#ثمن_حريتي

الجزء الثامن

#ثمن_حريتي
بقلم فردوس عبد اللطيف
الجزء ...الثامن. حقيقية
هجرت الاهل والزوج للبحث عن حياة افضل تلك التفاصيل
  ، تتألق البصيرةوتتوهج الروح. ساعاتنا في الحب لها أجنحة ولها في الفراق مخالب وكمْ يَمْضـي الفـراقُ بِـلا لقَاءٍ، ولـكِـنْ لا لـقَــاءَ بِـلا فـراقِ. هجرت بعض أحبتي طوعاً لأنّني رأيت قلوبهم تهوى فراقي، نعم اشتاق ...
"ليتني أعود إلى بيت والدي وإخوتي، ليتني لم أهرب من منزل زوجي . فالعذاب أهون بكثير من هذا العذاب.. ليتني لم أهرب، أتمنى الموت ألف مرة على أن أحيا هذه الحياة، ولكن ماذا ينفع الندم. ضاع كل شيء.. الأم والأب، ولم يبق لي سوى النّدم والألم وغضب الله، فهل سيغفر لي ربِّي
خطيئتي؟!".
كم كنت اتمنى ادرس واخذ شهاده واشتغل واستقل ماديا وان تزوجت ..تمنيت يكون زوجي انسان محترم يحترمني واعيش معاه قصه حب بالحلال وبدون منغصات لكنت اخدمه واعشقه ..... هل هذه امنيات صعب تحقيقها لفتاة مثلي
ولكن قدري سيرني ولَم يكن باستطاعتي الاختيار
بعد ماتعرفت على هاوره صارت حياتي الهه طعم ومعنى
كان يتصل بي يوميا يطمن علي ويسال عني
هاوره الو هلو مسار اشلونج حياتي
يسرى هلو حبي اشلونك
هاوره مشتاقلج بعد ما اتحمل فراكج اني تعلقت بيج
يسرى حبيبي اني هم من تجي يمنا احس الدنيا ضحكتلي وجودك بحياتي اسعدني
هاوره حبيبتي!!!!
تدرين صرت اغار عليج من شغلج ويه الجماعه
يسرى شسوي مجبوره اذا ارفض انضرب وياذوني
هاوره اشلون لعد لازم نشوف حل
يسرى وشنو الحل
هاوره خليني افكر
يسرى  اوك حبيبي اروح صاحتني ام طارق
بقيت على هالوضع فتره حب وغرام مع هاوره غير الزبائن الي يجون كنت مجبره على هذا العمل صحيح صعبه علي بس عندي أمل اتزوج هاوره واخلص من هذه القذاره
الانسان مهما يقع ممكن ان يبحث عن بصيص أمل ولو خيط رفيع يتمسك بي ينقذه .....
اجه هاوره لبيت ام طارق كان يجي كل عشره ايام يبقى يومين وطلبني يقضي الليله معي
كان لقاءنه مختلف عن كل مره لان هالمره بي اشتياق وحنيه
عشتها معاه
هاوره حبيبتي يسرى اريد اتزوجج واخلصج من هالمكان
يسرى مديت ايدي على حلكه وكتله اشششششش لا تسمعك ام
طارق
هاوره وشكو بيهه نتزوج بالحلال
يسرى اخاف ميقبلون
هاوره اذا ماقبلو هربي وتعالي
يسرى بس هاوره اكو مشكله لازم تعرفهه
هاوره كولي حياتي بس لاتحبين واحد غيري
يسرى لا لا. ما احب غيرك لكن اني كنت  كنت
هاوره احجي لا تسكتين
يسرى اني كنت متزوجه وهربت من زوجي
هاوره واهلج وين وليش هربتي
يسرى قصه طويله بس حبيت اكولك لازم تعرف
هاوره هاي مو مشكله اخذج للمحامي الي يتابع اعمال شركتنا
هنا تسويله وكاله وهو يقوم باجراءات الطلاق ويطلعلج مستمسكات بس للعلم
اولا زواجنا يكون زواج شيخ مو بالمحكمه
ثانيا يكون زواجنا بالسر اهلي ميعرفون
لان مراح يوافقون لهذا اريدج تلتزمين بكل كلمه اكولهه
راح اخذج الى أربيل اكعدج بيت ملكنا بس مأ جرين  الطابق الأرضي والطابق الفوك معروض للإيجار
راح اكولهم صديقي من الموصل وعائلته وادفعلهم ايجار من عندي وبالنسبه للأثاث اشتريت واثثته بس ماريد احد يشوفج
ممنوع تفتحين شباك
