طلابة عشگ ٤
زينب الموسوي
اجيت الامتحان الثالث وشفت نايف
الامتحان صعب اليوم
. اي والله صعب الله لاينطيهم واني طلعت بدون اكل هسه احس راح اوگع من الجوع
صدگ تحچين اكو واحد يطلع للامتحان بدون ريوگ هسه اجي راح جاب لفه هاچ هاي الفراشه تبيع لفات
يا اكل بالشارع
فوتي جوا اكلي وتعاي
موش تروح هسه اجي
اكلت اللفه بدقايق شي يخليني استعجل حتى ارجع اسولف ويه نايف
ها بعدك واگف تعال اليوم وياي بالسياره.
گمره تريدين يعلگوني ويذبحوچ خلي الناس ناسيه وساكته
مو گلت تحچي قصه وينها
بعدها ماكامله خلي تكمل واسولف
انت شتريد تدرس ياكليه
اتمنى هندسه بس امتحان اليوم يمكن راح ااجل واعيد السنه.
لا شني تعيد السنه خلصها وشني يطلع ارضى بقسمتك
هيچ تشوفين زين انتي شتريدين ابوي يگول مدرسه واني بس اريد اطلع من العشاير واشوف الولايه انشالله تطلعين ظلينا يوميه نسولف ونوكف سوا صديقتي حليمه سالتني هذا منو يوميه توكفين وياه هذا كرايبي من غير عشيره
شلون گرايبچ وشلون من غير عشيره
قصه طويله اكولچ انتي هم ضايجه لان راح تخلص الامتحانات وبعد كل وحده تروح بطريق.
هسه خل تخلص موش ارواحنا خلصت من السادس وضيمه
اخر امتحان ظلينا اني ونايف وحليمه واگفين نحاول نقدر درجاتنا بكل درس ونسال ونجاوب قبل لااروح للسياره گلت لحليمه الله وياكم يمكن بعد مااشوفكم.
سالني نايف ليش متجين للنتائج
لا واحد من اخواني يستلمها بمكاني ادعولي وادعيلكم
هاچ هذا كتابچ
مو ش كتابي هذا.
لا كتابچ گمره اخذيه
اخذت الكتاب وفتحته بالسياره كانت بيه رساله
ادري احنا لازم واحد يكره الثاني بس الله زرع بدل الكره حب بگلبي الچ وارتاح من اشوفچ ماالوم عمي اتسودن بحب امچ اذا كانت تشبهچ گمره اني هم راح اتسودن راح يوميه انتظر يم گاعكم بلكت اشوفچ
سديت الكتاب وضميت الرساله بين الخوف والرغبه بالرد عليه ادركت اني عندي نفس الشعور اتجاه نايف يمكن صدگ كل ممنوع مرغوب بس انه وياه مستحيل نصير سواه بينا فضايح وثارات وطلايب يمكن الناس تتغير والله يحلها هو ماگالي ينتظرني الصبح لو العصر مرت عشر ايام طلعت النتائج راح ابوي للمدرسه عرفت ناجحه ومعدلي ٨١ وابوي شايف حليمه ناجحه بس ماعرف شكثر معدلها بقيت افكر نايف نجح لا مرت ايام اريد اعرف واشوفه عندنا مره چبيره تشتغل ويانا بالبيت الصبح گتلها ام كاظم امشينا نطلع الزرع اوگف يمچ وانتي تخبزين
ابوچ الشيخ مايرضى يگول هاي الناس تشوفها وتخطبها
چا اني موش اروح للمدرسه تروحين وتردين بسياره محد شايفچ
راح احاچي ابوي واطلع وياچ
بويه صباح الخير.
صباح الگمره ياگمره شعندچ گاعده من الصبح.
بويه ضايجه خليني اطلع للزرع ويه ام كاظم بس شوف زرعنا وگاعنا ورد
روحي البسي عبايه وطلعي بس عيونچ
الله يطول عمرك بويه
اني اصلا البس عبايه بس بالزرع النسوان ماتلبس مرات يتحزمن بيها لبستها وطلعت التنور بصفه كوخ يخلون بيه شغلات تخص الحيوانات حشاكم وگفت بسده باوعت من بعيد شفت نايف مااگدر اقترب راد يأشر لي بس نزل ايده خلصت ام كاظم خبز واحنا واكفين واحد يباوع على الثاني ام كاظم انتي ربيتيني على ايدچ
اي گمره انا الربيتچ
شكثر تعزيني بروح ابوچ.
عزچ چثير انتي كل الناس تعزچ
چا خوش تشوفين ذاك الولد الواگف. اي اشوفه ياهو هذا.
بالامتحانات چان وياي روحي اساليه نجح وشكثر معدله.
شلون شني قصتچ خايبه كمره. ماعندي قصه بس اريد اعرف اخاف مطلع اكثر مني
خوش اروح
راحت سالته ورجعت لي يگول ٨٧. فلك طره ٨٧ معدله چا يروح هندسه وشگال بعد.
گال سلميلي على گمره وباچر انتظرها.
فضحني المسودن
گمره هذا عمه جبار المسودن هو النهب امج.
ام كاظم امي مانهبت راحت لاهلها بس النسوان سونها ناهبه.
بس كمره اهله واهلچ عداوه
ادري بس خليها على الله ولاتكولين لاتوصيني ماگول يلى نرد لاهلنا
يله نداريت بعده واگف ثاني يوم طلعت ويه ام كاظم وگفت بسد الكوخ محد يشوفني بس الي جاي من كتر الشارع والشارع الصبح بالريف فارغ اشر لام كاظم.
ام كاظم روحي شوفي نايف.
يا هذا هم واگف اليوم
على كيفچ ام كاظم بيده ورقه محتاجتها كلش تفيدني من اسجل بالكليه روحي جيبيها
ورقه للكليه چا هو المدير المحافظ هاي سوالف عشگ ياگمره
. وشبيه العشگ انتي وابو كاظم مو حاطين صحن وتباوعون على المسلسلات كلها عشگ وحب.
دهر صابچ اخوتچ اذا دروا تصير كاتل ومكتول
هسه روحي بسرعه نار التنور راح تهفت
امري ل الله اروح جابت الرساله
امس ضنيت روحي احلم من شفتچ
كمره اني احبچ لاتساليني شلون حبيتچ حتى اني ماادري شلون تگدرين تگربين من الشارع اكثر اريد اشوفچ اكتبيلي رساله باچر اريدها شني راح تدرسين فهميني حتى اقدم مثلچ
كتبت رساله نايف اخاف نبدي قصه نعرف نهايتها فراگ انه مثلك اطلع يوميه لخاطرك ابوي راح يقدملي تربيه هنا بالمحافظه ليش ماتقدم هندسه انت تريد هندسه والبصره قريبه وبيها هندسه گلي من تنزل للولايه حتى اخلي ابوي ياخذني وياه يمكن اشوفك ومااگدر اتگرب على الشارع هاي اخر مره اطلع اخاف الناس تنتبه على وگفتك وانت لاتجي يوميه وديت الرساله بيد ام كاظم وماطلعت وصيتها اذا انطاچ رساله جيبيها بسكته
احلى مافي البيج تعليقاتكم الحلوه
لعيون السهرانيين ويتابعونه عاشت الانامل الي تعلق اذا تريدون اكمل گولوا
