الجزء الخامس عشر ... من الفصل الثاني
بارت مفاجئ لعيون السهرانين
الجزء قصير بس انتو كلتو حتى لو قصيرر
#حرير#بعد_منتصف_الليل
بقلمي #نشــــوى_السٌــلطاني ...❤️
انتظارك صعب واشواكي تزيددد
والوله ماله حدود ولا نهايه ..
🍂🍂🍂🍂
حرير ... انتي ماعليج الفضيحة اللي اسويها
ماتمسج افتهمتي انتي شجابج علينا اصلا انتي مو من عدنااا
سهام.. كتلتينا بالحب مالج يوميه حابه راحد اثگلي عااد تره مصختيهااا..
حرير.. خليت الستكان بالصينية وكمت عليها
ماتحملت بعد حجيها.. لزمتها من شعرها كمت اضرب بيها فقدت بعد مادري بنفسي
فرح.. حريررر يمعودددة شذي الحكي يمعودة
سحر.. والله الا اكول العمي عليج كلبه حقيره
فضحتينا الديرة كلها تحجي بيج يوميه حب جديد تركضين وره المتزوجين
حرير... ولج انتي شنو من بشررررر عوفيني فررح خل ابرد گلبي...
فرح.. حريررر استري علينا يمعودة شجاجن
شذى.. طلعي سهااام روحي للهول انتي شجايبج على هالحجي..
حرير... وخرررري فرررح عوفيني خل اطلع النار اللي بگلبي بعد ماتحممممممممممل كلها
عليها شبيكم ويااااايه شمسوي الكم اني..
شمة.. وصلت باب بيت فواز.. دكيت الباب..
حرمة فواز.. منوو عالباب..
شمة اني اني فتحي خاله..
حرمة فواز.. منوو شمة شجابج...
شمة.. مصايب بنتكم جابتني وينه العم فواز
حرمة فواز.. يامصايب شكو شصايررر
شمة.. حريررر اخذو بنتكم مني وكافي عادد
حرمة فواز.. شبيهااا شنو هالحجي
شمة.. تركض وره رجلي موعيب عليها مالكت غير رجلي هاااا...
سحر... مايرد يمة شسويله
ام دحام.. ارجعي اطلبي النووول خاف رد وماتسمعي
سحر .. يمة لا يوجد رد .. شطلب منها اووف رجعت دكيت النوب...
دحام.. نزلت افول بانزين الجهاز بالسيارة رجعت لكيته يدگ جاوبت.. الووو
سحر.. هاج جاوب ..
ام دحام.. منين هذا يخابر
سحر.. فري يمة بالمكلوووب هيج فري
دحام.. هااا يمة اسمعج..
ام دحام.. يمة انت وين جريب لو بعيد
دحام.. هين بالديره شكووو...
ام دحام.. حرمتك تخبلت من سمعت اتيد انت تزوج وراحر على عمام حرير
دحام.. هييي عماااام عليمن راحت تحجين صدككككك
ام دحام.. لبيت فواز راحت الحك عليها لا اتسويلنا فضيحة...
دحام.. سديت الخط وطلعت عالسريع...
حرمة فواز... اشش يمة شلج بهالحجي حرير مو هيج عيب عليج...
شمة.. والله داحجي صدددك واذا ماتصدكين تعاي واسمعي بذنج...
فواز... طبكت السيارة ونزلت... لكيت شمة واكفه بالباب وتصيح.. خيرر شكووو
حرمة فواز.. ماكو شي هيج جت تسلم
شمة.. عمي جيت عليك اريدها منك حرير تخطط تريد تاخذ دحام مني..
فواز... شنووو انتي شتحجين...
حرمة فواز.. فهمته بالي سمعته منها
فواز... لااااا ماسمحلج تجيبن طاري حرير اني ربيتها على ايدي ماعدها هالسوالف يله امشي من هين..
شمة.. تطردني... هااا لان حجيت فضايحكم
والله ماسكت اليوم اروح البو قاسم.. وعلكها عليكم...
حرمة فواز.. يمة شهالحجي هذا موعيب عليج
شمة.. لا عيب عليكم انتو اللي ماتكدرون على بنتكم... عفتهم وطلعت...
فواز.. شبيها هاي خبله عاقله مادفهم عليها
حرمة فواز.. خل اللبس عباتي نروح انحلها كبل مايسمع احد وننفضح
فواز.. يله استعجلييي
دحام.. طبكت السيارة كبال بيت فواز ونزلت وكففت باب الطرمة تلكاني فواز وحرمتة
فواز.. دحااااام هم زين جيت شنو هالحجي هذا
دحام.. وينه شمة كالو يمكم...
فواز.. هدت على بيت اخوي.. شبيها حرمتك شهالحجي..
دحام.. اني اعلمهاااا صعدت بالسيارة..
فواز.. صعدنا ولحكاناه لبيت ابو جراح
شمة... لا انتي فد وحدة حقيررررة وماتستحين
حرير.. امشي اطلعي من هيييين احسنلج
سهام.. هاااا ماتكدرين تواجهيهااا
شذى.. كافي هالحجي عييييب عليكم...
ابو قاسم.. شكوووو شنو هالصياااااح
شذى.. شمدريني ست شمة يوميه هاده
حرير.. كافي انتو منو ماخذ رجلج امشي اطلعي بررررة
شمة.. اطلع اي بس فضحتج بكل العرب حتى بعد ما تتكلطين بصوب رجلي..
