حب بعد منتصف الليل

الجزء السادس عشر الفصل الثاني

#السادس عشر.. من الفصل الثاني

#حرير#بعد_منتصف_الليل

بقلمي #نشــــوى_السٌــلطاني ...❤️

ياساكت وفي داخلك معركة بوح
خل السكوت يموت بأحضان بوحك

ان كنت تشتكي بالخفا عشق وجروح
غيرك يموت بصمت في عشق روحك

فواز... بنتي حاجيني شبيج اذا ماتريدين دحام بكيفج

شذى.. النوب هو دينهي ايكول محد يتكلط عليها
يعني بعد مايصيرر ننطي سامر موو

حرمة فواز.. مايصير تنطون خل نسأل ابو عبير

ابو قاسم.. لا طبعا بكيف عمي ..

فرح.. والله كسرتي خشومهن... من وافقتي..

حرير... الكل ملتم فوك راسي.. كلمن يحجي رايـة.. واني نفسي ما ألي راي.. مادري اللي

حجيتة صحيح لو غلط... كسرن خاطري
شمة وسحر وسهام.. فضحي بالعرب الكل صار

ينضرلي بعين صغيرة.. بس هم شمة حگة اذا دحام فضلني وحبني عليه هي مالها ذنب

شذبنها اجي انزل عليه.. يربي تسرعت وكلت
موافقه.. اذا ارفض هسه عمي راح يرزلني
يربي شسويت بنفسي.. ربي افرجها عليه

فواز.. اذا انطينه حرير الدحام راح تنسد السوالف كلها

فرح،. والله احسن. حل هذا وحروتي تصير هين
بالديره ماتروح بعيد..

شذى.. والله مادري هاي شمة ماتسكت وخايفه تسوينا مشاكل...

فواز.. دحام موجود بعد ماتفك حلكها خل اتولي هالصلفه.. شنو عدها اعراض الناس لعبة دحام

ماينلام والله من راد يجيب حرمة عليها.. خل يكسر راسها...

ابو قاسم.. خل انريث بالموضوع نشوف ودحام عوفو عليه اني احجي  اجلو السالفه هسه حل

تهدء الامور هاي. راح تبقى تحجي واحنا موناقصين...

حرير.. مر يومين عالسالفه بقيت بالبيت بعد حتى للطرمة ماطلع ماناقصني حجي تعبت حيل
لازم الكي حل الهل موضوع كافي..

دحام.. اترجاني ابو قاسم اترك الموضوع جم يوم ولخاطرو سكتت انتضر ينطوني الاشارة حتى اروح اتقدم يومين ماشفتها مدري شصار بحالي...

شمة.. بقيت عد بيت اخويه يومين ولا جة ولا سال عايش بالحب بس هييين سيد دحام اذا ماخليتك

تجي اتوسل خاطر ارجعلك.. بس عمتي كالت راح احلها ولا حلتها تضحك عليه...

سحر.. ها يمة وين رايحة شو لبستي عباتج

ام دحام.. رايحة بشغلة ماعليج اذا جة دحام صبيله غده.. وغسلي هدومة وشريهن

سحر.. ابتليت اني يعني مايرجع مرتها ويفضها
شطلعت هاااي

ام دحام.. هي ترجع ماعليج انتي...بس اجفينا شر طلايبج.. طبكت الباب وطلعت...

حرير .. شلت المكانسة وطلعت اكنس بالبرة

وفروحة كاعدة جدامي بالحديقه تحاجي خطيبها

اليوم السنه مالت ابو جراح.. عمتي كالت نسوي مولود.. العصر.. نضفنا البيت وكملنا وسوينا

الاكل وكلشي طلعت بره داكنس كبل مايجوو الناس.. سمعت الباب البرة يندك.. صحت

يولي فررح كومي الباب ديندك.. اصيح
عليها ماتسمع تروح وتجي بالحديقه وتخابر

ذبيت المكناسة وطلعت... فتحت الباب..
شفت ام دحام جايه وحدها.. هلا خاله فوتي

ام دحام.. خمو دحام هينه ..

