طلابة عشك ٧
زينب الموسوي
ثاني يوم اجتي هديل لبيتنا انطتني تلفونها نايف يريد يخابرچ شلون تنخطبين لابن عمچ وتعوفينه
چا انا موش گتله تعال ليش تاخر ابوي اطاني بعد مابيها رجعه هذا ابن عمي يبدونه على الغريب. اتصل نايف. ها نايف ليش ماجيت ليش تاخرت عليه. على ماجمعتهم الناس موش فارغه اسمعيني گمره نشرد اني وياچ. شلون اشرد انزل عگال ابوي واخوتي عمت عيني كون اسويها انهب هذا ضنك بيه يانايف مع الاسف عليك. چا تاخذين بدر وتركيني اتسودن تسوين مثل ماسوت امچ
شسوت امي مانهبت تزوجت وطلعت من بيت ابوها ابيت رجلها بويه كون انت هسه يمي وتجيب طاري امي موش اذبحك وبس اكلك بسنوني ولچ انتي ماتفتهمين انه احبنچ تركت كليه الهندسه علمودج ومستعد اترك الكليه واهلي وعشيرتي واخلي ايدي بايدچ ونشرد سوا روح نايف هذا اخر حچي وياك
اگلچ هو بكيفچ اخر حچي اسمعي مني تروحين تاحچين ابوچ تفهمينه ماتريدين بدر لا والله افضحچ واخلي الناس كلها تدري بعشگنا رسايلچ عندي لو نسيتي
هذا انت التسولف نايف تهددني بالرسايل ماضنيتك ردي مع الاسف عليك
شوفي ولچ انه مسودن وصدگي ماتاخذين غيري لو اعرف اكتل بدر واكتل ابوچ واكتلچ گمره مو بيدي احبنچ روحي فهمي ابوچ ماتريدين بدر
لاخويه اريده بدر ابن عمي ومااريدك انت والرسايل انكرها ياهو اليگول هاي رسايلي
سهله ياگمره اعرف شلون اخليچ تندمين
صار الاعداد وخطبني بدر داومت بالكليه خايفه من العميد ومن نايف ورده فعله اول يوم شافني عاد نفس الحچي وعدت عليه نفس ااجواب ظل
ينشر حچي بين الطلاب عليه وكل ميشوفني يسمعني حچي بذيچ الفتره عرفت حبي لنايف كان وهم وانخدعت بيه بس بدر هم ماكنت احس اتجاهه بالحب وحتى من صار عندي موبايل ولامره اتصل بيه او اتصلت بيه وحددوا زواجنا بالعطله
والعميد عرف انه مخطوبه لابن عمي ودا
عليه وظل يغلط عليه وعلى اهلي وگلي معدان همج متخلفين حلفت الا اگول لابوي وگتله ابوي خابره وغلط عليه وگله الا اسويها گوامه وياكم بس اخواني قنعوه يتركه حتى ولد عمي مايسمعون داومت اسبوع كامل ماشفت نايف ما داوم من سالت عنه گالوا مريض اخذت رقمه من اصدقائه واتصلت بنايف سمعت بيك مريض لا موش مريض اريد اموت احسن مااشوفچ عروس لبدر. چا انا شبيدي ماتگلي جا انا مااحبنك موش اتصلت بيك وگتلك تعال ابن عمي يريدني ليش تعتب وانت السبب ولچ ماتاخرت يومين اتوسل بالضابط حتى يجي وياي والشيخ والسيد ولميتهم گوه گمره بيدچ الحل نشرد اثنينه. من تكول هچي تمرد گلبي التشرد بس المسويه مكسوره سوده وي عشيگها نايف شتگل لجهالك نهبت امكم وتظل تنطر على بناتك خاف يطلعن على امهن انتي تفكرين بكلشي بس بيه ماتفكرين خايبه والله اموت وياريت اموت ولا اشوفچ لغيري لو تشردين لو اكتل بدر اذا كتلت بدر تنكتل وياخذني عباس ولچ والله شلعتي گلبي ماتخافين الله انتي
والله التكوله غلط انا احبنك ورايدتك بس هاي قسمتنا يابعد روحي نرضى بيها وهاهيه
انتي ارضي بقسمتچ انه لا
ياچا شتسوي
اتسودن والمسودن ماعليه حرج. خايب روح اتسودن مالي غرض بيك هسه تشوفين المسودن شيسوي داوم نايف بالكليه وبيوم خميس اني اجي للكليه من وكت احنا العشاير نحب نگعد من غبشه والسايق يوصلني من وكت حتى يرجع يگضي شغلات ابوي لگيت نايف واگف باب الكليه صاحني گمره نايف شرايد. تعاي حاچيچ بالكليه عيب الطلاب تعرف مخطوبه
الحمد لله من افتهمت اني مخطوبه وانشاالله تتوفق ويه غيري نايف ترى مو بيدي واحنا دخلنا علاقه مافكرنا بعشايرنا وانت ماقصرت وفيت بوعدك خطبتني بس تاخرت وخلصت حچايتنا لهنا فدوه اغديلك بعد بسك كافي
هاهيه گمره كافي
دخلت للكليه بدا الدوام وجتي الطلاب جتي عليه هديل شفتي شمكتوب على باب القسم
لا ماشفت
لچ اسمچ واسم نايف بالصبغ الاحمر. ولازگين رسائل تگولين بيها احبك يا نايف وبعد روحي يانايف
صخام بوشك نايف
ردت اطلع رئيس القسم صاحني رحت گمره العميد يريدچ
استاذ الله يخليك تعال وياي ادري على سالفه اسمي على باب القسم والرسائل بس انه مااگدر اروح للعميد وحدي
بنتي روحي العميد يريد يستفسر منچ لااكثر ولااقل
رحت للعميد اول مشافني
ها بت الشيخ طلعت سوالفچ حب وغرام ومخطوبه لواحد ثاني هسه اذا ابوچ يدري شيگول. ليش ساكته احجي
دكتور نايف خطبني واهلي مارضوا بيه ويسوي هيچ حتى ينتقم
مالومه گمره اني دكتور وخبلتيني انتي حرام تصيرين لرجال واحد
چا شلون اتزوج اثنين
منو جاب طاري الزواج روحي تزوجي ابن عمچ وراها خلينا حبيات اني وياچ منو يدري
دكتور عندك بنات متخاف عليهن من انتقام الله
عندي بنات بس مو مثلچ انتي تاخذين العقل فكري زين لا والله ماتشوفين النجاح وهذا نايف هسه اصيحه وانطيه فصل اسبوع ورا الاسبوع نلزمه يغش ويعيد السنه لعيونچ بس انتي حني عليه شخسرانه
طلعت من المكتب وانه كارهه روحي وعيشتي لاگاني نايف بالعماده
ها ضبطتي الامور ويه العميد سهله اليوم من ارد لاهلي اخلي عمي جبار المسودن يصيح گمره تحب نايف وخلي ابوچ وبدر يسمعون
الله لاينطيك والله لاينطيني لان امنت بيك تاركه الكليه الك مااريدها طلعت من الكليه
برائيكم تصرفات نايف تدل على الحب ؟ وهذا العميد موجود مثل شخصيته بجامعاتنا 😭😭
