العروس الإفتراضية

الجزء 05

بصراحه استغربتا ، قلتا كيف يعني انا منو !

رفعت تلفونو من الارض ، لقيت الخط فاتح ، عاينت لقيت المكالمة معمول عليها كتم الظاهر بالغلط ،، اترددت ارد ولالا ،، عاينت للاسم لقيتو اسم #الحاج نذار ،، طوالي لغيت الكتم و رديت ،، و عرفت ان عصام كان راجع عشان المكالمة دي ،، سلمت علي ابوي وطمنتو ، وقفلتا ...

مشيت رفعت الاكل ، حاسه مالي نفس بجد في احساس م قادرة افهموو ، المهم ، مشيت فتحت شنطتي ، طلعت لي دلقان من دلاقيني الغريبه دي ، خشيت استحميت وصليت ، و بقيت بستكشف البيت ، غرفتين و صاله و حمام و مطبخ ...

شلت كتاب ،، قعدت في مكتب في غرفه من الغرف وقعدت اقراا .. لمن نمتاا..

م صحيت الا الصباح مخلوعه كدا مستغربه المكان وسفري وزواجي دا باقي لي زي الكذب كذب كداا ،، قمت عاينت في البيت كلو م لقيتو ، علي رغم انه اجازة ، لحد المسا نفس الشي ، و بتا تاني براي وهو مافي مخليني براي ،، تالت يوم بالضبط جاا زي العصر كدااا ... بعفويه والله مشيت لاقيتو جمب باب البيت ،، حمر لي كداا ( زي المطالبني قروش )، مشاا طوالي ولا سلام الله ساي م سلموو ،، اتحمقتا والله

بس مشيت للكاب و بقيت بقراا ، في روايه فرنسيه قديمة كدااا ( الروايات الصفراء ديك ) .. بس جاني ، قالي تلفوني وين ؟

قمت جبتو ليهو ولا سالتو ، شالو ومشا ، صراحه انا متدمرة م قادرة افهم مالوو،، بعدها سمعتو منفعل في التلفون بيكورك عديل ،، طلعتاا وقفت ف الصاله سمعتو بقول للبتكلم معاهو : دااا شنو العملتو فوقي داااا

وينا حبوبة ، اديني حبوبة ،،، قاليها حبوبه دي ما هي ، انا ما اشرت ليكي علي دي ، انا قصصدتا ال ..... ولا خلاص حيفيد بشنووةة استغفر الله يا ربي ، انتو ورطتوني ، زواج واتحسب علي يا حبوبه والله دي ما هي انتي كيف ما شفتيها ، وقبلتوها علي اتزوج وحدة بالقباحه دي حتي لو انا اخترتها انتو وين نظرتكم ، لا حول ولاقوة الا بالله ، اسي انا اسوي شنو في البلوة دي !!!!!

تعالو اوريكم انا : يوم زفاف ود خالي انجنا لمن جينا قعدنا انا ومهاد اصلا كانو في بتين في الطربيزة ، ( تتزكرو قلت ليكم ماسكات صيوانات بعض ) يلا جمبي بظبط كانت قاعده واحده لابسه نفس لون ملابسي ، وعصام كان موجود في طاولة حبوبتو ،بعيده مننا شويه ،، و لمن اشر ، اشر علي البت الجمبي ما اشر علي انااا ،، و لحد ما حبوبتو جات علينا البنات المعانا اتحركووو ،،

وجات مسكينة و سألتني والباقي انتو عارفنووو .......

