الجزء الحادي عشر ... الفصل الثاني
#حرير#بعد_منتصف_الليل
بقلمي #نشــــوى_السٌــلطان...❤️
🍂🍂🍂🍂🍂
سحر.. ولج بابا مو تشوفي كبل يمهم لا والنوب
ماديجي بالليل من وكت وتدرين حضر تجوال يعني وين ديروح هاا كولي تبقين اعلم بيج
شمة.. يعنييييييي ديتواااعد وياههه
حرير... ماكدر اتزوج والله موبيدي ..، اتمنى تفهموني..،
ابو قاسم... سهلة هسه ودي الجاي وبعدين نحجي...
حرير... اخذت الجاي وقدمته اللهم.. بقيت كاعدة والكل يحجي واني بالي مويمهم،. سارحة بغير دنية،،،
سحر.. يولي اسمعي لا تستعجلين واتضيعين حقج اصبري عليه اذا ما كشفتها اني موسحر
شمة.. اي بعد اخيتج تررة اني كلشي ماعرف
ماريد دحام يروح من ادية .. تدرين بية ماللي احد بهاي الدنية..
سحر.. وداعتج ماخلي ياخذها والا احومها من دحام مثل ماحرمتني من ابو جراح.. خلتو مايشوف بالدنيا غيرة
شمة.. يولي ندري هي حلوة .. بس ليش هيج الزلم يركضون وراهه عجل شبي حظج
سحر.. عااابت وبلت هي وحلاتها منيلها الحلاة اصلا جامده.. بس هاي سوالف السحور
تروح يم امها هناك تسحر وترجع..
شمة.. عززة عليها عجل صدك رحنا بيها شنون يولي،.
دحام.. طلعت بالسيارة،.مريت على محمد اخذته وطلعت...
محمد.. يول مادنروح للصيد...نصيد دراج ضوجة خل نسويلنا سفرة فد يوم... احنا ولولد
دحام.. والله بعد ابو جراح ماتحله السفرة
محمد.. اي والله الف رحمة على روحه.. دطفي للمسجل.. خل نحجي شو مدري شبيك من طلعنا لحد الان اطفي جكارة وتشعل جكاره ماتكلي شبيك شبيك،.
دحام... جريت حسرررة... مابيه خويه خل ننزل هين نشرب جاي
محمد.. لا دقيقه اريد افهم شبيك..
دحام... ماااكو شي انسى..امشي خل نروح للكهوة..
محمد.. يول عوف الكهوة حاجيني.. والله ادري بيك ضايج.. بس غير نفهم شبيك
دحام... يخويه گلبي يوجعني والله
محمد.. ياستار،. يول شبيك احجي
دحام.. يول ياب من يجي براسي هواهم يحرك ثياب العلية...
محمد... اااااااي كول هيج... عاشك هاااا
عجل الحرمة العندك وين راحت..
دحام... اسكت البية ماينحجي ولا يتسولف
محمد.. دطلعهااا عاد عاشك مووو ولو عليش
اسال الجاوب واضح.. عيونك تحجي كلشي
دحام.. يول عيوني هذني مايشوفن غيرها
محمد.. غير اعرف منو هيه وين تعرفت عليها
هاااا تذكرت لازم من رحت السوريا.. بطل خوويه ذني مايفيدك والله
دحام.. يولو.. خل ننزل تره الدنيا طالعه من عيني..
محمد.، لاه لاه لاه ههههههه واصل مرحلة اخونا
دحام... تصدك بالله.. اني نفسي مادري. اللي بيه شنو.. ولك ماعرف افسر اللي بداخلي
ولك حيرررة گلبي.. هذا..اااخ.. كلبي وداني
عليها.. ولك ماالي واهس الشي اريد انسى
اريد اطلعا من بالي،. ولك بكل مكان اشوفها
شاعله اهل اهلي
محمد.. وعليش هيج محتارر.. ليش تنسى ومدري. شنو تره الشرع حلل اربعه دامك تحبها توووكل،.،
دحام.. يول... اني مااستاهلها... اني انسان
نذذذذل لو مانذل مافكرت بيها...
