طلابة عشگ ١٠
زينب الموسوي
سأت معاملة اخواني اليه وظليت اتوسل بنسوانهم حتى وحده تجي توكفني كرهت حياتي اخذوني للدكتور فتحوا الجبيره والدكتور گال لابوي استعجلوا على عمليتها التاخير مو زين بس اخواني ماقبلوا گالوا تظل هنا خلي الناس تنساها
مر شهرثاني زارتني ام احسان شافت وضعي ظليت ابچي گدامها ماتحملت گالت تريد تسافر لايران تعاي وياي
خاله ياهي يخليني اجي وياچ اهلي حكموا عليه اضل صگط طول عمري
حچيتلها عن وضعي كله باليل خابرني احسان
شلونچ كمره امي سولفتلي كلشي بس نايف شنو علاقته بالموضوع انتي تحبيه عندچ علاقه وياه اذا تريديه اروح اني عليه وفهمه
انت والله بطران اني كارهه عيشتي وانت تحجيلي بالحب
لعد ليش طلعتي من الكليه مچان وياج
طلعت من الكليه لان حظي اسود وحتى انت تجي تكسرني واظل معوقه طول عمري
احچيلي الحقيقه واني اشوفلچ حل والله قسم بالله اشوف حل وتتعالجين
حچيتله قصتي ويه نايف والعميد وافتهم واخر شي گلي
واني كملت المأساه ودعمتچ خليني اطلعچ من هذا الوضع
شلون تطلعني باالله تدعمني مره ثانيه وتموتني واخلص
لاتحچين بالموت الدنيا حلوه
الدنيا حلوه خاصه من تتوسل باحد يجي يوگفك لو يوديك للحمام
باچر اجي على ابوچ ويصير حل جونم
ماافتهمت شنو
هاي ايراني بعدين تعرفينه
ثاني يوم العصر احسان زار ابوي لمضيفه وياه صديقه زوج الدكتوره زهراء والدكتوره وام احسان اجوي يمي عرفت اسباب الزياره احسان يريد يصحح الخطا الي ارتكبه ويتزوجني حتى يگدر يطلعني من اهلي واسافر وياه للعمليه الزواج شكلي لان عرف اهلي هاملين علاجي ومصدگين اني كنت طالعه من الكليه ويه نايف ومثل ماابوي انطاني لبدر بدون موافقتي اخواني انطوني لاحسان وهمه ممصدگين خلصوا من سالفتي وعلاجي ونسوانهم رتاحن من مداراتي صار العقد بنفس الگعده الشعور بانك فجاءه تحولت لانسان عاجز وتنتظر عطف الاخرين عليك حتى يمدون اديهم ويساعدوك شعور مميت يسلبك الاحساس بالكرامه وفعلا تمنيت الموت بلحظه الي كان القاضي يعقد النا اني واحسان واني على كرسي متحرك والناس الي تشوف المنظر رده فعلهم حرامات العروسه معوقه خلصوا معاملة الجواز باسبوع واخذني احسان وامه ابيتهم حتى نسافر لايران اني كنت ابات بغرفة امه وهي الي تساعدني بالليل عرفت احسان عنده خطيبه بايران واكيد مفهمها على زواجنا شنو سببه ولاحظت هو وامه من يوم الي اجيت ضلوا يحچون ايراني بيناتهم قبل يوم السفر دخل احسان لغرفة وحچى وياي
جونم باچر نسافر واخواتي واخواني كلهم يريدون يشوفوچ ومراح نخليچ وحيده ولادقيقه وتسووين العمليه ونرجع اني وياچ للعراق
انشالله بس انت سالت عن العمليه سهله صعبه
سالت والله سهله بس راح تاخذين وقت علاج طبيعي حتى ترجعين تمشين لاتخافين مراح اعوفچ لحد مترجعين تمشين
والله ماصدگ ارجع امشي
كتلچ تمشين وترجعين كمره الحلوه الي خبلت نايف والعميد وبدر وعماد
همه الي خبلوني الله لاينطيهم كون
زين اني شعجب من شفتچ ماتخبلت دنزعي الحجاب بلكي من اشوف شعرچ اتخبل
انت اذا تشوف شعري توگع من طولك
اويلي لعد خلي اگعد وخليني اشوفه
لا احسان حرام ترى الي بينا موش زواج انت سويت هيچي لان تحس بالذنب اتجاهي وفضل من عندك ماانساه وادري عندك خطيبه بايران
منو گالچ على خطيبتي جونم
خالتي گالت وبطل تكول جونم لان سالت خالتي گالت معناها روحي خلي روحك لخطيبتك وساعدني اطلع للبستان اختنكت من البيت