حرير.. ولج انتي ماتخافييين الله ماتستحيييين
فواز... اشششش ولا كلام شهالحجي هذا
حرير.. واكفين بالمطبخ.. كلنا.. كوه لازميني اريد اكتل شمة ماكدر... صديت ورايه عمي فواز وحرمتة ودحام.. كمت الطم يربي سويتيهااا صدك وفضحتينييييي
شمة.. عجل اشفتي هاي اللي تركض ورايه
دحام... كضبتهاا من راسهااا يولي ماكتلج لا تطلعييين..
فواز.. دقيقه خل نفتهمممم شنو هالفضايح موعيب عليج تحجين على حريررر
شمة... وخرررر ادافع الهاا موو عمي فواز والله بعيني شفتها بنص الليل وياه واكفه
حرير... شاااالج الله ولج صدك انتي ماتستحين
سهام... هاااا هم راح تنكرييين اسمعي
ابو قاسم... البنيه راح نكطع مهرها سامر وخلص مانريد حجايه زايددة
دحام.. محد ينطي حريرررر...
فواز.. ليش ماننطيهااا...
دحام.. حرير اللي ومحد يتكلط عليها واللي يجي هييين اكسررر رجلووو
شمة... هاااا سويتهاااا موو شكتلكم.. اترتاحيتي ست حرير...
فواز.. والله انت من عمانه محد يبدي عليييك
ابو قاسم.. الحجي موبيدنا بيد عمييي...
شذى.. شبيج حرررير اخرسيتي احجي
حرير شفت الحجي عليه تهمني بشرفي سهام وشمه شبت نار بصدري اريد احرك گلبهن مثل ماحركو گلبي كتلهم ... واني موافقتي من موافقت اهلي..
دحام.. عفت الطلبه كلها.. صديت عليه ابتسمت.. والله محد ياخذج غيري...
شمة... والله اتطلگ منك..
حرير... تهمتيني واني ماعندي شي وياه
بس والله قصاد بيج وبأمثالج الا اكسر خشومجن...
فرح معقووووولة حريررر... توافقين
سهام.. حجي يفيدج هذاا شلون درووب
حرير.. شتقصدييين تعاييي وين موليه
فرح.. روحي سهااام تره موناقصيييج
سهام.. رايحة العمي اخلي يوكف هالمهزلة
شمة... طلكنييييي هسه هينة طلكني...
فواز... لا مانريد نوصلها للطلاك.. كلشي بالتفاهم ينحل على كيفكم
دحام.. ترضى ماترضى.. الشرع ويايه اني اريد اتزوج على سنة الله ورسوله وحرير راح اخليها بعيوني. اني هم اريد طفل يملي عليه حياتي
شمة.. عفتهم وطلعت للبيت..
حرير... عفت الكل وطبيت جوة.. كعدت وضليت ابجي.. على حضي المصخم
حرمة فواز.. وينها حرير..
فواز.. ووحي عليهااا...
دحااام.. خيرر شبيهاااا
فرح.. لا ماكو شي بس هي طبت
شذى.. والله عيب عليها مرتك كبرت السالفه وحجت حجي ماينحجي موعيب
دحام.. ادري والله واحسبوها عليه دواها عندي
ماعليكم منهااا..
حرمة فواز.. شبيج يمة ليش تبجين حاجيني اذا ماتيدين دحام كووولي
حرير.. حضنت عمتي وكمت ابجي عمه والله ماريد احد والله مضلومة كل هالحجي تهم لحد يصدك والله ماعندي شي وياه
حرمة فواز.. يمة لا تحلفين اني ربيتج على ايدي
حرير.. عمة ليش هيج اني ماعندي حظ ليش
محد يرحمني...
حرمة فواز.. ليش ماقبلتي بسامرر ها
حرير.. ماكدر عمه والله ماكدر اطلع من الديره صعب ماكدر اعيش بعيد سامر غريب واهله
غربة عمه ماريدد اتزوج والله بس تعبتت من التهم والحجي ماكدرر بعدد... والله صرت اتمنى الموووت..
حرمة..فواز.. اسم الله على جدامج يمة.. لا تحجين هيج... حبيبه دحام هم خوش زلمة وراح يداريج اقلها صديق المرحوم ويدري بحالتج
حرير.. والفايدة متزووج تالي عمري اهدم عائلة اني هم مدري شبيه ووافقت..
حرمة فواز.. شوفي يمة لحد هالدقيقه مانتدمة لان مازوجت عمج وخليته بحصرة الضنى ددحام
هم حكه يريد يجي جاهل يمله عليه البيت .. ولا اول ولا اخر وحدة تزوجتس على ضرة
حرير.. مااااادري عمه ماكدررر اتقبل هالفكرررة
ابو قاسم.. اكعدو عليش واكفين..
دحام.. لا خويه مو كاعد.. رايح للبيت
ابو قاسم.. على كيفك دحام مانريد فضايح
اذا ماقنعت مرتك ماترهم القسمة شفتها بعينك شسوت..
دحام.. سهلللة خويه لا تهتم..
فواز.. وينها حرير.. خل احاجيهااا
ابو قاسم.. جوه كومي فرح صيحيلها
فرح.. فوتو هي بالغرفه كاعدة
فواز.. والله كاسرة خاطري هالمسكينه اني عذبتها جثيررر..
ابو قاسم.. لا عمي كلشي مقدر ومكتوووب
فواز... شبيها حريررر.. اكعدي بنتي
حرير.. رفعت راسي لفيت حجابي زين ومسحت دموعي
فواز... بنتي حاجيني شبيج اذا ماتريدين دحام بكيفج
شذى.. النوب هو دينهي ايكول محد يتكلط عليها
يعني بعد مايصيرر ننطي سامر موو
حرمة فواز.. مايصير تنطون خل نسأل ابو عبير
ابو قاسم.. لا طبعا بكيف عمي ..
فرح.. والله كسرتي خشومهن... من وافقتي..
يتٌـبع...
