حب بعد منتصف الليل

الجزء السابع عشر الفصل الثاني

#الـسابـع عـشر  من الفصل الثاني

#حرير#بعد_منتصف_الليل

بقلمي #نشــــوى_السٌــلطاني ...❤️

حرير.. شذى كطت التلفون بحضني وراحت.. طلع ابو قاسم حرك السيارة.. بقيت ادحگ عالديرة بقهرر وألـم 💔

راح اروح ومارجع بعد خل ارتاح بلكي ترجع الامور الى مجرااهه ...

ابو قاسم... حرير.. دحكي عليه راح تروحين ادري بيج  تعبتي ومليتي من الضغوطات بس

اسمعي انتي فكري زين .. شوفي احنا كلنا مقدرين حبج وعاذريج بس صدكي اذا مو اليوم

باجر اذا موباجر بعد سنة ..ليش لان النسيان نعمة اذا نبقى تنذكر اللي نجبهم ومانكدر نتعود

على فراكهم .. جان الناس كلها ماتت بالحسرة
اخوية راح الله يرحمة ،. انتي تعبتي جثير ومالج

احد يمكن هالحجي سمعتي من عدنا جثير بس
احنا دنحجي المصلحتج سامر دحام بكيفج اهم

شي سعادتج فكري على مهلج بس اهم شي
نزوجج جثير بنات يغارن منج ماريدهم يجيبون
سيرتج بحجايه موزينه ..

حرير.. يحجي ابو قاسم واني مارد بس اهز براسي يحجي واني ادحك عالدرب من هين

جان يطلع للاردن من هذا الشارع جان يروح
ربي رحمتك شوكت اتعود بدووونه 😔

دحام،. كعدت من نومي الساعه ١١ اووو شكثر نمت .. كمت الحيلي غسلت وجهي.. شلت
المنشفه دانشف وجهي تلكتني امي

ام. دحام.. اسويلك ريوك يمة ..

دحام.. اذا اكو جاي انطيني.. اكول عجل وينها
ست سحر وين موليه...

ام دحام،. دتغسل بالحمام... اكول  يمة ماترجع حرمتك كافي عاد..درجعها يايمة

دحام.. اني ارجعها كل عقلج خل تولي نسيتي شسوتلي سالفه لو محترمتني ماسوت اللي سوته خل تولي...

ام دحام.. عجل شنون تبقوون هيج...

دحام،.. يمة سدي سالفتهااا

حرير... وصلت بيت خالي.. نزل ابو قاسم سلم عليهم وراح.. من زمان مورايحة الخوالي محد

يوديني لان بيتهم بعيد عن الديرة.. خالي جاسم متزوج وعدنوولدين صغار  ووو  نوفه .. 

بس نوفه بعدها صغيرة عمرها ١٥ مامتزوجة .. حرمت خالي انسانة طيبة.. ومن اهل الله..

نوفة... اشعجب جيتي والله يوميه اكول الامي حرير بذاته ماتسأل علينا ولا تجي

حرير.. والله حككم  بس والله محد يجيبني وهمهم الدنيا كلها على راسي ولا اللي نفس اطلع بعد الگلب مليان قهر

ام نوفه.. اييي والله كالو مقهورة على ابن عمج
سودة عليه ماتهنيتي بي

حرير... راح بعد الله يرحمو .. شنسوي هذا نصيبنا...

ام نوفه... الله يعينج وعين امة والله ماتروحون من بالي...

حرير... يحاجوني واني عيني عالمبايل ليش مارجعتو ويا ابو قاسم... فتحت الجنطة وضميت

التفون... مدري شبيه اتلفت يربي اني معقوله اكدر انام هين بعيد عن غرفة سعد وملابسو
اشجابني شورطني..

نوفه.. حرير.. كومي كومي

حرير... وين يولي خلينا كاعدين

ام نوفه .. اطلعي وياهه بالربيع.. غادي من عدنا زرع وخضرة روحي اطلعي افتري..

حرير... الله والله من زمان اتمنى اطلع مكان جبير واسع افتر بي انسى هموومي

نوفه.. عجل دكووومي... ويايه

حرير.. شلت هدومي والجنطة بيها التفون خليهم بالغرفه.. وطلعت...

فرح.. هاي صدك سوته وراحت ليش خليتوها ترووح

شذى.. عوفيها خطيه من زمان اطلعت عوفيها
اللي مر عليها مو قليل بلكي تنسى تتعود

فرح.. اوووف الله يعينا ويعينهااا

دحام.. شربت جاي وطلعت.. افتر بالسيارة محتار وين اروح الدنيا طالعه من عيني ربي

ليش خليته بطريقي ليش خليتني احبها اااخ
راح ابقى افكر بيها مادكدر اركز بشي شسوت

بيه هالبنيه.. اخذت حيييلي... نزلت للكهوة
بقيت كاعد.. صافن وحجيها وصوتها مافارك

مسامعي.. واني كاعد بالصدفه شفت
صديق اللي... هلا ابو شهااااب

ابو شهاب... لكككككك هلا والله هاي وينك
شو مختفي ماتبيين..