ممنوع تطلعين وحدج
ممنوع تفتحين الباب لاي شخص
يسرى حبيبي موافقه على شروطك
اهم شي عندي اعيش بشرف وستر وبالحلال وين ما تعيشني
عيشني اهم شي نعيش سويه وبالحلال
هاوره ماشي حبيبتي اتفقنا
باجر الصبح استأذن من ام طارق اكولهه اخذج اسويلج جنسيه واوديج للمحامي
يسرى شكرا حبيبي شكرا حياتي انت حاتنقذني من بؤره فساد
هاوره اي بس ديري بالج لا تحجين كدامهم عالزواج 
كوليلهم يريد يساعدني اطلع جنسيه
يسرى اي زين كتلي لان ام طارق مرات تسالني واني اتخربط شجاوبهه ودكولي شتسولفين ويه هاوره
اكولهه كلام عادي
هاوره اي لا تخليهه تعرف الي بينا
يسرى  حاضر كلبوني
هاوره هلو كلبوني اليوم اني ملك الغرام
يسرى انت اميري ومليكي
هاوره نامي حبي باجر لازم نكعد نروح للمحامي
اليوم الثاني الساعه 12 ظهرا
يسرى صباح الخير خالتي ام طارق
ام طارق اليوم اول مره اشوفج مبتسمه شعندج
يسرى خالتي اليوم هاوره يريد يطلعلي جنسيه
ام طارق اكول شغلتج مو خاليه
يسرى خالتي صعبه ماعندي جنسيه
ام طارق اي بنتي صدك صعبه روحي حضري الريوك وكعدي خلي يروح وياكم طارق
يسرى حاضر خالتي ....
يسرى هاوره اكعد استأذنت من ام طارق دكول خلي طارق يروح وياكم يوديكم بالسياره يمكن تخاف لا انهزم
هاوره لا تهتمين اني افهم المحامي انت بس اخذلج صوره وسوي وكاله للمحامي
وهو يعرف شغله بس لا تحجين كدامهه
يسرى لا لا ما احجي
يالى تعال كلبوني حضرت الريوك
حظني وباسني
هاوره دتعالي مشتاقلج
يسرى مو الشاي حار
هاوره اوف شكد احبج
نزلنه تريكنا واجه طارق
يسرى عفيه طارق ودينا للمحامي هاوره حايطلعلي جنسيه
طارق كلتلي امي روحي بدلي عالسريع
يسرى حا اغير ملابسي دقايق،،،،
يسرى بدلت وطلعنه ويه طارق رحنا للمحامي
كعدنه بالانتظار ربع ساعه بعدين دخلنه عالمحامي استقبلنه
المحامي شكله شخصيه وجنتل شكله مرتب لابس قاط ورباط
ملابسه انيقه ومكويه بطريقه فنيه غير تناسق الألوان
هاوره ...طارق اخذ مسار واخذلهه صوره ورجعهه غمزلي
طلعت اني وطارق
هاوره حضره المحامي هذا الكلام بيني وبينك أريدك تطلع ليسرى جنسيه وهي متزوجه ....بعدين ادزلك اسم زوجها برسالة وأي معلومات تريدهه
المحامي تدلل استاذنا العزيز ماعدهه مستمسكات؟
هاوره تقريبا هي هاربه من زوجها وأريدك ترفع دعوى طلاق وتطلقها غيابي
المحامي استاذنا جاي احس اكو شي بالموضوع
هاوره انت صديق وأخ عزيز اريد أتزوجها بس الموضوع سر بينا ....ما اريد احد يعرف
المحامي تدلل اخ هاوره من باجر حا ابدي بالإجراءات
هاوره انت شاطر استاذنا وعندك علاقات ممكن تخلص الموضوع بأقرب وقت
المحامي التسهيل من الله
رجعت يسرى وطارق وجابت الصور
المحامي كم صوره
يسرى 8 صور
المحامي ماشي من احتاج اطبع
هاوره شكرا استاذنا خلينا ع اتصال
رجعت للبيت فرحانه وطايره من الفرح
تلكتنه ام طارق ها مسار شسويتو
يسرى المحامي هو الي حا يشتغل اني ما اعرف شي
رجع هاوره لاربيل واخذ فرحتي وياه
بقيت احسب الايام شوكت يرجع
مرت الايام بغيابه طويله ومابيهه طعم كنت اتمنى تمر بسرعه ويجي اليوم الي اخلص من هالمكان واخلص من السهرات والزبائن المقرفين ،،،كل يوم بحضن واحد شكل
