سول عليها الفرملية قالت ليه راه مشات لعناية المركزة مشا تيجري لقاها كطل على زينب و كتبكي ... شدها و عنقها و بقا تيبكي حشومة عليك ا مريم لي فيا يكفيني تسنايني حتى نجي و نديك ماتخلينيش نحماق
مريم: راه غير بغيت نشوفها توحشتها واش ممكن تقول ليهم يخليوني ندخل عندها ... زير عليها فعناقو و قال ليها أجي نمشيو بجوج عند طبيب حيت إلى رجعت و مالقيتكش أنا لي غنموت مشاو عند طبيب سمح ليها دخل لمدة 5 دقائق ... دخلت لقات صاحبتها كلها خيوط ... ريحت حداها وشدات ليها إيدها و حطات راسها على إيد زينب و بقات كتبكي ... نتي كان فيك مي و ختي و با سمحت فكلشي على قبلك ماتسمحيش فيا نموت بلا بيك عفاك أختي قاومي قاومي على قبلي و أنا كنواعدك نعيشو حياتنا حلال و طبيعية غير فيقي .. و هي تحرك زينب إيدها هزات مريم راسها شافت فيها لقات عينيها كيرمشو مشات كتجري قالتها لطبيب جا دخل و هما يخرجو مريم .. مريم كتسنى و كتبكي و يونس كيبكي على مريم حب حياتو لي واخا فاسدة ولكن لقا فيها داكشي لي بغا بغاها من كل قلبو ... خرج عندهم الطبيب و اﻹبتسامة بوحدها لي على وجهو كتبشر بالخير طارت عليه مريم دكتور أش طرا زينب فاقت ياك
الدكتور: تهدني صديقتك راها فاقت و أول ما قالت هي مريم فينهيا ... وهي تقول ليه مريم هأنا هأنا تمات غاديا قاصدا العرفة لي فيها صاحبتها حبسها الطبيب قال ليها من هنا شوية غنطلعوها لغرفة لفوق و شوفيها .... مريم مشات عند يونس و عنقاتو و دموع الحزن تحولو لفرح بركت تسنا صاحبتا حبيبت قلبها رفيقة عمرها باش يخرجوها ملي خرجت غادين مطلعينها لغرفة لي لفوق مريم غاديا وشادا ليها فإيدها
زينب: ماتخافيش عليا أنا قوية
مريم: باينا فيك
زينب: بدينا عاوتاني .. سبحان الله ماكتبدليش
مريم : إوا الله يخلينا فصباغتنا ... يتبع ( القصة قرباات تسالي مابقا قد مافات)
