طلابة عشگ ١
زينب الموسوي
العشيره وحده اجتماعيه لايستهان بها ذكرت بالقران بقوله تعالى وانذر عشيرتك الاقربين. العشيره اقارب بينهم صلة الدم وفي فترة من تاريخ العراق كان دور العشيره واعرافها وقوانينها شبه ملغي وبعد تغير الحكم اصبحت العشيره اقوى حتى من القانون تغييرت من الامر بالمعروف والنهي عن المنكر الى سلطه جائره قصتنا اليوم تحچي عن عشيرتين في جنوب العراق ولن نذكر اسم العشيره لكونها من العشائر العريقه ولانقصد الاساءه اليها بل نريد تسليط الضوء على احكام باليه وظالمه لابد من تغيرها
في منطقه عشائريه بجنوب العراق كانت عشيرتين متجاورات وبينهن علاقات ونسب فديوم الشيخ الصغير لعشيرة الازرگ وهو بالزرع شاف بنيه وجهه مثل البدر في ليلة تمامه الشيخ اسمه علي صاح على واحد من الفلح عنده
جاسم هاي البنيه هناك ياهي ؟
عمي هاي نعمه بنت سويلم من ال زون
سويلم هذا الفگر هاي بته متزوجه معدود عليها
ماادري ياعمي. شوف سويلم تجيبلي خبرها اليوم للمضيف صار عمي
شيخ علي ابن الشيخ هاشم متزوج وعنده نسوان اثنين بس يريد الثالثه حتى الشيخه ماتطلع من بيت ابوه وتروح لعمه قاسم والنسوان مجرد حقول تفريخ كل تسع اشهر لازم تجيب طفل ولد واذا بنيه الزوجه تنهجر وتتحول للخدمه عرف الشيخ علي نعمه مخطوبه لابن عمها جبار العسكري ومنتظر سلفه الزواج حتى يتزوجها جن جنونه جبار المخربط ياخذ هاي واني علي ابن الشيخ هاشم عندي نسوان اثنين شوفتهن تلعب الروح اسمع سويلم اكتب مكتوب وتسلمه بأيدها باچر بالزرع
عمي نعمه ماتعرف القرايه والكتابه
چا شلون حلها والله ان مااخذتها اطلگ نسواني اثنينهن
ثاني يوم الصبح علي من غبشه انتظر نعمه بالزرع وسلم عليها
وعليكم السلام خويه ياهو انت
ماتعرفيني يانعمه اني شيخ علي ابن شيخ هاشم من ال الازرك
هلا بيك خويه اصيحلك ابوي
لا ابوچ خليه هسه اگلچ انتي صدگ مخطوبه لابن عمچ جبار
اي من احنا جهال مخطوبين. بس جبار مايستاهلچ انتي لازم تاخذين شيخ ابن شيخ وماتطلعين للزرع والشلع والكراب شتگولين اذا تاخذين شيخ
اني اخذ شيخ عمامي مايرضون
انتي ارضي وعماچ عليه
ياهو الشيخ الياخذني
اني الواگف گبالچ
چاانت ماماخذ ماخذ اثنين واريدچ الثالثه. لاخويه مايصير نسوانك يفرسني اني ماعندي مره تعارض الي اريده يگولن حاضر
بكيفك خويه حاچي ابوي
الشيخ علي بوجهه على مضيف ابوه حچاله يريد نعمه بنت سويلم من ال زون
وين لگيتهم هذوله فگر ولد فگر
بس بويه بتهم حلوه وانت شايف نسواني الدفان يشرد من شوفتهن
خوش نروح لشيخ عشيرتهم ونحچي وياه ويمشي على عمامها وننطيهم چم فلس وتاخذها
راحوا لشيخ عشيرة الزون الشيخ عظيم وحچوله السالفه اخذ منهم مهله يومين وافقوا على المهله
نعمه ابن عمها جبار كان يحبها ومنتظر اليوم الي تصير زوجته
شيخ عظيم ودا على ابوها وعمامه ومنهم ابو جبار خطيبها
شيخ علي رايد بتكم نعمه ادري تگولولي مخطوبه لجبار وينه جبار صار سنين البت متانيه الشيخ ينطيكم كل واحد هايشه ومره من عشيرة الازرك تنزف لجبار بمكانها وبلايه عداد مره بلاش مجهزه لابنكم بدال نعمه شگلتوا الهايشه استراليه لكل واحد لاتتاخرون الزلمه مستعجل
احنا موافقين بس جبار شلون
ياجبار هذا المسربت يكسر حچي الشيوخ هو عسكري ماينزل الا بالشهر مره نزف ومن يجي گولوله الصار ويريد مره ال لازرك بناتهم مالها حد يطب ويستخير قبضوا اهل نعمه المهر والمعلوم والهوايش بيوم العرس
نكمل القصه الكم يالغوالي خلونا نشوف تعليقاتكم الحلوه
نسمع تعليقاتكم ٣٠٠تعليق اكمل البارت الثاني ب٨همتكم ويانا
