اش بان ليك نهربو.. زينب عجباتها الفكرة وتافقات هي ومريم باش فليل يهربو وكيما بغات تجي تجي يا ربحة يا دبحة وصل ليل لبسو الحوايج بزاف سروال فوق سروال.. وتريكو فوق تريكو.. دارو 9 يتلاقاو حدا شانطي لي فوق الدوار خرجات زينب هي الأولى نوضات عجاجة فطريق هشام الكروج كيجري مشات بقات شي ربع ساعة وهي تبان ليها مريم جايا كتجري...
مريم: جري جري اصاحبتي جري
زينب (وهي كتجري): ياكما شافك شي حد
مريم: لأ غير جري... بقاو كيجريو لمدة نصف ساعة وهما يريحو فجنب طريق
مريم (وهي كتلهت): دابا خاص غير دوز شي حديدة من هنا ونوقفوهم فينما كانوا غاديين يديونا.. شي شوية ماغدوز غير واحد اللوطو واعرة صايقاها مرأة شيرو عليها فاتهم شوية وهي توقف مشاو كيجريو عندها طلبوها ورغبوها فالأخر قالت ليهم طلعو biensur حيت بالنسبة ليها زينب ومريم جوج دجاجات بكامونهم... ديمارات وشدات الطريق وهي تقول ليهم فين غاديين المهم عاودات ليها زينب... وهي تقول ليهم اوا مرحبا بيكم عندي أنا ساكنة فكازا وسميتي فاتي.. بقاو شادين طريق وصلوا لكازا وقفوا حدا واحد الدار نزلوا وحلات الباب ودخلو لقاع الدار لقاو جوج بنات باركين وحاطين شراب وسجائر والماكلة