محمد... يمعود... على كيفك شبيك راح تتعمنا
غير يحجي عاااااد
دحام... سددد السالفة... تره صعدن
محمد... اشماشوف اليوم هاي نهايتي دحااام
يمعود... راح نكلب.. خرب اهلها ليشش تخليني
اسبها .. يمعود خلگ بنيه هيج تسوي يمعود ماتسووووة والله.. لك كاااافي راح نندعم
دحام... لااا تغلط عليها احجي عليه... عوفها هي مالها ذنب .. ذنبي اني اللي بتليت بهـذنيج
العيووون.. خرب بهالدنييييا
محمد... نزلني انعل اهلك هسه ههههه لك
نفسي كامت تكلب بالله.. يمعود نزلني خبال يخبلك،، على هالحب..
دحام.. خففت السرعه وكفت انزل يمعود اجفيني شرررك لا اخلي الظيم كله بيك
محمد،. بربك تنزلني هين الشارع فارغ يمعود عاد رجعني تخبلت
دحام... خبصتني انزل انزل .. يله انزل
محمد.. يمعود رجعني للديرة..
دحام.. راجعين.. بس لا تبقى تصيح على كيفك عوفني برررراحتي
محمد... عجل تخبلت احجي وياك سالتك سوال ردت تكلبنا لا عمي راح نسكت ونشوف تاليها
دحام.. لفت ورجعت... وصلت محمد جدام بابهم
محمد... نزلت اريد افوت.. صديت عليه يول
نفسي لحد الان تكلب خرب اهلك...
دحام.. دروووح يمعود شدعواك ماتتحمل شي
شغلت السيارة وطلعت للبيت .. انتبهت سيارة
سامر بعدها طباكة.. لازم اليوم يباتون..
طبكت السياره جدام بابنا ونزلت.. سالفة شمة
بقت ابالي نزلت واني ضايج اريد اليوم ابتلي بيهن.. النوب افترن على البنية يحجن عليها
فتحت الباب وطبيت... لكيت شمه تمسح
صحت.. ول هذي وينهاااا
شمه... شبي عزة شكلو ضايج الله يستر
دحام.. احاجيييج وينها سحر
شمة.. جت هذيج بغرفتها صحت يولي سحر
تعاي ويينج
دحام.. صيحيلهااا بسررعه
شمة.. طبيت اركض على سحر.. لكيتها كاعده
ترتب بحواجبها.. يولي عوفي كلشي
اخوج يريدج..
سحر.. شبيج ترجفين وشنو يعني وذا يصيحلي
شمة.. يول راح يسالج على حرير..
سحر.. وتالي هالحريررر راح تبقى ويانه عايشه سوالفها.. وخري خل اشوف..
دحام.. دفعت الباب وطبيت.. يولي شتحجين انتي شنو عايشه ويانه شهالحجي هذا ها..
البنيه يمج محاجيتج ليش تحجين عليها
سحر.. رجعت لوره شفته عصبي عيونه حمر
شكلوو ضايج.. شبيك دحاام داشاقة اني
دحام.. شقى.. كضبتها من ايدها.. ولج هي شقى هذا تريدين تكسرين ضهر البنيه بهاي
سوالفج.. اسمعي احاجج ايااااااج مرة اخرى
اسمع احجايه منج لا والله اذبحج واعتبر الله
ماخلقج..
سحر.. ماحجيت شي بقى لاوي ايدي.. دفعني وطلع..
دحام.. رجعت طبيت وانتي الخ ماسمع منج كلمة واللي يحجي على حرير.. اكصلو السانووو
شمة.. واني شعليه... هي كالت
سحر.. هااا هي كالت عجل وانتي ماحجيتي تخليها براسي
دحام...اشششششش بس ماسمع حرف منجن
راح اطلع بس اللي تفتح السالفه لا تاهم العتب
شمة.. هززيت راسي اي..
