الموني برحيلهم

البارت الرابع

الموني برحيلهم 

مروة الحامد 

كولها راحت تنام طبينه للغرفه اني وبت عمتي ضلينا نسولف لحد مااجه طاري امنيه سكتنه بس اني شلون اسكت بت عمي نامت امي ضليت ابجي لحد مامليت ونمت حسيت على واحد يكعد بيه اباوع لكيت عمتي تكعد بيه

عمتي .صباح الخير رسوله يلا حبيبتي كومي الساعه ب7 وربع كعدي وياج اسراء

رسيل .صباح النور عمه اي هسه اكعدها

كعدت اسراء كتلها يلا كومي بسرعه طبيت للحمام سبحت وبدلت ولبست حجابي وطلعت طبعا لابسين كولنه اسود رحت للمطبخ لكيت ماما كاعدة وخالاتي وعماتي والزلم بالاستقبال ساعدتهم شويه واجتي ورايه اسراء هم ساعدتنه اجه كرار وابن عمتي اخذوا الريوك واحنه هنا هم اكلنه وكملنه كمت غسلت المواعين بمساعده اسراء كملنه طبعا اني البس جبه وملتزمه بصلاتي وصومي بدلنه وطلعنا عماتي كلمن راحت بسيارة ابنها

بابا وماما بسيارتهم وحدة من خالتي راحت هي وزوجها وخالتي الثانيه راحت هي وخالي لان اجه قبل لانطلع هو مرته واني رحت ويا كرار وصلنا للنجف وصلنا لأمونه سودة عليه اشترينه بخور ومي ورحنا اوووف شكد مااحجي الكم مااكدر اوصفلكم شعوري الكل راح ذب ع كبرها مي وشغلوا بخور اني مادنيت ولاماما ولاكرار بس احنه بقينه ماما تبجي وتباوع ع الكبر كرار يحجي وياها عبالك تسمعه كرار. حبيبتي شلونج اشتاقيت لج اني اسف وسامحيني ووووضل يحجي شكد وياها وانوب تقربت منها اني امنيه كلبي ليش عفتيني مو اني رسولتج واختج ضليت هيج ليش بعد منو يلعب وياي ويسولفلي ع صديقاتج امونه صديقتج اجتي للبيت تسال عليج تكول وينها ادور عليج شنكوللها لحد هاي اللحظه ابجي عليج مامروعلي يوم اذكرج مودعه بالله حبيباي والله يرحمج برحمته الواسعه بست الكبر مالتها ووخرت

تقدمت امي وضلت تحجي وياها

الام .ولج يمه ليش رحتي موتكولين مااعوفج ابد شو عفتيني ولج اخر يوم رحتي للمدرسه كلتيلي ماما شوكت نروح لبيت عمو ولج كومي راح انروح هسه بس انتي موويانه كومي تريدج نور تكول جيبوها وياكم اريد العب وياها ولج كومي صار لي سنه اجمعلج بالالعاب ادري بيج تحبيهن كومي بعد امج انتي كومي لخاطري تحجي وتبجي وتبوس بالكبر مالتها اني والكل نبجي عفناها عراحتها خلي تطلع الي بكلبها علمود ترتاح اخر شي ضلت تباوع ع اسمها المكتوب وتبجي رحتلها كومتها

رسيل .يلا ماما كومي خلينا نروح هاي شفناها وسلمنه عليها وكلما نشتاقلها نجيها خوش ماحجت شي بس تباوع عليه وتبجي اجه بابا وكرار هم كوة يلا مشيناها متقبل تعوفها تكول مااعوفها تخاف هي من الضلام سودة عليه عليج امونه

كوة سحبناها سحب والله شويه مشينا مااحس الا ماما واكعه كمت اصيج

رسيل .بابا ماما ماادري شبيها عفيه بابا شبيها احجي وابجي

الاب .اوكفي اوكفي اطوني مي ذب عليها مي ماكو راسا شلناها ورحنا للمستشفى اخذوها بالسديه

مامو عشر دقايق طلع الدكتور

لاتخافون ماكو شي بس ضغطها صفر جيبولها شي مالح علمود تاكله

راحت عمتي هي وكرار يجيبون الها اني راسا دخلت ضليت ابوس بيها وابجي كعدت ع صوت البجي

رسيل .تلحمدلله ع سلامتج ماما خوفتيني عليج

الام .الله يسلمج لاتبجين ماما مابيه شي

رسيل .سلون مابيج شي ضغطج صفر

الام . اممم زين وين الباقيين

رسيل. كولهم برة بس راحت عمتي نوال وكرار يجيبون شي تاكلي بعدنه نحجي واجتي عمتي هي وكرار .

عمتي .الحمدلله ع سلامتج ام كرار غدة شرج

الام . الله يسلمج ام يوسف

كرار. الحمدلله على سلامتج ماما

الام----------

العمه بىتباك.اءءء يلا عيني صايرة تدللين هواي عذورة شربي هذا اللبن انطيتهيا واني كابي ممرود على حالها وحال كرار خطيه متحجي ويا

شربت اللبن وكملت كال الدكتور تدكدرون تطلعوها شويه واجه بابا

الاب .باسها من راسها الحمدلله على سلامتج عذورة خوفتيني عليج

الام .الله يسلمك الحمدلله مابيه شي

الاب .يلاشربتي اللبن علمود نروح صارت الساعه ب1 العالم منتظرتنه عيب نتاخر اكثر كل شويه يخابرني صلاح

الام .يلا ماعندي شي بس وين عباتي

رسيل. هاي ماما هاج

لبست العبايه ماما وطلعنا كولنا ورحنا لبيت عمو صلاح لكينا ينتظرنه بالباب هو وصلاح ماعده بس ولد واحد واثنين بنات وحدة مزوجه والثانيه بالمتوسطه سلمنا عليا كولنه وطبينا للبيت تلكتنا مرت عمو وبناتها هم شويه ومالوا اخءوا راحتكم غسلوا طبعا بيته كولش جبير لان عمو صلاح دكتور فعنده خير من الله والله رحت اني وماما اختارينا غرفه طبت ماما سبحت واني هم طبيت وراها خلصت وطلعت لكيتها تمشط بشعرها طبعا ماما عمرها15وتزوجت صغيرة يعني الي يشوفها معباله عمرها 38

رسيل .هلا هلا منو هاي الحلوة

الام .ههههه دسكتي احسن هاي وينها الحلوة

رسيل تفاجئت من شفتها تضحك وتتشاقه وياي يمكن جانت حيل محتاجه تجي تزور امنيه وتفضفض الي بداخلها

رسيل.شنو متشوفيها بس باعي بالمرايا وتشوفيها

الام .هههه يلا خلصناها سوالف امشي خاف ينتظرونه

رسيل .اي والله اني متت من الجوع

الام .اسم الله عليج من الموت لاتكولين هيج 😔

رسيل. 😗😗اخر مرة اكولها والله

طلعنا اني وماما وكعدنه