حرير .. لا ماكو احد وابو قاسم راح يجيب غراض للمولود.. فوتي خاله..،

ام دحام .. والله موكاعده بس اريد احاجيج هين

حرير.. تعاي خاله خل نسد الباب ..

ام دحام.. فتت وطبكت الباب كعدنا بالحديقه اني وياهه..

حرير.. كمت اريد اسوي جاي..

ام دحام.. اكعدي بنتي لا تجيبين شي مستعجلة خاف يجي دحام ويشوفني هين تعاي

حرير.. رجعت وكعدت ..خير خاله احجي

ام دحام.. شوفي بنتي.. دحام مشة عليج وكال اريدها يمة نفسي بيها بنت عمامنا ماريدها

تروح للغريب واني والله يمة كيفت كلت بلكي
تجيبيله وليد حتى لو بنيه المهم اشوف خلفته

بس يايمه من خطبج لليوم احنا عدنا عزة بيتنا
يوميه طلبه كتل اخته جم مره وكتل مرته وهجت

على اهله.. يمه ادري انتي مالج دخل بس يايمه
هذا خبل عصبي ايده والضربة وبسببه هجت

حرمته على اهله وانتي تدرين هي خطيه ماله احد .. هسه هي كاعده بيت اخوها..

حرير.. خاله اني ما

ام دحام.. ادري بنتي لا تكملين اني اللي اريده
منج دحام من يجي عليكم تحاجي كوليله ماقبل

اطلك حرمتك.. يايمه هي غلطت من حجت بس هي حكها يايمه لا اتلوميها..

حرير ... لا خاله ادري والله ومالومها اني كلت الاهلي ماقبل بعد بدحام اني بحزتها جنت

عصبيه ومن قهري كلت هيج بس هسه فكرت
بالموضوع حرام علية اهجم بيت ماكدر بعد
الله يسعدهم بحياتهم..

ام دحام.. يايمه والله خابصنه بيج يحبج ويردج
لا ترفضين لان اذا رفضتي راح يتخبل علينا

يعرف اني حاجيتج بس كوليله اني وياهه نبقى
على ذمتك..

حرير.. الله كريم خاله تدللي مايكون خاطرج الا
طيب روحي وتطمني

ام دحام .. والله ادري بيج طيبه ودحام عرف المن يختار .. اكوم اروح يمة كبل مايجي بس مثل

ماوصيتج لا تجيبين طاري اني كتلج تره والله
مايسكت بعد ويروح على حرمته... ويطلكها

حرير.. لا خاله كتلج تطمني روحي ولا اتفكرين
بالسالفه بعد،. محلووله اعتبريهاا.. كامت ام دحام راحت.. طبكت الباب وراهه .. طبيت امشي ..

فرح... اكووول شتيد ام دحام هاا..

حرير.. ماتيد شي ضايجة وجت اتفضه

فرح.. عليناااا دكولي كولي شتيد

حرير.. فرح مالي واهس حتى احجي والله

عوفيني بحالي عفتها ولفت وره البييت كعدت

عالصبة.. مكابله دجاجاتي وكاعده..

فرح.. ياربي حرير شكد جانت مرحة وتنحب
صايرة معقده تعقدت بعد ماراح سعد الله يعين
گلبهاا طبيت وعفتها وحده بره كاعده

