فضت كلمن  راح لغرفته فإني صعدت لغرفتي طبيت سديت الباب وكعدت رحت للكنتور اطلع ملابسي اخذتهن ورحت للحمام اريد ابدل طبعا اني انام بغرفه معتز على ريحته فطبيت للحمام علمود اسبح وابدل سمعت صوت مي بالحمام  فتحت الباب متنفتح متت بدمي من الخوف هذا منو الي طب لهنا معقوله معتز لالالالا جان شفته أو كلولي بي جاي لعد منو رأسا رجعت للسرير كعدت عليه بس شنوو ارجف من الخوف
شويه وانفتحت الباب وشفت منوو شتتوقعون
منوو .... ايي هووو نفسه معتز . هو يباوعلي واني اباوع اله بدون حجي اجه كعد يمي يبوس بيدي وووجهي كله واني بس ابجي واباوعله ضليت ربع ساعه هيج بدون كلام
معتز .شلونج
رسيل .شلوني يعني زينه
معتز .مااشتاقيتي الي
رسيل .لا
معتز .جذابه .ادري بيج مشتاقتلي مثل مااني مشتاقلج
رسيل .اهى اهئ اهى وخر عني
معتز .لالا لاتبجين الله يخليج مو زين عليج حامل
رسيل. لاتلزمني وخر
معتز .. هاي هي مالزمج
رسيل .ليش هيج رحت وليش تأخرت عليه لا تخابر لاتسال ادري شنووو اني هنا حاطني مرتك لو شنو حامل لاخابرت لاكلت حامل خلي اشوفها شلونها تاكل مريضه ميته  عايشه لو بس تخابر اهلك تعرف واني
معتز .اكعدي اعصابج اعصابج رحت اني هناك لان ضجت منج لان رفضتيني وهناك جان عدنه شغل وتونست هم
رسيل.  فوكاها جاي تحجيلي
رسيل .ضلينه نتعاتب على الأيام الي راحت وشلون خلصناها آخر اليل اني بحضنه على صوت كلبه
الصبح
معتز .هسه انتي حامل بولد لو بنيه
رسيل .بعدني مماخذة سونار
معتز .ليش ميصير
رسيل .لا يصير بس اني مماخذه لان مشغوله بالحبيب الغائب
معتز.. هههههههه بعد كلب الحبيب
رسيل .شوكت اجيت شو ماادري
معتز .اي اني كتلهم لحد يكللها اجيت البارحه
رسيل .بوسته اموت عليك
معتز .أموت عليج
معتز .يلا تعالي نطلع هسه تلكيهم اجوي من الفندق
رسيل .ايي اكيد الساعه ب11
معتز .مادري منو العرسان احنه لو هم
رسيل .هههههههههه احنه
معتز  .دمشي امشي عود صديقتج هاي
رسيل .اييي هاك هاي بوسه
معتز . يلا انطيني هههههههه على الحمل صرتي جريئة
رسيل .لا اتنسه بيك ههههههههه
نزلنا جوة يمهم جانو الكل موجود من شافونه سوة فرحوا  لان عرفو تراضينه
مشت الايام بينه سوة ماتخلى من المشاكل ورة كم شهر نادين جابت ولد سموه احمد شكد اتمنوا بنيه بس مصارت الحمدلله على تمام الخلقه ماما طايرة بي طيور تكلي منتظرة منج امنيه وادعيلج بالبنية بصلاة الليل ههههه وصدك حللت طلع حامل ببنيه مكلت لأحد خليها مفاجئة بس معتز يدري هههههه لان راح هو وياي اسراء علاقتي بيها كلش زينه اخوات وانجمعن سوة نتقاسم الشغل كوله حامل هي نسيت اكللكم  ماما كلما تجي أو اروح تكلي امشي انروح نسوي سونار واني اتشرد منهم  ههههه مرت الأشهر تتلاحق فديوم من الايام
كعدت بليل اطلك
رسيل .معتززز كوم الحكلي راح  اموت
معتز .هااا هسه اصيح امي
رسيل .ااااخ اااااخ يمه تعاليلي
شويه واجه معتز وخاله وخالوو يركضون
رحنا للمستشفى وبين ساعات قليله شرفت نسمه حياتي امنيه امونتي
معتز .الحمدلله على سلامتج ام امنيه
رسيل .الله يسلمك ويخليك الي ابو امونه
 
خاله .الحمدلله على سلامتج ام امنيه.
رسيل .الله يسلمج خاله فدوة لكلبج
طلعنا من المستشفى الضهر  لكيت اسراء ونور ومرت اياد وكلهم موجودين محد كايل لماما
من رجعت خابرتها كتلها تعالي يمي اليوم انتي وبابا وكرار ونادين اول شي اخترعت بس كتلها حاسه اريد اجيب

فقبل لايجون نمت على السرير وغطيت نفسي
اجتي هي عليه تركض وترجف عبالها بيه  شي
الام .يمه فدوة لهلوجه بيج شي ماما
رسيل. لا ماما والله مبيه شي
الام. لعد شبي وجهج اصفر
رسيل. هسه اوكفي
اجه من وراها معتز شايل امنيه هاج خاله
الام .هاي شوكت جبتي اوووي يمه فدوة للخدود ليش مكتيلي علمود اجي وياج
رسيل .البارحه بليل والله خفت عليج اخرعج
الام. ااوف ياريحتها الطيبه  شسميتوها
رسيل. اكيد امنيه
الام .اهئ اهئ اويلي اروح فدوة الهة
رسيل لتتبجين ياروح رسيل

رسيل .حجيتلكم قصتي بتفاصيلها العبرة من القصه اول شي لاتخلون الطائفيه  تأثر عليكم لان محد مستفاد من هذا الشي اختي راحت بسبها
اني غلطت من  منعت معتز عني لا هذا غلط مني وهسه اني اسعد وحده ويا وامنيه بنوتي احلى شي بحياتي وحاليا حامل بولد ومعتز ميقبل يريد بس بنات ههنهههههه

صوتولي على القصه

دمتم بود أحبتي

انتظروني بقصه جديدة

مروة الحامد