دحام... طبيت للبربعة وكعدت وحدي خرب گلبي ماعااااد تطلع منه اوووف شهالعيشه ربي طلعه من بااالي .... صحت شمةةةةةة
سحر.. روحي عيني ديصيح عليج روحي ضايج سبينا الاميرررة
شمة.. طلعت اركض على صوته دورت بالهول ماكو بالغرفه ماكووو
دحام... موووو اصيح علييييييج ويننننج
شمة.. صوته بالربعه اي طبيت اركض ها تصيح عليه
دحام.. ماتسمعين وين جنتي.. امشي سويلي جاي وجيبي نفاضه بسرررعه
شمة.. اي هسة اسويلك...
حرير... طلعو .. الناس راحو لبغداد.. واني لهيت نفسي مثل مل يوم بالشغل.. اريد شلون ماجان ينكضي النهار...
ابو قاسم.. شذى وين حرير صيحيلها
شذى.. مادري يمكن بالمطلخ
ابو قاسم.. صيحيلهاا
حرير... كملت المواعين .. طلعت عيون الطباخ اريد اجلفهم...
شذى.. يولي موتني روحج كافي شغل.. امشي تعالي ويايه ابو قاسم يريدج
حرير.. خيرر شذى لا تكليلي علمود سامر
شذى.. والله مادري شريد امشي
فرح.. روحي عليه شبيج خايفه قابل راح يكص راسج.. عادي حبيبتي اذا ماتريدي مانجبرج
يعمري احنا نريديج النصيب الزين ♧°بس
اذا انتي ماتوافقين محد يجبرج روحي حاجي
ابو قاسم وتفاهمي وياه.. ..
حرير.. ذبيت الاي بأيدي وغسلت وطلعت للهول
كعدت على طارف البساط.. ومدري شبيه
خجلانه منه .. شنون راح اجاووبه
ابو قاسم.. حرير.. اليوم الناس مشو عليج
وكالو احنا رايدين منكم.. والبنية خوش بنيه
ومن هالحجي..
حرير.. مارفعت راسي بقيت مدنجة واسمع
ابو قاسم.. عمي كلهم انتشرف بيكم بس لما نشور البنيه ونرد الكم..
الناس كالو نروح ونرجع مرة اخرى على راحتكم
بس اني اريد اسالج ليش ماتقبلين اذا علمود ابو جراح.. مالومج حگج بس والله لازم تتزوجين اذا
موهسة بعدين وخاصه سامر بعيد يمكن تكدرين
تنسين افضل مما تتزوجين بالديرة
حرير.. منو كال اتزوج بالديرة.. اني ماتزوج بعد
وان جان قصدك عالديره.. لا بالعكس اني ماريد
اطلع بعيد هين وين ماامشس اتخايله ويايه
بكل مكان اتذكرة احب كل مكان تخطى عليه
وداستو جدامو.. ماكدر خوية موبيدي ماكدر اعيش ويا انسان وكلبي مو وياه حرام عليه
ابو قاسم.. تريثي بالسالفه ولا تستعجلين
الناس كالو على راحتكم ما مستعجلين
حرير.. الله كريم.. اللي قاسمو الله نشوفه
ابو قاسم.. ونعمة بالله..
شذى.. ها شو كمتي وين رايحة
حرير.. اريد امر على امي.. من زمان مارحت زعلانة
ابو قاسم.. بدلي اني اوصلج..
حرير.. ان شاءالله.. طبيت عالسريع بدلت وطلعت
دحام.. بقيت متمدد بالربعه وحدي.. وراسي اهجسة يريد يطير من مكانو.. اخذت حبايه مسكن ونمت...
ابو قاسم.. هاا نمشي..
حرير.. ماعندي شي كملت..
شذى.. لا تنسى جيب وياك حليب الحمودي
حرير.. ركبت بالسيارة.. وداني الاهلي.. حدرت جدام الباب.. راح ابو قاسم واني نزلت
شمة.. صار المغرب دحام نايم.. اروح وارجع عليه ماكدر اكعدة اخاف يزگح بية يربي شبي خاف مريض..