حرير..شنون لازم اكطع كلشي دحام ديتأمل
وحرمته من ورايه هاجة الاهلها.. شلون بيه

لازم احاجي دحام لازم افهمه واقنعه ينسى ويرجع حرمته اني مافيده ولا هو يفيدني

كمت طبيت جوة .. غسلت لبست وطلعت اذن
العصر.. الناس كامت تجي.. الملايه. جتي

البيت انترس نسوان.. جبنه عمتي اني وشذى
كعدناهه بالربعه.. الكل جة واخذ من خاطرها

وست سحر جت هي وام دحام بقت كاعده هي وسهيمة مدري شحجن شنون عيون كاعدت

جدامي ولا مهتمات..ادحك على عمتي تبجي مردت گلبي والله لو نبجي العمر كلة قليل بحگة

اووف راح ضوة عيوني راح اللي جان محد يكف
بصدور راح وعافني للضيم لو هو هين جان

هسه متزوجين وعايشه حياتي .. مامقسوملي
الفرح ولا مقسوملي اعيش وياه .هم يجي يوم

وزلمة غيرك يدخل الگلبي لا والله ماصدك محد يكدر ياخذ مكانك بجيت شويه وسكتت حتى

دمووع ماضلت.. احير منين اتلكاهه... قريتلة الفاتحة .. شلت اجزاء للقرأن

وزعت عالنسوان كعدنا قرينالة قرأن.. صارت المغرب.. صبينة العشى.. تعشو الناس وراحو
لمينا السفرة ونضفنا اني والبنات بقيت يمنا

سهام وسحر شنون اثنين .. نضفن وياينه البيت
اشوفهن مدري شيتمضحكن بيناتهن بس ابد

مااهتميت بعد شيحجون خل يحجون.. لان صدك مليت كافي همووم.. عفتهم وطبيت

توضيت وصليت.. كعدت بالغرفه شويه حضنت
صورته وبوست ساعته.. وطلعت للمطبخ

شذى.. حرير.. شفتيهن شنون يتمضحكن

حرير.. هنه وينهن شنو راحن...

شذى.. اي گلهه تكلعهن راحن...

فرح.. ههههه اهم شي غسلن الهوسه كلها

شذى.. عجل شكو جايات هاي هي يشتغلن وينضفن ههههههه

حرير... شذى اريد منج خدمة..

شذى... هاا خير حبيبتي كولي..

فرح... اكفو لا تحجون خل اجي يمكم اسمع

حرير.. بنات اني صرت سبب خراب بيت دحام

شذى.. اهووو والله عرفت هيج راح تكولين

حرير.. شذى.. اليوم ام دحام جت وكالت بيتنا مكلوب عزه بي كبل مشاكل من ورايه

شذى.. يبووو انتي شعليج قابل كتيله حبني
والله هاي خوش سالفه

فرح.. اي صدك حجي شذى بعدين همه هم كلبو علينا عزة وضحونا هاي هي خل يتلقون شر اعمالهم..

شذى.. هسة ماعلينا شتيدين مني..

حرير.. اريد احجي ويا دحام واقنعه اكله اني ماوافق بيك وانهي كلشي واخلي يرجع مرته

فرح.. عيني دحام يحبج شفت الحب ولهفة بعيونه والله ماتصور يسكا راح يضل وراج

حرير.. ماعليكم اني بس اكطع الامب وراهه اروح مابقى هين

فرح.. وين تولين وعرسي..

حرير اجي العرسج شبيج بس مابقى راح اروح بيت عمي فواز لو للجزيرة..

فرح... اهووو تخبلتي شبيج..

شذى.. وشنون راح تحاجين دحام..يولي

حرير.. مادري اني هم محتارة وين الكاه اذا ما اني احجي وياه ماراح يكطع امل..

شذى.. زين اذا دحام قبل توافقيين على سامر

حرير. والله مادري يمعودة خل نحل هاي السالفه بعدين منو كال سامر ماخطب

شذى.. الزلمة مايديد. يتزوج هسه بس من شافج فكر بالزواج يعني ماكو وحدة اباله غيرج..

حرير.. مو موضوعنا هذا .. هسه اريد احل سالفه دحام

فرح.. خل شذى تجيبلج رقمة من مبايل ابو قاسم بدون مايحس وخابري

حرير.. لااا عزه اتستحي بعدين اني منيلي مبايل..

