قصة مبتعث إلى عالمهم 💀👻
(( قصة مخيفة جداً ))
الجزء ••••• { ١٠ }
..................
گنت منتظر من عبدالعزيز يقول لي يلا أو هيا ، لگن لا جاوب عَلَيّ ولا رگز معي ولا حتى أعطاني وجه ، گني أتگلم مع جدار أو بلغة ما يفهمها .
صرخت عليه :- عبدالعزيز أنا قاعد أگلمگ ؟
ما رد عَلَيَّ ، رحت عنده ومسگته وقلت :- هيه عبدالعزيز ، ولا زال مطنشني ويتلفت ويناظر ، مره بالأرض ومره بالسماء ومره بالأشجار ، تعرفون شي ؟ نفس حرگات أحمد يوم شفت هذاگ الشخص الأسود .
صرخت :- عبدالعزيز تگفى ، رد عَلَيَّ والله تعبت مالي غيرگ بعد الله ، تگفى ، لا تخليني بحالي .
هنا أنا أنهرت وطحت على رگبتي وقعدت أبگي وأنا أقول :- خافوا الله فيهم خافوا الله .
وأنا أبگي سمعت صوت عبدالعزيز المبحوح وهو يقول :- فيصل !
قمت وشفتة وگان ماسگ رقبتة ويقول :- أحس أحد يخنقني وأحس بدوخة وودي أستفرغ .
قلت له :- أذگر الله .. أذگر الله .
گان يحاول بس ماهو قادر وگان يأشر ويطبطب على حلقة .
بديت أقرأ أية الگرسي ، وهنا طاح عبدالعزيز بالأرض وأنفجر بالبگاء .
ما وقفت القراءة إلا لمن سحبني عبدالعزيز من رجلي وطيحني بالأرض وصار يصارخ ويقول :- أسگت .
وبعدها أغمى عليه ، يا الله وش بقي لي غيرگ ، يا الله اغثني ، گنت أردد هالگلمات وأنا أحاول أسحب عبدالعزيز للسيارة وگانت يدي المجروحة تحت رأسه
حسيت قلبي بيخرج من مگانة من شدة الألم .
طلعت عبدالعزيز السيارة ويدي بدت تنزف ، ما أهتميت ورگبت السيارة وشغلتها ومشيت ، گنت مسرع بالسيارة وگان الدم ينزل ويطيح على بنطلوني ، بس الحمدلله قدرت أطلع من هالمگان المشؤوم گله ومشيت على الخط السريع ، گنت ابي أخذ المناديل من الگرسي إلي جمبي ، لگن لمن قربت يدي للمنديل شفت شاب جالس جمب عبدالعزيز ورا ويبتسم لي ، لفيت على طول ووقفت السيارة بطريقة جنونية حتى أصوات البواري تعالت من السيارات إلي وراي ، قمت ونطيت ع-الگرسي إلي ورا ومسگت هالشخص وقلت :- من إنت ووش تبي ؟
وگنت أبعد عبدالعزيز بيدي الثانية لين لصقتة بباب السيارة ، عشان لو گان هالولد ناوي يسوي جريمة مايبتدي بعبدالعزيز .
لاحظ الولد إني گنت أبعد عبدالعزيز وقال :- لا تخاف مابي اذبحة .
قلت :- جاوب على سؤالي من إنت ووش تبي ؟
گانت تصرفاتة واثقة وتقول إبتسامتة إنه مو هامة شي .
قلت :- يعني إنت أخذت السيارة وبعدين ، وين گنت مختبي يوم إني دخلت السيارة ؟
أبتسم لي وقال :- ماگنت أساساً بالسيارة !
قلت :- طيب گيف دخلت .؟
قال :- هناگ فرق بين الإنس والجن !
حطيت يديني على عيوني وصرت أذگر الله بعد يديني عن عيوني وقال بضحگة :- لا تحاول ترا ما أخاف ولا أتأذى لإني مسلم شهقت وصرخت :- مسلم وتسوي فينا گل ذا !؟
قال :- لا ، إلي يلعبون فيگم جن گافر يعيشون بالمزرعة ، وإحنا جن مسلم نعيش قريب من المزرعة وإحنا المسلمين من المفروض ما نتدخل فيگم ، لگن شفتگ أول مره مع أخوياگ وأنا ودي أگلمگ ، مع إنه قبلگم جو ناس واجد لگن إنت بذات مدري ليه ابي أساعدگ .
قلت :- لا لا ماني بحاجة مساعدة جن اعوذ بالله .
ضحگ وقال :- معاد صرت تخاف ، تعودت علينا .
قلت :- آسف بس ممگن تطلع !؟
قال :- بعد العناء عشان أوصلگ تقولي أطلع ؟
قلت :- وش تبي فيني ياخي ، وبعدين ترا ما أصدَق إنگ جني باين عليگ تحب تطقطق ، ف-الله يخليگ أنزل وخلني أشوف إلي وراي ..... ؟
يتبع جزء جديد 👇🏿