دحام.. تعال اكعد ويت رايح...

ابو شهاب... اي نكعد شكو ورانه...

دحام.. اخبارك شو ماكووو

ابو شهاب... والله كاضيها ديااحة😂

دحام... ماتنلام ههههه

ابو شهاب.. يمعود طلعت ارواحنا شبقى بالعراق غير الاغام والممففخااات

دحام.. اي يشرفي ماتنلام والله...

ابو شهاب.. دشتغل على خط سوريا.. ماالك نية تروح..

دحام.. لا لا ماروح شسوي اروح

ابو شهاب.. عجل ونسات كبل وين راحت

دحام.. يمعووود ملتهي شغل تعبنا كافي عاد ونسى..

ابو شهاب.. المهم خاف الك نية فد يوم تسافر رقمي يمك انطيني خبر...

دحام.. الله كريم... ان شاءالله ...

محمد.. الله يساعدهممم... خوش مجموعين
محد كال ادز على محمد..

ابو شهاب.. لك هلاااا... شنوونك..

محمد.. هلا خوويه مشتاقين...

دحام.. كعدنا اني والربع.. شوي لهيت نفسي
مدري شبيه اهجس نفسي مخبووص

حرير.. طلعت اني ونوفة اخذتني عالزوع افتريت وضحكت اني وياهه الديره يمهم تخبل الناس

كلهم طيبين.. صارت الساعه اربعه ردينا للبيت
لكيت خالي. جاي من الشغل... سلمت عليه

ابو نوفه.. يولي شنونج اخبارج.. صايره حرمة
كبرنا ماشاءالله عرووسة..

حرير..  ابتسمت خجلت... ودنجت راسي...

ام نوفه.. يمعود خجلتها ههههه

حرير... ضحكت لا لا عادي..

ابو نوفه.. شنونها امج اخبارها

حرير.. والله نفسه بعدها تعبانه من كثرة الادويه

نوفه... حرير.. كومي يمي بالمطبخ اريد انضف

حرير.. اي هسه اريد اكلج..خل نكوم للمطبخ
بس انطيني السجاده خل اصلي والحكج

ابو نوفه .. بالغرفه السجاده توني صليت وخليتها

حرير.. عجل اكوم اصلي واجي وراج... طبيت للغرفه.. مديت السجاده صليت وكملت كمت

علتفون .. لكيت مكالمتين من فرح... دكيت عليه وكطعته ماعرف شكد بي رصيد خاف يخلص

انتضرت شويه مادكت فرح...رجعت التلفون بلجنطة.. رحت ويا نوفه.. ماكدر اكعد متعلمة

عالشغل.. نضفنا المطبخ وسويت وياهم العشى
تعشينا وشربنا جاي.. كعدو كلهم عالتلفزيون

اني ماحب اتابع شي. طبيت الغرفه لكيت
نوفه كاعده مدري شتكتب مدري ترسم

تمددت بالفراش.. جريت الجنطه.. اتصلت على فرح ضل بالي هاي مادكت وينها خاف عمتي بيها شي..

فرح.. جنت احجي ويا حسن شفت حرير تتصل
بالانتظار كطعته ورجعت خابرت عليها..

حرير،. الوووو فرررح

فرح،. وجع وينج ليش رحتي

حرير... يمعوده كليلي روحي اتونسي شوي اليوم نفسيتي احسن .. ابتعد عن القهرر.

فرح.. مو اكلج اخذي سامر اقلها تبعدين عن الديرة..

حرير.. يعني كل ماتحجون ويايه وكلتو دحام لو سااامر تالي وياكم..

فرح.. هسه منو الجاب طاري دحام.. اكلج صدك
بالليل ماسولفيتي شسويتووو

حرير.. حجيتله وكتله رجع حرمتك مافيدك اني

فرح... اي اي كمليييي

حرير... شكمل ولج ماكو شي

فرح.. شكال هووو

حرير... يضحك عليه ولا مهتم الكلامي

فرح.. ايياااخ هههه الزلمة حطج ابالو بعد

حرير.. والله هالشي يفيدو شعليه منه المهم اني بعد رحت.. بلكي الله يهدي ويرجع حرمته

فرح.. يولي بس تره دحااام حلوو عيون وطول وجسم.. يخبل

حرير.. بلكي خبال اللي يخبلج شبيج انتي حلو او لا عليش تحجيلي شنو مو شايفتة

فرح.. اهووو دروحي انتي ضلي هيج معقدة

حرير.. اكفي عمتي شنونها سالت عليه

فرح.. اي كنالها راحت على امهااا

حرير.. سوده عليه عليج الله داريها انطيها الدوه عالموعد..

