اهاا ، تاني يوم من كلامي معاهو عن القرايه ، هو نسا وانا بقيت متزكرة ،، خلصت قرايتي بدري و فضيت ليهو ، لمن ناديتو قلت ليهو يلاا عشان نبدأ ، قالي نبدا شنو ، قلت ليهو انجليزي ، نطط لي عيونو قالي لالالا ما دايرو، قلت ليهو م عيب راجل كبير كداا و م عندك لغه و كمان منظرك قدام الناس ف الشغل لازم تكون قدر مكانتك الادوك ليها و تتقن عملك ، عاين لي بي تعجب كداا ، قالي يلاااا
اليوم داك كان اول يووم نقرا فيهو ، يوم بعد يوم هو البدا يجيني و قبل مواعيدنا المتفقين عليها ، بالجد يوم بعد يوم انا اتعلقت بالانسان داا ، لدرجة الضيق انا اول مرة حاجه تسد نفسي عن القرايه و بالي مشغول ، في يوم جاني قبل سفري بتلاته يوم قالي ازح السوق ،
قلت ليهو ليه ؟ قالي بس ارح ،،، لبست العبايه و الغطوة و طلعناا ،، لقيتو وداني السوق محل عبايات ، و براهو يقول لي قيسي و يشيل و يشتري ما خلا لي جزمة ولا شبط ، لمن وقفتو قلت ليهو ليه كل داااا ،، قالي ف البيت نتكلم ،، شلنا اكلنا و رجعناا
قلت ليهو ليه كداااا ..... م رد علي قالي ناكل ، اكلنا عشاناا ، و قام قداامي دخل غرفتي شال ورقه وكتب لي فيهاا ، و ختاها لي في مكتبي و طلع ،، انا جاني فضول دخلت اقراهاا لقيت مكتوب فيهاا ،، * عشان لمن تمشي السودان اهلك ما يحسو بحاجه ولا الناس تضايقك و غير كداا نوع من التغير ، و بعدين مرتي و جبت ليها كمان حتمنعيني !!
عاينت للباب لقيتو واقف قالي ما حنقراا ؟ قلت ليهو قرينا قبل قبيل .. قالي اهاااا مالو نقراا تاني ... قلت ليهو طوالي بس الم الاكل ،، قالي لميتو .. جينا قعدناا و نهائي م كان مركز بس خليتو اخد قعدتوو لمن نعس قام فات ..
جا يوم سفري ، واليوم دا هو ما مشي الشغل نهائياً ،، قاعد بس و مربع يدينو وانا المتحمسه ، لحد ما جات الساعه اربعه كداا اتحركنا علي المطار ،، مكشر و صاري طول الوقت .. انا خاته في بالي اني ما حارجع تاني دا قرار اخدتو من غير ما اشاورو لازم ابعد عشان ياخد قرار ويشوف حياتو من غير ما يتاثر بي .. قالي حتقعد كم ؟
قلت ليهو م معروف ربنا يهونه ، قالي حتتاخري ؟ قلت ليهو والله م عارفه ي عصام ،المهم واصل قرايه خلاص م فصل ليك شي و انت انسان ذكي ، ابدع ،،
عامتاً بيبتسم ، لكن الا اليوم داا ،، المهم وصلنا وخلصنا الاجراءت ، و داخله الصاله ، قالي وين ماشه ؟ قلت ليهو كيف وين ماشه صاله المغادرة ، قالي لسه فضل عشر دقايق خليكي هناا ،، صراحه انا زاتي دايرة اهرب ، بس م عارفه هو مااالو ،،
جا الوقت ، قلت ليهو يلا انتبه علي نفسك ولمن اصل بطمنك ، ومشيت كل م اعاين القا واقف ،، لمن ركبت الطيارة و بالي بس معاهو انا بالجد م عارفه حنفذ قراري دا كيف ،،
وصلتا السودان السااعه 7 اهلي استقبلوني
،،، امي استلمتني
مالك ما جيتي محننه واسي الناس تقول عليكي شنو ، عروسه مبشتنه زياده ووو...الخ ،، وصلت البيت نمت و م اتصلتا عليهو ، لحد الساعه 1 تلفوني رن اصلا م شلت منو شريحتو لان م كان عندي شريحه سودانيه ، المهم عصام المتصل ، من رديت ، كورك فيني انا هنا منتظر اطمن وصلتي ولالا وانتي مشيتي نمتي و انتي م عندك مسؤليه و من مشيتي و انا م...... وسكت ( دخل مواضيع في بعض لمن انتبه لنفسو سكت ) ...
اعتذرت ليهو وقفلتا ..
توالت الايام ، جات الامتحانات و مضغوطه ضغط الجن ، في يوم العصر مهاد جات تقرا معاي ، و كان في حريم جيرانا قاعدات ، امي في المطبخ و قاعدات بتونسو و طبعا انا حديثهم ،، هسي دي منظر عرووس ، البت م اتغيرت اصلها م بتنضف ، لسه بشحما و لحما داا ، انا ما عارفه دا ود منو الصابر عليها كدا الا كان معولق زيها ، و كان هي م عارفه امها دي صاحبة تجارب حقو توعي بتهااا ،،،
مهاد قالت لي بخيته م تركزي م جديد عليكي الكلام داا ،، سكتا بس لانو الناس ديل جوة بيتنا ، مهاد قالت لي بترجعي متين ؟
قلت ليها م راجعه انا ، قالت لي سجمي ليه ؟
( ....) حكيت ليها كل الحصل .. بس انا اخدت قرار لازم اتغير ما عشان كلام الناس ولا عشان نظرة المجتمع لي كفتاة قبيحه ، لا عشان عصام اتقبلني زي م انا و كان معاي راجل وانسان محترم
مع انه حارة شديد ، انك تكون متعشم في حاجه و تلقا حاجه تانيه و دا زواج ما لعب يا مهااد ، عايزة اتغير عشان هو يستاهل و زي م انتي قلتي لي قبل كداا ، عشان نفسي ما عشان الناس ....... طبعا مهاد دي اكتر وحدة كان كلامي دا بالنسبه ليها حلم كل يوم تهضرب بيه ...
في اليوم دا بالزات بالمسا ،، جو اهل عصام ، زاروني ، و طبعا ما محننه ، ما شامين فيها ريحه ، ما فيها نورة العروس مبهدله ، الماحتصدقو الوحيدة المفروض تقول الكلام دي هي ام عصام واصلو ما قالت غير انه هو الاختار و هو الاتزوج ، حارقين رزكم مالكم
اختو المبيرة جات علي اساس تبلغني انهم حيزوجو عصام وحدة تانيه عشان نظرة العيلة والمجتمع و كلهم بقولو كيف عصام يتزوج من غير عرس و وحدة ..... قلت ليها سكتي مالك تمي كلامك ،، قالت لي مافي داعي ، اخدو قعدتم ومشو ...
يتبع .....
أنت تقرأ
العروس الإفتراضية
General Fiction📝 بقلم: سحر سمير من المجتمع ( قصة حقيقية) النااس !! النااس النااس ،،، مالهم الناس ؟ لا الناس ! ههه اي الناس ، كل شي في حياتنا الناس ، الناس شايفانا ! الناس بتتكلم ! لالا عشان الناس ! الناس ممكن تتكلم علينا ! اسي التاس يقولو علينا شنو ! لالا ياخ اتا...