شذى.. انتي شبيج ماعندج مبايل اخذي مبايلي ابو قاسم راح ياخذلي جديد اخذي مالتي واشتري خط

حرير.. يمعودات هسه فكرو ويايه عوفو المبايل

شذى.. اجيبلج الرقم وخابري بالليل من تلفون عمتي..

فرح..، اي صدك امي شامره التلفون خابري من عدها..

حرير.. والله استحي احجي وياه شنون

فرح.. هلا هلا من يمتى وجاي صرتي تستحين من عدنا لووو مممم

حرير.. دملزكي ولج والله استحي..

شذى.. ابو قاسم من يعوف جهازه عالشحن اني احاول اجيبلج رقمة...

دحام.. طلعت على محمد اخذتو ورحنا للسوك تسوكت للبيت وكملت وصعدنا...

دحام.. طلعت على محمد اخذتو ورحنا للسوك تسوكت للبيت وكملت وصعدنا...

محمد.. جيب وياك ماي ..

دحام.. نزلت اخذت ماي وصعدت...

محمد.. يولو معقولة راح تخطبها..

دحام،. اي عجل اتيدني اخليها تروح للغريب

محمد.. لا. طبعا انت اولى بيها بس راح يصيرن عليك اثنين راح يخبلنك.. ههههه

دحام.. محد يخبلني اعرف اني شنون اتصرف

حرير.. جة ابو قاسم.. صبيناله العشى وكعدنا
عينه عالتلفون شوكت يزتو بالكاع حتى ناخذ االرقم.. خليت الجاي عالنار وكفت يم الطباخ
انتضرة يكمل حتى اصب..

فرح. هاا بشري تمت المهمه..

حرير.. ههه الا بعد والله...

فرح،. ولج سمعتو ايكول الشذى اريد اسبح جعزي الحمام..

حرير.. اي يعني قصدج من يفوت للحمام ناخذ الرقم..

فرح.. اي هسه يفوت وناخذ المبايل

حرير.. يمة من عدنا يمة مايفوتنا شي..

فرح... كبيدنا عظيم.. هههه

حرير.. بس عطفناا اعظم.. اووف عاطفتنا دوم متغلبه علينا...

فرح... يولي خاف شسمة مممم

حرير... شنو شسمة احجي لا تبقين تحاجيني بالاغاز

فرح.. هههههه لا هيج الجاي احترك ...

حرير.. شلت الماي وركضت وراهه اني اعلمج ولج دوم تفكيرج غلط امداج ياحب هذا

فرح.. طبيت للغرفه واني ميته ضحك يولي عيونج اعرفها..

حرير خل اصب جاي وارجعلج اصبري.. اني اعلمج...

شذى.. اكفي لا تصبين فات يغسل

حرير.. عجل هم زين كتيلي يلة ماصب هسه

شذى... هسه اركضي جيبي مبايل عمتي

حرير.. ياا صدك نسيت.. وينه هوة

شذى.. امشي ويايه تلكي مشمور بالهول

حرير.. اي شفت حمودي مسوي سياره ويلعب بي..

فرح.. فتحت الباب هاا عليمن ادورون على مبايل امي مو

حرير.. كطييبيعه تكطعج نصي حسج

فرح.. هيانه يمي شحنته لكيته طافي

شذى.. يااا الصرصور هم يخلص شحن😂

دجيبي يله..

حرير.. عفية استعجلو راح يجي ابو قاسم

فرح.. يله ردي...

شذى.. ٠٧٧١

حرير... يولن استحجي احجي شذى انتي احجي وياه

شذى.. لازم خاطبني الي لا عيني انتي حليها

فرح .. راح تخابري هسه..

حرير.. لااا عزة خل ينام ابو قاسم..

حرير..كتبته الرقم وطبينا للغرفه..

صار الليل الكل نام بقيت بس اني وفرح

فرح.. ادك لو لا..