فرح... اكلج لا تطولين هناك تره عرسي هالايام

حرير.. يمعودة من وعيت عالدنيه واسمع عرسكم هالايام حرام انتو بس حجي

فرح.. لااا والله شبيج ماعدنا شي كملنا

حرير.. اي عود اجي العرسج اكلج كولي البو قاسم اللي يسال عليه كولو انطينها الخوالها بالجزيره انخطبت

فرح..لااا مو هي لعب جهال دبطلي منو يصدك

حرير.. والله شبيج بلكي دحام يعوفني بحالي

فرح... المهم راح اروح اخابر حسن دينتضرني

حرير.. سديت التفون .. ضميته جوه مخدتي بقيت صافنه على نوفه.. كاعده وترسم

سمعت صوت التفون.. جفلت.. يمه بس لا دحاام

رفعت المخده.. انتبهت بس رقم اي والله يمكن هو.. بس لا خاف مو هو.. اجاووب لولا صفنت لا

ماجاوب خاف هوه.. انكطع الاتصال الحمدلله
ضميته جوه المخدة.. ورجعت تمددت.. رجع

اتصل خرب هذا منين يطفى الصوت هسه يسمعو خالي.. رفعت المخده عالسريع وايدي

ترجف كوه لزمت التلفون.. خل اجاوب انشوف
منو هذا.. فتحت خط.. الووو

دحام.. ليش ماتردين ...

حرير... شتريد...

دحام... هاا بديناااا

حرير... والله راح اغلق التفون..

دحام.. تغلقي اجيج للبيت

حرير... لا والله .. خاف تشاقه.. عالعموم اني مو بالبيت..

دحام.. هااا لازم يم ابوج اليوم

حرير... لا طلعت من الديره وبعد لا تخابرني

دحام.. دقيقه.. شطلعج من الديره ومنو سمحلج

حرير.. لازم تردني اخذ اذنك

دحام... دااااسألج انتي وين هسه وشطلعج

حرير.. نصيت صوت التفون خفت نوفه تسمع

شبيك.. ليش تصيح

دحام... استغفرررر الله .. تحجين صدك لو شقى حرير .. احاجيج اني.. انتي وين

حرير.. دحام.. اني طلعت من الديره وبعد لا ادور ورايه روح. رجع حرمتك اني اهلي انطوني السامر راح اروح البغداد وبعد لا تخابر ولا ادور ورايه...

دحام... يولي كافي شقى احجي عدل

حرير.. كتلك والله مو بالييت شبيك يله باي

سديت الخط... وغلقت التفون.. واني كل جسمي يوجف مدري شبيه احتريت وبردت بنفس الحضه

دحام.. حررركت التفون عليها يطلع جار التحويل

يالله هاي وين راحت خاف صدك انطوها لا
ماتصور ابو قاسم مايدك هيج دكة ويايه

دحكت عالساعه هسه ابو قاسم نايم
يالله شلوون حيررة المن اسأل هسه والله اذا طلع هالحجي صدك احرك عليهم الديره كلهاااا

بقيت كاعد للاربعه الصبح ادك عليها مغلق
اعصابي تلفت متت واني انتظر الصبح يطلع

حرير.. غلقت التفون جنت تعبانه بس خليت راسي عالمخدة نمت...

دحام.. بقيت افكر وكاعد لحد الساعه ٦ الصبح
لحد ما تعبت ونمت بدون وعي

حرير.. كعدت الصبح.. شلت التفون ضميته بالجنطة وخليتها بالكنتور... خلي يولي بعد ماافتحة

طلعت يم حرمت خالي .. لكيتها كاعده وتخيط
بدشداشه خالي.. سلمت عليها وكعدت

ام نوفه.. وينها نوفه ماكعدت

حرير.. لا بعدها نايمه تريدين اكعدها

ام نوفه.. اي اي عفيه كعديها خل تجي

دحام.. كعدت لكيت الكهرباء طافيه والغرفه طافي بيها التبريد .. كعدت ميت حر.. انتبهت الساعه ١٠ .. كمت عالسريع غسلت وجهي
وطلعت على دحام..

ام دحام.. اكف يمه اسويلك شي تاكله

دحام.. اشرتلها بيدي ماااريد وطلعت

شذى.. داصب بالجاي..رفعت راسي شفت
دحام واكف بالطرمة ويصيح على ابو قاسم
فتحت الباب.. هلا خويه تريد ابو قاسم

دحام،. اي وينه موجود .

