الموني برحيلهم

البارت الخامس عشر

مروة الحامد
وصلنا لبيت عمتي طبينا محد جايي من النسوان بس احنه الكرايب جانت نادين بالصالون هي وأمها وعمتي مو ام اسراء لا الثانيه ونور هم فإني طبيت نزعت وماما هم مااسمع إلا تصفيق
رسيل .بسم الله الرحمن الرحيم شكوو
عمتي ليلى .هاي شطالعه يولي انتي العروس لو نادين .
رسيل .هههههههه تعديلات بسيطه
عمتي .لاعبه لعب بشكلج
رسيل .صدوك عمه
عمتي. تخبلين 😍
اسراء .هاي شوكت سويتي شعرج
رسيل .قبل كم يوم وجنت البس حجاب من يجي أحد مفاجئة للعرس 🌚💣
اسراء .هههههه احلى مفاجئة تخبلين
رسيل. شكرا شكرا خجلت 😁😂
اسراء. ههههههههه
ماما خابرت على ام نادين تسألهم شوكت يجون
شويه ويجون .
عاد اني سحبت اسراء وذبينه لحم شويه وكالوا اجتي العروس  رحت اسلم عليها
رسبل .هلا هلا هاي شطالعه تخبلين
نادين .ههههههه اني لو انتي كسرتي عليه
رسيل هههههههه يلا كومي شويه اريد اخذلج صور
نادين .لا ولج عيب وهاي النسوان شلون
رسيل .يلا لعد وانتي كاعده
طكيت الها كم صورة وانوب دزيتهن الكرار
نادين .اشو تبتسمين شكوا تخبلتي
رسيل .لا ياغشيمه دباوعي ههههههه
نادين. يااااا 😬ليش مكلتيلي
 رسيل .ولج اكل راسي اكل والله صوريها صوريها
نادين .هههههههه
كملنه الحنه على خير كومه اخذنه صور اني ونادين واسراء ونور وماما وام نادين وعماتي
والله لليل اجه كرار علينا طب شاف نادين وحناها وانوب طلعنا   رجعنا للبيت اني وماما الباقيين يم بيت عمتي وخالاتي كلمن على بيتها لان هم قريبين علينه طبينا لكينا بابا وخالو و واياد وعبدالله والمخنزر هههههههه معتز هم وياهم سلمنه عليهم ماما راحت يمهم اني رأسا صعدت لغرفتي  نزعت العبايه طكيت كم صورة الي لان اني اعشق الصور 😍وانوب طبيت للحمام سبحت وبدلت  طلعت شسورت شعري ومشطته ضفرته لبست الحجاب ونزلت جوةء لكيت ماما تسوي عشه خطيه تعبت حيل رحت وياها اسوي عشه مسويه تمن ومرق فاصوليا  ساعدتها
الام .يوم الالج رسوله واشوفج احلى عروس
رسبل .هههههه لا مااريد اتزوج مااعوفج
الام .وين تعوفيني ماما هاي سنه الحياه مااضل وحدي هاي اخوج تزوج وراح تجي نادين
رسيل .😒ها من هسه نادين
الام .اووووي فدوة للتغار لا ماما بس هذا مستقبلج 
رسيل .الله كريم 😊
أجوي كلهم تغدينه سوة وانوب كلمن راح لشغله اني رحت انضف البيت كوله باجر مشغولين وماما هم وياي صعدت أنوب لغرفتي  رأسا وقتت الفون ونمت كعدت على صوت المنبه كمت رأسا بدلت ونزلت لكيتبابا وخالو يتريكون والباقين ماكو احد كملنه ريوك بسرعه غسلت المواعين نضفت بسرعه سوينه غدة من وقت اكلنه كرار والولد مااكو ودانه بابا للصالوت ماما مسوت شي بس اني اشتغلت بشكلي سويت تسريحه بسيطه وبدلت وانوب وصلنا بابا لبيت عمتي والله اختصرلكم  الوقت  هسه احنه بطريق الزفه طلعنا من بيت عمتي للبيتنه لان كرار مقبل بالفندق بكيفه 😤بعد الأحسن ماما بالصدر وبابا يسوق بسيارة العروس
واني عمتي ام اسراء واسراء بسيارة محمد والباقين كلمن بسيارته أهل نادين ويامعتز واياد هو ومرته بسيارته وعمتي الثانيه هي وخالاتي بسيارة الجبيرة
وصلنا للبيت نزلنه كولنه طبينا طبعا دنيا ليل فكأنه نادين والنسوان وصبينا عشه للكل وهاي  كملو گامت الناس تبارك وتروح حتى عماتي راحن اجتي ام نادين ونور سلمن على نادين امها تبجي وترجع ليورة حتى نادين كامت تبجي لل 9 طب كرار زفووا لغرفته هو والعروس انوب طلعو مابقة احد بس احنه اني رأسا صعدت لغرفتي بدلت ملابسي ونزلت لكيت ماما وبابا يتعشون
رسيل .هلاوو
الام والأب. هلا تعالي تعشي
رسيل .يلا اجيت
الام .اني رايحه اوديلهم عشه
الاب .يلا لحد هسه ماموديه
الام. لا كرار كلي من ارمش عليج يلا
رسبل  هااا 
راحت ماما اخذت صينيه اشكال والوان شويه واجتي تبتسم
رسيل .ها ماما ليش تبسمين
الام .لا ماكو شي ماتتصورون فرحتي
تعشينا وكملناه كمت والله اني وماما ساعتين كامله انضف بالبيت لان باجر تجي الناس تبارك عيب
لل11 متنه  من التعب
رسيل .يلا ماما تصبحين على خير
الام .سودة عليه ماما تعبتي
رسيل .لا يبعد رسوله متعبت 😍
الام. وانتي بالف خير ماماتي
صعدت لغرفتي وقتت الفون  وحطيت راسي ونمت
نرجع لكرار
من ظنونهم للغرفه نادين خايفه ومرتبكه
كرار . ها نونه شبيج
نادين .مابيه شي
كرار .لعد شبيج خايفه ومرتبكه
نادين .😊😊
كرار .نادين اريد افهمج شلون حنعيش سوه
نادين .ايي كول
كرار .نادين امي خط أحمر بحياتي لابد يوم اسمعج مضوجتها أو تراددينها أو مشكله سويتي وياها مااقبلج هذا الشي وخليكون بعلمج ترة هي الي رادتج كلتلي اخطبها اني اريدها الك واني وافقت هاا وبعد اختي رسيل ترة ماعندي لااخ ولااخت  غيرها وانتي تعرفينها شلون حبابه وتحبج هذا الي ردت اكولج عليه كون مضوجتج من كتلج هيج
نادين .لا بالعكس كبرت بعيني واني عرفت انت راح تحجي بهذا الموضوع اطمئن خاله اميرة وعموو ورسيل بعيوني وكرار هم
كرار .ههههههههههه عفيه عليج نونه دوم اريدج هيج مايحتاج بعد اواصيج يلا هسه تعالي ناخذ كم صورة
يتبع