اسي انتو لو في مكاني حتتصرفو كيف ؟؟

انتو عارفين انا حياتي اتدمرت ، حلمي ، غزفتي الصغيرة ، مكتبي الملان كتب ، سريري الملايتو طوالي مكرفسه ، دولابي الجايط ، ابسط الحاجات المتعلقه بيها ما موجودة ، مهاد والجامعه واحلامي المافي زول قادر يستوعباا ،، طيب كان طلبت الطلاق #الناس حيقولو شنو ؟

من غير شي #الناس ما راحمني ، عرست وووب ما عرست وبييين ، #مبشتنة ، شينة ، وشها منقرط و محبب ، ملابسا و معولقه ، عندها كرشه ، سمينة ، بتلبس نضارة ،، دااااااااا كلام #الناس

للتسف الناس ما بترحم ضعف الزول فيناا للاسف ....

انا حالياً ما حاسه بالاسف تجاه نفسي والله

انا حاسه بيهو تجاه عصام ، الزول دا فعلارم عندو زنب ،، هه زي بتاع الفواكه ، تقول لبهو اديني كيلو من داااا ، تمشي البيت تلقي اداك ليهو كلو ضارب وكعب = دا احساس الزول دا ، انا علي رغم فرحتي بيهو بس كمان انا ما انانيه انسان م عايزني ولا اختارني دي بدايه صعبه علينا الاتنين ...

رجعت محل كنت قاعده ، ومسكت راااسي

بالجد قعدت ابكي بحرقه و قصة و وجعه كدا جووااااا روحي والله ،،

بعدها المغرب اذن ، قمت صليت و قاعده في المصلاية ، خبط االباب و جاني ، قالي محتاجة حاجه ؟ هزبت لبهو راسي =لا

قام طلع من غرفتي ، لقيت لي مرايه وقفت قداماا ،، بعاين في نفسي ، ياربي انا للدرجة دي Ugly=قبيحة !!

فعلا ابتديت اشوف حقيقتي اللي يمكن انوثتي الجواي بتتهرب من واقعاا ، فعلا حسيت اني بشعه شديد ، مشيت كتبت ورقه و طلعت ، ناديت عصام ، قلت لبهو اتفضل اقراهاا لانو بالجد ما عندي الجراءة اني اتكلم معاهو ، ما قادرة افهم الحصل دا ذنب منو فينا لا انا لا هو مالينا ذنب ، اللهم النصيب جمعناا ،، اديتو الورقه ودخلتا ، اقراااا

الايام بينا ابتدت تتماشي و كل البينا سلام و احسن شي بناكل مع بعص ،، يلا الفترة دي كان فاضل اسبوعين علي امتحانات الفاينل حقتي ،، قاعدين نتغدا ،، و تنا باكل و كتابي في يدي ، قالي القراية ماشه كيف معاكي ، فلت ليهو حمدلله باذن الله لازم اطلع بأعلا تقدير ، ابتسم كدا قالي شغفك غريب ف القرايه ، ابتدا يتونس لاول مرة ، قالي علي فكرة انا قريت جامعه ، بس من في المتوسط عندي استاذ كرهني في الانجليزي ، واسي مسبب لي مشكله في الشغل و انتي عارفه شغل المكاتب ، ختيت الكتاب من يدي ، قلت ليهو انت اسي ورديه شغلك اتعكست المسا كلو ف البيت ، من بكرة نبدا قرايه خلال الاسبوعين ديل لحد م اسافر السودان ،، لانو زي ما وريتك في الوررقه انا بقعد بيت اهلي و ال ...... ،، قالي كلامك الفي الورقه عن الزواج وانك قابله بشريكة او لو عندي الرغبه في الطلاق .. انا ما حابي اتزوج تاني

والحصل بينا دا اسموو نصيب ، ربنا اراد كدا يمكن لخير ،، حالياً م ترهقي نفسك بالتفكير ف الموصوع دا اجتهدي في قرايتك ،، وقام مشا .... علي رغم من الحصل صدمة لينا الاتنين ، لكن متوفر بينا الاحترام ، و كلامو القالو لحظة الانفعال داك انا اتناسيتو ، يعني مهما بلغ الجرح في الكلام لازم الزول يكون منصف يطلع حقو وحق الزول دا بما يرضي الله .....

يتبع ....