شذى . اي لحضه.. طبيت لكيت ابو قاسم
ديغسل وجهه...

ابو قاسم.. منو ديصيح عليه دحام

شذى.. اي يردك بره...

فرح.. دقيقه ابو قاسم.. خاف جاي علمود حرير اكطع كلشي وكله حرير انخطبت

ابو قاسم.. شنو هالحجي انخطبت شنو لا لا

فرح.. هي كالت هيج كلوله

ابو قاسم.. شنو هي ماتريده

فرح.. اي اتكول ماريده هي هجت من وراه

ابو قاسم.. لا لا هسه اني احاجي تشفت وجهي وطلعت عليه

ابو قاسم.. الله حيووو... فوووت دحام

دحام.. ومن كال.. لا خويه مو كاعد بس جيت اسال شسويتو علمود شغلة الحرمة شوكت نكطع مهرر

ابو قاسم.. والله خويه ماتقبل تتزوج.. ورافضتك

دحام... ابو قاسم.. اصدقني هالحجي هي حجته لو انتو

ابو قاسم.. خويه شنو هالحجي ان جان علينا كبعها واخذهااا بس البنيه رافضه الزواج وانت متزوج ماتقبل شنسوويلها

دحام.. وينها هي يم ابوهاا..

ابو قاسم.. لا راحت بعيددد

دحااام... ابو قاسمممم انطيتو السامر لو لا

ابو قاسم.. لا شنون انفوتك اذا ماناخذ الامر منك ماننطي بس البنيه راحت عد خوالهاا

دحام.. وين خوالهااا

ابو قاسم .. هيج غادي ماتندلهم..

دحام.. حرير ماتطلع الغيري اني كتلكم اريدها
ومستحيل احد ياخذها واذا انطيتوها بدون علمي صدك بالله تخرب بيناااا

ابو قاسم.. لا كتلك محد يبدي عليك بس البنيه ماتريدك اني اشوف ياخويه ترجع حرمتك ولبنيه نزوجها ..

دحام... مااارجعهااا وحريرر محد ياخذه غيري
بنت عمي واريدهااا..،

ابو قاسم.. ايصير خير لوكتهااا

دحام.. ياوكت هذا انتو وديتوها هناك خاطر ماتنطوني بس اني اليوم  اروح على ابو عبير
من رخصتك خويه...

دحام.. الله وياك خويه... راح دحام واني طبيت جوه

شذى.. ها شبي دحام علمود حرير موو

ابو قاسم.. اي مايقبل ننطيها السامر

فرح.. اني اشوف ننطيها السامر احسن واذا كال انكله ابوها انطها شنسويله عجل خمو نبقى هيج يوميه سالفه

شذى.. اي والله انفقو ويا سامر يجي يم خوالها واكطعو مهرها بسكوت

ابو قاسم.. هذا مخبل مايسكت يسويلنا مشاكل

شذى.. كلشي مايسوي هو شوي ويسكت

فرح،، دخل تقبل بسامر اول شي

شذى.. اني اقنعهاا خابريليهااا

فرح .. ماكو مغلق دكيت هسه

شذى.. ابو قاسم بالله خابري خالها وانطينياه

ابو قاسم اجليها يمعودة اريد اطلع

شذى.. ردلي ارقامهم وماعليك خليها عليه

ابو قاسم.. هاج شجلي يمج بسرعه

شذى.. اخذت الرقم راح ابو قاسم واني خابرت

ام نوفه... يولي نووفه وينها حرير

نوفه.... بالطرمة كاعده ليش

ام نوفه.. وديلها التلفون .. يردوها اهلها

نوفه.. اخذت التفون وديتها

حرير.. منو هذاااا يولي

نوفه مادري منوو

حرير.. الووو..

شذى... وييينج ليش غالقة التلفووون

حرير.. شكوو ابوية بي شس شصاير

شذى.. كلشي ماكو بس اريد احجي وياج

حرير.. خوفتيني يمعووودة

شذى.. اكلج....؟؟؟؟؟؟؟؟؟

حرير... يااااا صدك تحجين

شذى... اي والله شبيج... اسمعي مني راح اندز على الولد يمكم ونكطع مهر بالسكوت

حرير.. اهوو هم خطوبه

شذى.. يولي دحام يهدد ويريد ياخذج غصب
وانتي كلتي مانزل على ضره

حرير.. يعني والله مادري انتي شتشوفين

شذى.. وافقي ولج اخلصي من شمة وربعها

حرير.. ماااادري بكيفكم شتفصلون اني اللبس
هاي هي امري الى الله

يتـبع...