الموني برحيلهم

البارت الحادي عشر

مروة الحامد 

البارت الحادي عشر

معتز . معتز عمري 30 سنه ضابط جنه عايشين بسوريا وقبل فترة رجعنا للعراق طبعا شايف وعايف بسوريا والعراق شكلي حلوو طويل محافظ على جسمي لان العب رياضه مريت بعلاقة حب بس من طرفي البنيه لاتدري ولاهاي بسوريا وتالي تزوجت صح ضجت بس بعدين فكرت على شنو ضايج اشو هي متدري 😕 ماعندي علاقات عصبي كلمتي مسموعه عند الكل والوالد يستشيرني بكل المواضيع حتى الوالدة لحو عليه اتزوج قبل سنتين بس رفضت لان ملكيت الي اريدها طبعا اريدها صغيرة حلوة اعرفها شنو ماشنو اهلها منو أخلاقها مو ياهي الجان اتزوجها طبعا هاي افكاري فمن كتلهم هيج سكتوا عافوني ع راحتي حاجوا اياد على موضوع الزواج قبل خطبوله وحده جيران خوش بنيه ماطلع منها شي شخصيتي قويه كلش عندي هواي اصدقاء المقرب مني اخويه اياد ارتاح من احجي ويا يعني اصدقاء مقربين يحجيلي كلشي بحياته عندي اثنين عمات بس ماعندي عمام الوالد يحبهن كلش يعني رجع للعراق علمودهن مكدر يضل هناك وهن هنا وحتى هنا من شفتهن واضح يحبنه لان هو اخوهن الوحيد الخط الأحمر بحياته اخواته ونادين ونور واكيد الوالدة عادي بين فترة وفترة عماتي يجن بين فترة وفترة النه بس يجن اولادعمتي بس عمتي اميرة تجي بس هي وبتها الصغيرة ادري عدها بنيه جبيرة دائما من تجي من تجي الوالد يسألها عليها تكله تبقى يم اخوها لان محد يضل يمه وعدها دوام كم مرة تجي بس هي متجي وياها سمعت من اخواتي اسمها رسيل وطالبه هذا الي افتهمته منها من توفت امنيه خطيه اني مرحت الوالد من يجي هنا يبجي على عمتي اميرة حتى ميضل هناك يكول مااكدر اشوفها هيج ومابيدي شي هاي السنه خلصها بس قهر من صارت السنه نويت اروح وياالوالد بس مكدرت جان عندي دوام ومقبلوا يطوني اجازة فراح بابا للسنويه وعزمهم على الطهور مالت رضاوي ابن أياد صح اياد طالع بيت وحدة بس يجينا الخميس يروح السبت بليل هيج يعني من قبل لا يجون بيوم كالو باجر يجون ثاني يوم داومت عادي العصر رجعت من الدوام لكيت الكل كاعدين سلمت عادي كعدت يمهم ساعتين بين سوالف وضحك الوالدة تحب الجمعات والكعدات والوالد طاير اخواته يمه بعد شيريد 😒 الصراحه كلش اريحيات عماتي وحلوة اسوالفهن أثناء مكاعدين سوة اجتي بنيه من فوك مشايفها قبل اني حلوة وانيقه لابسه احمر وهي بيضه كعدت وسلمت بعدين الوالد عرفها علينه هي باوعت النه ودنكت .خجولة اممممم ضلت تحجي ويا امها وانوب راحت هي ونور وهذيج البنيه بت عمتها سمعت الحجي كله رحت لغرفتي ضليت افكر بيها اجذب عليكم اذا اكللكم ماافكر بيها حلوة ناعمه خجولة. اممممم يلا انعوفها للأيام ونشوف أنوب رجعت جوة للعشه تعشينه وكملنه هي راحت ويا البنات للمطبخ الوالد راد الدوة مالته فكمت اجيبه وهم علمود اشوفها رحت للمطبخ اريد اطلع الدوة جانت هي منتجيه على الثلاجه فمكدرت اطلعه إلا توخر فحاجيتها

معتز .بلازحمه

رسيل. تفاجئت من كلي هيج بعدين يلا انتبهت اني منتجيه على الثلاجه فوخرت بسرعه من كلي هيج رحت يم البنات بعدين طلعنه رحنا كعدنه هناك يم الكل هو هم جان كاعد كلما اباوع عليه الكا يباوع عليه ضلينه نسولف شويه وبعدين كلمن راح لغرفته الضاهر هو هم غرفته فوك لان صعد قبلنه والله نمنا ثاني يوم كعدنه اني واسراء على هوسه وصياح بدلنه بسرعه ونزلنه لكيناهم مخبوصين مطهرينه رضاوي ويحضرون الغدة للناس والعصر المولود للطفل لان اليوم هو طهور هو مولود رحنا اكلنه بسرعه وساعدناهم مرة وحدة شفته من اجه يحاجي امه وهي امه بالمطبخ ويانا تطبخ فدحبابه امه المهم صبينا الاكل للزلم لازم يجي واحد ياخذة الهم كالو راح يجي معتز ياخذ الاكل اني من سمعت هيج ردت أفلت واخلي البنات هنا ينطنه بس مكدرت من اجيت اطلع من المطبخ صاحتني ماما طبعا ماما عرفت شبيه رجعت هو اجه ينكل الاكل اني راسا رحت اغسل بالمواعين فأخواته هن الي يطنه 😊

احنه هم اكلنه وكملنه رحنا للمطبخ انريد انظفه

فهو وإخوانه جابو المواعين للمطبخ اني ابد مادرت وجهي الهم نهائيا بسرعه نظفنا وخلصنه رأسا كلمن راحت لغرفتها علمود انبدل لان مضل وكت بعد نص ساعه المولود

معتز . كلما اشوفها تتهرب مني مدري تستحي حيل عجبتني هاي الي اريدها صغيرة وحلوة و اعرفها فكالو طلعوا لان راح يجن النسوان علمود المولود فراح و اخواني يبدلون علمود يطلعون اني فطبيت للبيت لكيت عماتي وامي كاعدات

امه .معتز هاي شو بعدك لحد الان مطالع

معتز. غير الشباب جانو هنا اعوفهم واجي يعني

امه .ديلا بسرعه لان النسوان على جيه والبنات لاينزلن لان ميدرن بيك هنا

معتز شفايتلي اشوفها ياالله. .اي يمه بس البس وانزل صعدت لغرفتي بدلت وطلعت أثناءماامشي

بالممرطلعت وحدة من الغرفه مشافتني هي حلو جسمها لابسه فستان اسود طويل وشعرها لنهاية خصرها ضليت امشي واباوع عليها دارت وجها عليه كمزت من شافتني وارتبكت رأسا طبت للغرفه الي طلعت منها . الله بعد شريد شفتها .طلعت اني

رسيل. يايمه هذا منين طلعلي يبوووو شافني هيج استغفرالله هسه احجي تحمحم

نور .هاي ويامن تحجين

يتبع