الزبائن الي يجون مختلفين يوم يجي شخص مرتب ونظيف مجرد يفرغ طاقته ورغبته ويدفع بكل أدب واحترام
ومرات يجي شخص قذر ووسخ ولازم يضرب ويأذي
هذا غير السادي المريض الي طلباته شاذه مقرفه
واحنا لازم نتحمل كل زبون ونحقق رغباته بدون اي اعتراض سهر بالليل ونوم بالنهار ،،،،
هاوره الو يسوره حبي
يسرى هلى كبد بوني
هاوره شنو هالمصطلح
يسرى ههههه معناها انت كبدي يا كبدي
هاوره اويلي ولج مشتاقلج شوكت تنورين بيتج
رتبت الاثاث والستائر ونظفتلج البيت حتى تجين اميرتي وتسكنين في قلبي وبيتي يانور عيني
يسرى الله كلامك عسل اليوم خالتي مسويه باجه وحا اروح اكل البمبارات كولهه
هاوره ههههه لا تسمنين اريدج رشيقه مثل ما انت جسمج يخبل ...شعرج يخبل
يسرى على كيفك هاوره تدري انت اول حب بحياتي
هاوره روحي اكلي البمبار ودزيلي بالفون
يسرى حاضر كبد بوني
هاوره باي كبد بوني
يسرى رحت اكلت اول مره اكل بشراهة اني احب البمبارات بالباجه المصلاويه
بقيت أعد الايام لجيه هاوره
هاوره. الووو يسوره الجنسيه كملت اني اجي باجر حتى نكمل إجراءات طلاقج من زوجج
يسرى حاضر حب انا بانتضارك
اجه هاوره وتلكيته حضني
مشتاقلج مشتاقلج مشتاقلج يا كبد بوني
يسرى الله هاوره اني مشتاقه اكثر منك
كملنا إجراءات الطلاق ....طبعا المحامي حيل تعذب واستغل علاقاته وكدر يكمل الطلاق بأسرع وقت
وأخيرا تطلقت وخلصت من حسام واستلمت ورقه طلاقي
بقى عدنه مشكله إقناع ام طارق وطارق
يسرى هاوره اشلون اخاف ميوافقون ام طارق وطارق
هاوره حبيبي ذولي اهم شي عدهم الفلوس وبكل الأحوال اذا عاندو لو تهربين وياي او أسلط عليهم شخص مسؤل يهددهم
يسرى كبد بوني خو ما تاذيهم
هاوره حبي اخذج غصبا عليهم باي طريقه
يسرى حضنته وبجيت ....وين كنت عني قبل
هاوره اني معاج ولا تخافين
مستحيل اتخلى عنج واخليج بعيده عني
هاوره حجيه ام طارق عندي كلام معاج
ام طارق خير استاذ تفضل
هاوره بصراحه اني اطلب ايد مسار من عندج
ام طارق صارت عصبيه وانت منو كلك مسار للزواج احنا شغلنه عليهه والزبائن يطلبوهه بالاسم
هاوره حجيه من الاخر الى تطلبي مهر لمسار اني حاضر
ام طارق من سمعت بالفلوس تغيرت نبره صوتهه
ميخالف استاذ خلي أستشير ابني طارق
هاوره يعني ما مختلفين ومن اليوم بعد يسرى ما تشتغل خلاص
ام طارق يمه منك بعدهه مصارت ملكك
هاوره هي ملكي بكل الأحوال
ام طارق حتى اسمهه غيرته
هاوره هسه انت شعليج كولي مبرووووك وهلهلي
ام طارق غير يجي طارق
هاوره ماشي.
يسرى البنات سمعو وماصدكو الهلاهل والركص بعد بيت الطرب بس يردن مناسبه يركصن
بوسوني البنات ومره يغنون ومره يركصون ومره يبجون على فراكي
بس اني فرحتي ماتنوصف حا اخلص من الحرام واعيش حياة حره كريمه وشريفه ومستعده اخدم هاوره بايدي ورجلي
اجه طارق وكعد مع هاوره واتفقو ينطيهم مبلغ بس ماقبل يكولي كم المبلغ  كال انت معليج بهالامور
اخذني للشيخ ومهرنه وصرت زوجه هاوره بس عقد خارج المحكمه رجعت لبيت ام طارق ودعتهم
للحكايه بقيه ...تابعو الجزء القادم هل ستسعد يسرى مع هاوره
..............بقلم فردوس عبد اللطيف ...................