سحر.. شبيج رايحة جايه اثكلي دتشوفي نايم
لو الا تخلي يصيح عليج
شمة.. يولي ضل يصيح راسي ما راسي لحد مانام اخاف ضغطة مرتفع بي شي ضل بالي
سحر.. وداعتج الحب متعبوو مابي شي
شمة.. عزززة لا يسمعج انتي ماتخافين
سحر. عشتوو عليش اخاف..
حرير.. بقيت يم اهلي لليل.. صارت ساعه ٨ تعشينا وكملنا وكعدنا نسولف ونشرب جاي
شذى... هاي جة هم زين..
فرح.. اي الحمدلله امي خبلتني كل دقيقه تسال ضل بالها
شذى.. هاي شصارلك ضل بالنا ليش التلفون مغلق عمتي خبلتنا
ابو قاسم.. يمعودة خلص شحن والسيارة عطلت
وسحبتها اني ومحمد وديناهه للصناعه هسه يله جيت صبيلي عشى
شذى.. عجل السيارة وينها بقت بالتصليح وحرير منو يجيبها...
ابو قاسم .. خل تبات باجر اجيبها...
فرح.. ماتبات اعرفها اتضوج هسه تجي
شذى.. اي خابريها مدام بعد وكت خل ترجع
حرير.. خابرتني فرح كالت عاطلة السيارة
للبست عالسريع... خل ارجع ماكدر انام هين
متعودة انام بجرباية الغالي..
رشا.. هااا دتباني شبيج مايطيرون بيت عمج
حرير.. ماكدر خاله كوليلي روحي كاعده على نار اهجس نفسي مختنكة بس اريد ارجع
دحام.. كعدت.. راسي بعده يوجعني بس خف شوية.. شلت السويج وطلعت..طبيت للهول
شمة.. شنون صرررت اصبلك عشى
دحام.. مااريد ليش خليتوني نايم
شمة.. شفتك مريض كلت ترتاح وهم خفت اكعدك..
حام.. غسلت وجهي وكملت.. طبيت للمطبخ شربت ماي وطلعت.. مدري شبيه مخنوك..
دحجت جكاير مخلص.. شلت السويج وطلعت
شغلت السيارة اريد اروح اجيب جكاير
حرير.. اتلبت يم الحيطان خايفه حس الجلاب مثل كل يوم بالعرب تنبح.. الله يكطعجن راح
يسوون بيه سكر.. يبوو شورطني وطلت
اتلفت الشارع فارغ.. يولو موته قابل موتة
دحام.. بقيت بالسيارة كاعد..كبال البيت شغلت
رياض احمد.. احبك ليش مادري مادري
مرات اسأل عيوني ومرة عيوني تسألني
احبك ليش ليش مادري.. ابات احتار مرات
اريد ومااريد انساك..
حرير.. وصلت بالفرع اي الحمدلله هذيج
سيارة مشغلة لايت.. صوت اغاني منو هذا
تمشيت واني مدنجة
سحر.. اسمعي اسمعيييي شمشغل
شمة.. شنو شبيج شمشغل يعني
سحر.. اكص ايدي اذا مو عليها الاغاني
دطلعي عليه شوفي شبي العاشق الولهان
شمة.. خاف اطلع ويرزلني
سحر.. ابقي بخوووفج عجل
شمة.. ماكدرت اصبر.. كمت على كيفي فتحت الباب وطلعت.. بقيت وره السيارة اشوفه كاعد هو مايشوفني..
دحام.. شفتها جت تمشي من بعيد.. هاي شطلعها شنو تطلع وحدها ولا بالليل..
حرير.. طبيت من يم السيارة شفت دحام منزل الجامة.. كلت عيب مايصير.. سلمت عليه
مرحبا ..
دحام.. نصيت المسجل هلا. حرير.. شو وحدج
ليش محد وياج..
شمة.. عززززة عليكم.. النوب يتواعد وياهه بالشاررررع .. ياخافلين الكم الله ماتنلام سحر
ماتحملت.. طلعت عليهم.. صحت ماشاء الله
المواعد صار جدام الباب وبالياالي....
حرير.. صديت ورايه شمة.. مدري شتحجي مافهمت عليه...
دحام.. فتحت الباب ونزززلت...
يتبع....