حرير.. يولي الساعه ١٢ خاف نام عيب

فرح.. لا عيني ماينام من وكت شعدنا دجاج

حرير.. يولي خل ادزله رساله افهمه بيها استحي احجي

فرح.. شوف حظي .. هي مال رساله اسكتي دكيت بعد.. عدلي شعرج وخلي عطر

حرير.. وجع وكت شقاج انتي هههه اكفي خل اقفل الباب...

دحام.. جنت بالربعه وحدي كاعد اتفرج  برنامج من سيربح المليون.. جهازي غادي مني سمعته

يدك.. نصيت التفزيون وكمت.. انتبهت بس رقم
منو هذا بهالليل.. الووو... 📞

فرح.. ولج جاووب هاااج..

حرير.. استحييي

دحام.. الووو .. منو ويايه 📞

فرح.. بصوت ناصي الرجال ديحجي ولج

حرير.. كضبت التلفون وايدي ترجف.. ولج ماحجي منين ينسد هذا

دحام.. حريرر شبيج احجي..

حرير.. نزلت التفوون ولج عرفتي عزة عليج

فرح.. ههههه طبعا گلبو حس انتي

حرير.. انجبي سمع صوتنا..

دحام.. ويامن دتحجين يولي.. الووو

حرير.. بلعت ريگي بصوت ناصي الووو

دحام.. الوات... شبيج احجي

حرير.. شنونك... 📞

دحام.. هسه ردتلي العافية.. انتي شنونج

حرير.. بخير الحمدلله..

دحام.. شعجب خابرتي..

حرير.. نزلت التفون يولي يكلي شعجب خابرتي شكله

دحام.. انتي منو يمج شبيج ويامن تحجين

حرير.. لا بس يمي فرح..

دحام.. اي اطلعي روحي غاد اريد افتهم مادفهم منج شي

حرير.. وين اروح يعني..

فرح.. مممم ليش لا النوب يردون ينفردون عيني اني هم اروح احجي ويا خطيبي

حرير.. نزلت التلفون ولج انس اعلمج اصبري

فرح.. ههههههه سلامي الدكات كلبج شوفي روحج راح تموتين طلعت وطبكت الباب ورايه

دحام..يولو.. احاجيج راح تبقين ساكته

حرير.. لا لا هسه وياك

دحام.. اي اخبارج .. ولا جنت متوقع بيوم تخابرين لان ادري خشمج عالي

حرير.. لا موشغلة عالس بس دحام

دحام.. يولي كضيت عمري اكره اسمي بس من وراج كمت اعشك حروف اسمي..

حرير.. دحااااام بطل هالحجي

دحام.. يبعد دحام وعمامووو هاا يعيون دحام

حرير.. راح اسده والله...

دحام.. هسه غير تحجي عاد...

حرير.. دحام .. اني ماقبل بالزواج منك الله يخليك تره اني مانقضة قهر.. انت انسان متزوج وشفت بعينك شمة شنون فضحتني .. اذا خطبتني شراح تسوي بيه.. واني من كلت موافقه اني خبيت اغيضهم اني ماموافقة

دحام.. اي وبعدين...

حرير... عبالك مو عاجبك كلامي

دحام،. ددخنت جكارتي وطلعت بره.. لا عادي كملي..

حرير.. يعني بالمختصر شيلني من بالك

دحام.. يول اذا كدرتي تطلعين من كلبي ماعندي مانع.. بس اذا انتي متربعة بنص كلبي شنون اشيلج من بالي..

حرير.. يعني شنووو...

دحام.. يعني انتي اللي مو الغيري واللي يتكلط عليج اسويها دم للرچاب والله..

حرير.. اني اصلا ماتزوج روح رجع حرمتك

دحام... خل تولي مارجعها خل تتأدب..