سافرنا لايران وكانت معاناة السفر والم ظهري زادت عليه وحتى من وصلنا لبيتهم حسيت روحي اختلف عنهم وهمه ينظرون الي بعيون العطف وموقف خطيبته من شافتني لان ماكانت متوقعه اني حلوه وبدت تغار على احسان وسالتني على كلشي وظلت تسال على العمليه ليش ماسويتها بالعراق ومنو يدفع المصاريف وكلشي سالت عنه اسمها نورهان
بدت الفحوصات ومراجعات الاطباء احسان مچان يتركني دقيقه واخته حنين وياه وكانت عنده تصرفات تهون عليه الالم وميخليني احس اني ثقل عليه وكلمة جونم كانت نهايه كل جمله تصورت هو ماتعود على الكلمه وانتبهت ميكولها بس وياي بيوم العمليه كانت حنين وياي غيرت ملابس ولبستني ملابس العمليه وقبل البنچ دخل احسان لغرفتي انتبهت على ايده ترجف وهو يحچي وياي
جونم لاتخافين ترى العمليه سهله
هو انه الخايفه لو انت شمالها اديك ترجف بالحالتين ترتاح مني اذا نجحت العمليه تردني لاهلي واذا متت اروح يم رب رحمن رحيم
شنو هذا الحچي تطيبين وتمشين واخذچ لاصفهان بيها مناظر تجنن وبيها بنات تموت يخبلن
هذا الكاتلك البنات موش انت خاطب
واذا خاطب يعني انتي من تدخلين للسوگ راسا تاخذين فستان وتطلعين. لو تدورين وتگلبين وتناقشين السعر واللون وتختارين غيره وغيره الى ان تصفين على راي احنا الولد هم هيچ نفتر ونجرب ونتفرج وبعدين نقرر
والله حچيك صدگ وبيكم يخلصون عمرهم وهمه يفترون ويدورون
لعد كافي كل شويه تكوليلي خطيبتك وخطيبتك
دخل الدكتور وياه المساعدين والممرضات حچوا وياه بعمري ماحسيت بالخوف مثل ذيچ اللحظه اخذوني لغرفه العمليات كان احسان وامه واخته حنين وياي بقيت بالعمليه اكثر من اربع ساعات والبنچ صحيت منه بس مااركز حولي منو وشيكولون عرفت ابوي متصل بيهم ومخبريه زينه وعمليتها نجحت الصبح وعيت على نفسي حنين يمي سالتها شصار
الحمد لله العمليه ناجحه وكلشي مابيچ لاتخافين وتبچين ترى البارحه موتينا بچي كافي كلها شهر يخلوچ تمشين
چا هسه مااگدر امشي
حبيبتي الفقرات مربوطه ببلاتين يراد علاج طبيعي وشويه شويه تكعدين وتظلين تتعودين على المشي
بس اكو امل امشي
تمشين والله بس اصبري
بعدها دخل احسان التصرف الغير متوقع منه كان حضني وباسني وحنين موجوده فسرت تصرفه يمكن خايف عليه كان او مفهم اهله احنا متزوجين بس امه تدري احنا ماتتزوجين وسبحان الله احنا البنات عدنا القدره ننسى كل مصايب الدنيا من نحس الشغله بيها حب وزواج واحسان كان كلامه بسيط وسهل تتعلق بيه او يمكن كنت غريبه وهو موقفه كان شهامه وانسانيه مشفتها بنايف وبدر وحتى اهلي حچى وياي
الحمد لله على السلامه جونم
الله يسلمك وكافي من جونم
ردت حنين ليش ميكول جونم الچ لعد المن يكولها
لاهي تريدني اكولها بس بالعربي
كولها بالعربي وفضها
اكولها بس غير انتي يصير عندچ احساس وتطلعين اريد احچي وياها
طالعه عيني بس ترى البنيه بعدها فقراتها مربوطه جديده مو ماصدگت
احسان كان يحچي وياها واصابع اديه تمشط خصل شعري
من طلعت حنين احسان سالني
تحسين بالالم
ئي الالم اليوم اقوى من البارحه
الدكتور گال عادي كم يوم ويروح الالم بس تدرين شگد خفت عليچ البارحه
شفتك خايف عليه
حتى تعرفين غلاتچ عندي انتي سويتي عمليه بظهرچ بس اني يرادلي عمليه بگلبي
ليش شماله گلبك
ماادري مااگدر اسيطر عليه
اسمع كلامي اختك الصغيره ترى كل المصايب تبدي بدكة گلب وتخلص بكسرة كلب
لا انشاالله ماكو كسره گلب جونم
كافي جونم روح گولها لخطيبتك
هم اگولها الها جونم
ليش كم روح عندك بزونه انت بسبع ارواح
والله يمكنعلقوا خلي نعرف شراح يصير برئيكم احسان يحبها لكمره لو يعطف عليها 💕❤️؟
انزل بارت النهايه الساعه ٦ اريد تعليقات خلينا نوصل بيها ٣٠٠ حبايبي