حرير.. المهم بقت يمك بس جبيت اوصلك فكرى انو اني مااتزوج ومستحيل اوافق.. واذا فكرت بالزواج راح اوفق بسامر

دحام.. انعل اهل سامر هسه... دشوف شنون توافقين.. غير اكسر راسج

حرير... وانت شعليييك بية هااا

دحام... كتلج انتي اللي وماتصيرين الغيري
لا سامر ولا غير سامررر

حرير.. حجي يفيدك هذا

دحام... يولي لا تعانديني تعرفيني مخبل

حرير.. المهم اني طولت.. والجهاز مابي رصيد

دحام.. اكطعي اني اخابر..

حرير... لاااا اني حبيت اكولك وبس وهاا نسيت اكلك شي بعد لا ادور عليه لان راح اروح بعيدد

دحام... وييين تروحين.. هاا عجل يرضيج اموت وراج

حرير.. يله باي اروح اني..

دحام،. ووووين رايحة اكفي..

حرير.. سديت التفون.. وكعدت عالجربايه رجعت كمت احوص مثل الخبله افتح اروح واجي

يربي رجع دك شسويت اني هذا منين يطفى
بقيت افتح خط ماجي واسده...

دحام.. شبيج احجي... 📞

فتحت .....  هاااا شتريد... 📞

دحام.. هااا شتريد... لا سلامتج اخذي راحتج
سديت الخط.. 📞

حرير. عزة عيب هيج حاجيته... بس يله بلكي يشيلني من بالة...

دحام..فرحت من سمعت صوتها..،بس ضجت من كلامها والنوب اتكول راح البتعد مدري شنو
شلون مصيبه ويا هالبنية...

حرير.. سديت الخط وتمدتت.. بقيت صافنه

ياربي شنون ويا هذا ماراح يجوز خل اروح
للجزيرة باجر.. بلكي يمل وينسى.. اي والله

احسن حل.. كمت الحيلي لميت هدومي وغراضي وخليتهن يمي الصبح من يطلع ابو قاسم اطلع

وياه... صديت صوت رساله.. رحت شلت التلفون
لكيت رساله من رقم دحام..

مكتوب شفت ارتباكك والمشاعر تخونك
تسوى بعيني كلشي اتمناه ياصوتك الدافي 

ولذت الحونك يامبسم ربي من الورد سواه
حتى عيونك لك اجر في عيونك

كل ماسـررحت  برمشها گلت اااااالله ..
نصبر على عنادج والله كريم...😉

حرير... عززة هذا شدزلي خرب منين امسحهاا

هذا مجنون موصاحي والله ضليت اكلب بالجهاز كوة عرفت احذف الرساله... طفيت التلفون
خليتة يمي ونمت .. كعدت الصبح

لكيت ابو قاسم يريد يطلع للشغل عزة مادري بنفسي ضليت نايمة.. طلعت اركض شذى راح ابو قاسم لو بعدة

شذى.. شبيج شنو حلمانه بي لا بعده بس راح يطلع ليش.

حرير.. وينه دحجي..

شذى.. بالغرفه يمعوده شبيج روحي عليه

حرير.. رحت على ابو قاسم شرحتله كتله تفسيتي تعبانه اريد ابعد شوي عن الديره ومشاكلها خطيه مااعترض وافق.. كال اني اكول

الابوج .. اخذت غراضي سلمت على شذى وطلعت بس مالحكت اسلم على عمتي لان نايمة

شذى.. اكفي كتبلج رقمي عود خابري

حرير.. منيلي تلفوون رجعي

شذى.. اكفي.. طبيت ركض.. جبت مبايل عمتي ويا الشاحنة.. هاج اخذي وياج

حرير... لااااا رجعي ماريدة

ابو قاسم.. اخذي خاف تحتاجينه بشي احسن

حرير.. لا والله شسوي بي

شذى.. ولج لا تعاندين اخذي. عمتي عليمن تخابر دخذي...

حرير.. كطت التلفون بحضني وراحت.. طلع ابو قاسم حرك السيارة.. بقيت ادحگ عالديرة بقهرر

راح اروح ومارجع بعد خل ارتاح بلكي ترجع الامور الى مجرااهه...

يتبـع...